Josuwa 16:10 - Bhibhiliya Nya Guage

¹⁰ Khu guralo, va na Efrayimi kha va nga dzi kodza gu tutumisa Vakhanani va nga bani va vbanya tigoni ga Gezeri. Khu guralo, kala na muhuno Vakhanani va nga gu simama gu vbanya tigoni mule, aholu va gu gurumedzwa gu livba gikhaba.

Josuwa 16:10 Iomraidhean Croise

1 Dzipfhumu 9:15

Owu khu sasamedzo nya mithumo yatshavbo nya gibhalu yi thumidwego khu guruma ga mufumeli Solomoni, gasi guvbaha Nyumba ya Pfhumu Nungungulu, ni nyumba yaye nya wufumu, Milo ni likhokhola la Jerusalema, gumogo gambe ni Hazori, Megidhu ni Gezeri.

1 Dzipfhumu 9:16

Kholu Faro, mufumeli wa Egipito, a di gwede aya wandra lidhoropa la Gezeri, a li vbisa khu nilo, a mbembisa vakhanani va nga bani vari dhoropani mule, a li dzega a ningela nyamahegyane waye, ngadza Solomoni, li khala thomba yaye.

1 Dzipfhumu 9:21

sanana sawe si nga bani si tshade tigoni mule hwane gwawe, avo va na Israyeli va ngamba va kodza gu va mbembisela muphelo, vatshavbo vava, Solomoni a di va gurumedza gu thuma gibhalu, ni gu va gira sithumi kala na muhuno.

2 Dzikoronika 8:8

situgulwana sawe si nga tshalago tigoni hwane gwawe, avo va nga vbuluga gumbembiswa khu va na Israyeli, ava, Solomoni a di va rwega mithumo nya gulemele kala na muhuno.

Josuwa 10:33

Khavbo avbo, Howamu, mufumeli wa Gezeri, a di hongola aya phasedzela Lakisi; aholu Josuwa a di sasela gumogo ni vathu vaye nyamba tshala ni moyo.

Josuwa 15:63

Khu guralo, va na Judha kha va nga dzi kodza gu tutumisa va na Jebhuzi; kotani nya isoso, va na Jebhuzi va nga gu simama gu vbanya Jerusalema, gumogo ni va na Judha kala na muhuno.

Josuwa 16:9

aholu sanana sa Efrayimi si diri ni madhoropa yawe khu phuvbo, vbakari nya thomba ya va na Manasi; madhoropa yaya ma diri ni mitalala yawe.

Josuwa 17:12

Va na Manasi kha va dzi kodza gu tutumisa vavbanyi va madhoropa ni mule; khu guralo, Vakhanani va di tiya gu vbaha tigoni mule.

Josuwa 17:13

Gikhati va na Israyeli va nga manago tshivba, va di gurumedza Vakhanani gu livba gikhaba, aholu kha va va tutumisa vatshavbo.

Valamuli 1:29

Lihundzu la na Efrayimi kha la nga tutumisa Vakhanani va nga bani va khala tigoni ga Gezeri, ava, va di simama guvbanya mule, vbakari ga va na Efrayimi.