Josuwa 17:11 - Bhibhiliya Nya Guage

¹¹ Kholu tigoni ga Isakari ni Aseri, Manasi a di ningwa Bheti-Seyani gumogo ni madhoropa yaye; Ibhileyamu gumogo ni madhoropa yaye; vavbanyi va Dhori gumogo ni madhoropa yawe; vavbanyi va Eni-Dhori gumogo ni madhoropa yawe; vavbanyi va Tahanaki gumogo ni madhoropa yawe ni vavbanyi va Megidhu gumogo ni madhoropa yawe; a gu malanga mararu.

Josuwa 17:11 Iomraidhean Croise

2 Samuweli 21:12

Dhavhidhe a diya dzega marambo ya Sawule ni ya mwanaye Jonatane, ga vavbanyi va Jabhesi-Gileyadhi, ma nga bani va ma bide avbo va nga vbayegwago khu Vafilisitiya tandralani ga Bheti-Seyani, litshigu va nga songago Sawule gigomoni ga Gilibhowa.

1 Dzipfhumu 9:15

Owu khu sasamedzo nya mithumo yatshavbo nya gibhalu yi thumidwego khu guruma ga mufumeli Solomoni, gasi guvbaha Nyumba ya Pfhumu Nungungulu, ni nyumba yaye nya wufumu, Milo ni likhokhola la Jerusalema, gumogo gambe ni Hazori, Megidhu ni Gezeri.

2 Dzipfhumu 9:27

Avbo Akaziya, mufumeli wa Judha, a nga wonago esi, a di tutuma khu ndzila yi thononago Bheti-Hagani. Aholu Jewu a di mu landra a mu lundra, khuye: “Mu songeni nuye karetani gwaye.” Va di mu bayisa na gu gwela Guri, gu khadego vbafuvbi ni Ibhileyamu, a thava a tutumela Megidhu aya fela iyoyo.

1 Dzikoronika 7:29

Mivbinganoni ya va na Manasi gu diri ni madhoropa ni mayigwana yaye a gu aya; Bheti-Seyani, ni mayigwana yaye, Tahanaki, ni mayigwana yaye, Megidho ni mayigwana yaye, Dhori, ni mayigwana yaye. Madhoropani momu gu di vbahide livelego la Josefa, mwamana wa Israyeli.

2 Dzikoronika 35:22

Aholu Josiya kha nga thendregedza a bwelela; gima kha nga yingisa magana ya Neko, ayo ma nga bani ma duga khu kanani ga Nungungulu, a di ta dwana naye kovani wa Megidho.

Dzindzimo 83:10

U nga va mbembisa dhoropani ga Eni-Dhori; sirumbi sawe si hinidego mafuni.

Jeremiya 49:2

Khu guralo, Pfhumu Nungungulu a ngu ganela khuye, ma nguta matshigu, nyi na womba huwa nya nyimbi, nyi dwana ni lidhoropa la Rabha, tsindza wa va na Amoni; ilo li na vbindrugedza li khala matala nya marumbi, mitalala yawe yi na dagarela khu nilo. Khavbo avbo, Israyeli a na hodza thomba ya vale va hodzidego thomba yaye, a ngu ganela Pfhumu Nungungulu.

Zakariya 12:11

Khu litshigu lolo, gu na pwala huwa nya yikhongolo Jerusalema, kha nga huwa ya Hadhadhi-Rimoni, kovani ga Megidho.

Josuwa 11:2

ni ga vafumeli va sigomoni sa Wuronga, ni va mikovani ga Marandzi ga Kinereti, ni va mapanini ya Dhori, khu Pfoladambo,

Josuwa 12:21

mufumeli wa Tahanaki, moyo; mufumeli wa Megidhu, moyo;

Josuwa 12:23

mufumeli wa Dhori wa Nafati-Dhori, moyo; mufumeli wa mayigo ya Giligali, moyo;

Josuwa 16:9

aholu sanana sa Efrayimi si diri ni madhoropa yawe khu phuvbo, vbakari nya thomba ya va na Manasi; madhoropa yaya ma diri ni mitalala yawe.

Josuwa 17:10

Gipandre gya Marandzi gi di lumba Efrayimi; gipandre gya Wuronga gi lumba Manasi, yiphwa a diri iyo vbingano waye; khu phuvbo ga Wuronga va di girelana vbingano ni Aseri, khu Khugadambo va girelana ni Isakari.

Josuwa 17:16

Khu guralo, sanana sa Josefa si di hakha, khiso: “Gigomo gegi kha gi na hi enelela; ni gu gambe Vakhanani vatshavbo va vavbanyago tigoni momu nya mikova va na ni dzikareta nya dzisimbi, ambari avo va gomogo Bheti-Seyani gumogo ni madhoropa yawe, gumogo gambe ni avo va gomogo kovani ga Jezireyeli.”

Valamuli 1:27

Lihundzu la Manasi kha la tutumisa vavbanyi va madhoropani ya Bheti-Seyani, ambari madhoropa yaye; ambari Tahanaki, ni madhoropa yaye, ambari Dhori, ni madhoropa yaye, ambari vavbanyi va Hibiliyani, ni madhoropa yawe, ambari vavbanyi va Megidhu, aholu Vakhanani va di simama guvbanya madhoropani momo.

Valamuli 5:19

Gu dita vafumeli va ta dwana, vafumeli Vakhanani va dita dwana Tahanaki, vbafuvbi ni mati ya Megidho; aholu kha mana phango nya parata.

1 Samuweli 28:7

Khavbo avbo, Sawule a di embela sithumi saye, khuye: “Nyi vbweteleni nyamayi a gu na ni sikwembu, gasi nyi ya mu wudzisa.” Sithumi saye si di mu embela, khiso: Womo nyamayi moyo tigoni ga Eni-Dhori a gu ni liphuvbo nya gusasule.

1 Samuweli 31:10

Va di vega matshari ya Sawule, nyumbani ga Asitaroti, nungungulu nya nyamayi, girumbi gyaye va gi vbayega vbalibhiyotunu la Bheti-Seyani.

1 Samuweli 31:12

va di khuga vama vatshavbo nya dzindrena, va gimbila wutshigu watshavbo, vaya dusa girumbi gya Sawule gumogo ni sirumbi sa sanana saye vbalibhiyotunu la Bheti-Seyani, va wuya naso Jabhesi vata si vbisa iyo.