Josuwa 17:6 - Bhibhiliya Nya Guage

⁶ kholu vanyamahegyane va Manasi va di hakha thomba vbakari nya sanana sa lihundzu la limwedo. Litigo la Gileyadhi li di hakhwa khu simbe sanana sa Manasi.

Josuwa 17:6 Iomraidhean Croise

Ezekiyeli 48:4

Manasi, giavelo gyaye, gi na khugela vbinganoni ni va na Nafitali, gukhugela phuvbo ga Khugadambo kala Muhwadambo.

Josuwa 13:29

Mosi a di ninga gambe thomba gipandre nya lihundzu la Manasi, gukhedza khu mapango yawe.

Josuwa 13:30

Litigo lawe kheli: Gukhugela Mahanayimi, ni Bhasani watshavbo, mufumo watshavbo wa Ogi, mufumeli wa Bhasani, gumogo ni mitalala yatshavbo ya Jayiri, tigoni ga Bhasani; yatshavbo yi diri livbandre na limwedo magumi madhoropa;

Josuwa 13:31

ni gipandre gya Gileyadhi, Asitaroti ni Edhireyi, madhoropa ya mufumo wa Ogi, tigoni ga Bhasani, aya ma di ningedwa sanana sa Makiri, mwamana wa Manasi, gipandre gya sanana sa Makiri, gukhedza khu mapango yawe.

Josuwa 17:5

Gudiga nya litigo la Gileyadhi ni la Bhasani, ma manegelago khisikheyi nya tsongo wa Joridhani, Manasi a di hakha likhumi sipandre,

Josuwa 17:7

Vbingano wa Manasi wu di khugela Aseri kala Mikimetati, wu khedzana ni Sikemi, vbingano wowu wu di hongola phuvbo ga Marandzi kala ga vavbanyi va Eni-Tapuwa.

Josuwa 22:7

Mosi a di ningide ga gipandre nya lihundzu la Manasi, gitigwana gya Bhasani; Khu guralo, Josuwa a di ninga gipandre nya lihundzu, gitigwana vbakari ga vandriyawe va na Israyeli, khu tshatugo ga Joridhani, khu phuvbo ga Muhwadambo. Gikhati Josuwa a nga va rumelago gu hongola mitshatshani gwawe, a di va kategisa.