Josuwa 15:4 - Bhibhiliya Nya Guage

⁴ wu vbindra khu Hezironi, wu gwela kala Adhari wu dzundrulugela Karaka; wu vbindra khu Azimoni, wu ya dugela gitsongwanani gya Egipito wu ya vbelela pwani; owu khuwo wu na gu bani wuri vbingano wanu, khu phuvbo ga Marandzi.

Josuwa 15:4 Iomraidhean Croise

Genesi 15:18

Litshigu lolo la limwedo, Pfhumu Nungungulu a di gira pwanano ni Abrama, khuye: “Nyi ngu ninga litigo leli sanana sago, gukhugela Egipito kala tsongoni nya wukhongolo wa Ewufrate.

1 Dzipfhumu 8:65

Khu gikhati gya gimwegyo, Solomoni a di gira buzo, ni vatshavbo va na Israyeli; ni tshangano nya khongolo wu nga bani wu dugela mivbinganoni ga Lebho-Hamati, wuya kala tsongoni wa Egipito. Va di wu gira mbeli ga Pfhumu Nungungulu wathu, livbandre na mavili matshigu, a engedzela gambe mambe livbandre na mavili matshigu, ma khala likhumi na mana matshigu.

Ekisodha 23:31

Nyi na pandra mivbingano yago gukhugela Yiphwa nya Gufuvile kala Yiphwa ya Vafilistiya, ni gukhugela giwulani kala gu vboha tsongoni wa Ewufrate; kholu nyi na vega mandzani gwago vathu va vbanyago tigoni, uwe u na va tutumisa mbeli gwago.

Isaya 27:12

Khu litshigu lolo, Pfhumu Nungungulu a na vbula mavbila yaye gukhugela tsongoni wa Ewufrate, kala tsongoni wa Egipito; Gasi enu va na Israyeli, mu na roledwa khu moyo ni moyo.

Mitengo 34:5

Khu Azimoni, vbingano wu na dzundruluga wu thonona gitsongwanani gya Egipito, wu ya hegisela phwani.

Josuwa 13:3

gukhugela Siyori, gu manegelago mbeli ga Egipito, kala vbinganoni ga Ekoroni khu phuvbo ga Wuronga, litigo li gupwani la gu lumba Vakhanani; litigo li gu ni livbandre manganagana nya Vafilisitiya va Gaza, va Asidhodhi, va Asikeloni, va Gati ni va Ekoroni;

Josuwa 15:3

wu ya dugela Marandzi khu ndzila yi thononago guya Akirabhimi, yi vbindra Zimi yi gwela kala Marandzi ga Kadhesi-Bharineya,

Josuwa 15:47

Asidhodhi ni madhoropa yaye, gumogo ni mitalala yaye; Gaza ni madhoropa yaye, gumogo ni mitalala yaye, kala tsongoni wa Egipito ni Yiphwa nya Yikhongolo, a gu uwo vbingano waye.