Josuwa 18:10 - Bhibhiliya Nya Guage

¹⁰ Khavbo avbo, Josuwa a di lola dzisolo mbeli ga Pfhumu Nungungulu, a kavedzela litigo sanana sa Israyeli gukhedza khu dzinyumba dzawe, nari khu tigoni ga Silo.

Josuwa 18:10 Iomraidhean Croise

1 Dzikoronika 24:5

Va di kabanisedwa khu mitsawa khu gu lodwa khu nyatumbatumbane; kholu gu diromo vathangeli va vbawulangani nya Guage ngudzu ni vathangeli va Nyumbani ya Nungungulu, ga va na Eliyazari ni ga na Itamari.

Nehemiya 11:1

Avo va nga bani va thangela vathu, va di khala Jerusalema, aholu ava vambe vathu va di lola dzisolo gasi guti vbakari nya mitsawa nya likhumi mapango gu hathwa moyo a yelago guya khala dhoropani nya gukatege Jerusalema; gasi ava vambe nya livbandre na sina sipandre, va vbaha ga mambe madhoropa.

Dzindzimo 47:4

A ngu hi hathela thomba yathu, wuzundzo wa Jakobe, gigodwa gyaye.

Dzindzimo 61:5

Uwe U Nungungulu wangu, u yingiside sisambanyo sangu, U nyi ningide thomba yi lumbago vale va thavago lina lago.

Mavingu 18:18

Gulolwa dzisolo gu ngu vbedza mayunga, gu lamula mahungu ya va nya dzitshivba.

Jeremiya 7:12

Gasi olu, nga hongolani ga wulanga wangu gu nga bani guri dhoropani ga Silo, avbo guhegulani gu nga bani gu khala avbo lina langu, mu ya wona iso nyi li giridego khu kotani nya sighoho sa vathu vangu, va na Israyeli.

Ezekiyeli 47:22

Enu mu na kabana kha nga thomba yanu kamwe gumogo ni valuveli va vbanyago vbakari gwanu, na vari ni sanana. Enu va vegeni kha nga sivelegwa sa Israyeli; gumogo nanu va na bela thombani, vbakari nya mahundzu ya Israyeli.

Ezekiyeli 48:29

“Eli khilo litigo mu na gu kavedzelago kha nga thomba ga mahundzu ya Israyeli; si na bani ari isoso sipandre sawe; a ngu ganela Mune Pfhumu Nungungulu.”

Mikeya 2:5

Khu guralo, kha mu na mana wa tshanganoni ga Pfhumu Nungungulu, a na gu gu pimelago khu ngodzi, wulime wu lumbago vathu vaye.

Mitengo 34:16

Pfhumu Nungungulu a di ganela gambe ga Mosi, khuye:

Matewu 27:35

Hwane nya gu bani va mu khokhothede, va di kabana dzingandzu dzaye, vaya khu gu gira nyatumbatumbane.

Johane 17:2

kholu u mu ningide tshivba nya gufumele sivangwa satshavbo, gasi a ninge guvbanya nya gupindruge vatshavbo vale u nga mu ningago.

Mithumo 13:19

Khu hwane nya gikhati a di fuvisa livbandre na mavili mahundzu ya tigoni ga Khanani, a gu li ningela ga vababe vathu,

Mithumo 26:18

Eni nyi ngu gu rumela guya va tula maho yawe gasi va duga gidemani, va ta guwonegelani; va duga wugumbini wa Sathane, va ta ga Nungungulu, va khodwa gwangu va fela gu divaledwa sighoho sawe, va hakha thomba yi lulamisedwego vbakari nya sihathwa, khu gukhodwa Gwangu.’

Vakolosi 1:12

Bongani Nungungulu Babe a dzinidego gukhuye mu mane nenu fanelo nya guya hengela guhodza thomba a yi vegisedego libandla laye mufumoni nya wenengedzo.

Josuwa 14:2

Gukavedzedwa nya thomba, gu giridwe khu gulola dzisolo kha nga idzo Pfhumu Nungungulu a nga leletelago khidzo Mosi, gasi gu kavedzedwa livbandre na mana mahundzu ni gipandre;

Josuwa 14:5

Sanana sa Israyeli si di kabana litigo, va landrisa esi Pfhumu Nungungulu a leletedego Mosi.

Josuwa 18:11

Solo nya guphele yi di thegela lihundzu la na Bhejami, gukhedza khu dzinyumba dzawe. Litigo lawe li gira vbingano ni va na Judha ni va na Josefe.

Josuwa 18:6

Mu na pimela litigo, mu li kabanisa khu livbandre na sivili sipandre; mu na nyi reselani malangalila yakone, gasi nyi kodze gu sasuledza mbeli ga Pfhumu Nungungulu wathu.

Josuwa 18:8

Vama vale va di khuga va phara ndzila. Josuwa a di ninga sileletelo sesi ga vama vale va nga hongolago guya lovetela litigo, khuye: “Indrani mu ya dzundrulugela litigo, mu lovetela, khu hwane mu na wuyani avbo gwangu, gasi nyi ta kodza gu sasuledza solo ga Pfhumu Nungungulu, na nyiri khavba Silo.”

Josuwa 18:9

Avo va di khuga va hongola, va ya dzundrulugela litigo, va lovetela khumo nya libhuku, va li kabanisela khu livbandre na sivili sipandre, gukhedza khu madhoropa yaye; khu hwane va di wuya ga Josuwa tigoni ga Silo.

Josuwa 19:51

Edzi khidzo dzithomba dzi nga kavedzedwago khu muphasi nya mhamba Eliyazari, ni Josuwa, mwamana wa Nuni, ni vathangeli nya dzindranga nya mahundzu ya Israyeli, va ya khu gulola khu solo na vari dhoropani ga Silo, na vari mbeli ga Pfhumu Nungungulu, nyangwani nya Tshatsha nya Tshangano.

Josuwa 23:4

Wonani, nyi mi kavedzede khu mahundzu yanu mayigo yaya ma tshalago khu gulola dzisolo, gumogo ni mayigo yatshavbo nyi ma mbembisidego, gukhugela Joridhani kala Yiphwa nya Yikhongolo, guya Pfoladambo; gasi ma khala thomba nya situgulwana sanu.