Josuwa 15:13 - Bhibhiliya Nya Guage

¹³ Aholu Kalebi, mwamana wa Jefoni, a di ningwa thomba vbakari ga va na Judha, kha nga idzo Pfhumu Nungungulu a nga rumago khidzo Josuwa; a di mu ninga lidhoropa la Kiriyati-Aribha, mwendro Hebroni, Aribha yoyu a diri babe wa Anaki.

Josuwa 15:13 Iomraidhean Croise

Genesi 13:18

Abrama a di sigulela mitshatsha yaye a gu hongola aya vbanya misimboni nya yikhongolo ya Mambre, tigoni gwa Hebroni. A di vbaha avbo giluvelo, a gira phaso nya mhamba ga Pfhumu Nungungulu.

Genesi 23:2

Fude nari tigoni ga Kiriyati-Araba, muhuno gu ranwago pwani Hebroni, tigoni ga Khanani. Abrahama a di gira gililo nya gulile Sara.

2 Samuweli 2:1

Khu hwane nya esi, Dhavhidhe a di wudzisa ga Pfhumu Nungungulu, khuye: “Ina nyi na gwela ga lidhoropa nya gukari la Judha, gani?” Pfhumu Nungungulu a di mu hakha, khuye: “Indra.” Dhavhidhe, khuye: “Nyiya hayi?” A di phindrudwa gupwani: “Hebroni.”

1 Dzikoronika 6:56

Va na Gerisoni va nyumbani nya gipandre nya lihundzu la na Manasi, va di mana Golani ni mayigwana yaye; ni Bhasani ni mayigwana yaye; ni Asitaroti ni mayigwana yaye;

2 Dzikoronika 11:10

Zora, Ayijaloni ni Hebroni, ma nga bani ma romo tigoni ga Judha ni ga Bhejami; ma diri madhoropa nya makhokhola.

Mitengo 13:30

Aholu Kalebi a di degudza vathu, kholu va di gu gorogela Mosi; a ganela, khuye: “Hongoleni, hi na ya dzega litigo lolo, kholu khu lisine hi na ya va pala.”

Mitengo 13:6

ga lihundzu la Judha, Kalebi, mwamana wa Jefone;

Josuwa 11:21

Khu gikhati gyogyo, Josuwa a di hongola aya mbembisa va Anaki va gigomoni gya Hebroni, gya Dhebhiri, gya Anabhi gumogo ni sigomo satshavbo sa Judha niso sa Israyeli, Josuwa a di si mbembisa gumogo ni madhoropa yawe.

Josuwa 20:7

Kharati, va di emisa madhoropa ya Kadesi, tigoni ga Galileya, gigomoni gya Nafitali; Sikemi, gigomoni gya Efrayimi; Kiriyati-Aribha, (mwendro Hebroni), gigomoni gya Judha.

Josuwa 21:11

Khu guralo, va di ningwa Kiriyati-Aribha (Aribha a diri babe wa Anaki), a gu uye Hebroni, gipandre gya gigomoni ga Judha, ni wuhaviselo waye.

Valamuli 1:10

Khavbovbo, Judha a di hongola aya dwana ni Vakhanani va nga bani va vbanyela dhoropani ga Hebroni, khu gale gu nga bani gu ranwa pwani Kiriyati-Aribha, a pala Sesayi, Ayimani ni Talimayi.

Valamuli 1:20

Va di ningela Hebroni ga Kalebi, kha nga edzi a ganedego khidzo Mosi, Kalebi a di tutumisa mule sanana siraru sa Anaki.

1 Samuweli 25:3

Lina la mwama yoyo a diri uye Nabhali, mwangadzi waye a diri uye Abhigayili. Nyamayi yoyu a di gengede ni gumbura; aholu mwama waye a diri muthu nya makolo ni dzihanyi; nari wa nyumbani ga Kalebi.

1 Samuweli 30:14

Hi di hongode hi ya sasela phuvbo ga Marandzi wa Vakereti, ni litigo la Judha gumogo ni Marandzi wa Kalebi, hi rotha nilo dhoropani ga Zikalagi.”

1 Samuweli 30:31

Ga va Hebroni ni ga malanga yatshavbo a vbindridego khumo Dhavhidhe, ni vathu vaye.