Josuwa 15:11 - Bhibhiliya Nya Guage

¹¹ Wu di duga gambe khu phuvbo ga Ekoroni, kala Wuronga, wu hongola Sikeroni, wu vbindra khu gigomoni gya Bhahala, na wu gu dugela Jabineyeli wu ya vbelela yiphwani.

Josuwa 15:11 Iomraidhean Croise

2 Dzipfhumu 1:16

Eliya a di embela mufumeli, khuye: “Pfhumu Nungungulu a ngu ganela kharati, khuye: Khu ginani u rumedego myango gu ya wudzisa Bhahali-Zebhubi, nungungulu wa Ekoroni? Ina omu tigoni ga Israyeli mwalo Nungungulu nya guyele gu ya wudzisa gwaye, gani? Khu guralo, vbadawutunu vbovbo u ladego, gima khu na nga wuga, kholu khu lisine u nafa.”

2 Dzipfhumu 1:6

Avo va di mu hakha, khavo: “Hi di khingwa khu mwama moyo a hi embela, khuye: Bwelelani ga mufumeli a mu rumedego mu ya mu embela, khenu: Pfhumu Nungungulu a ngu ganela kharati, khuye: Ina omu tigoni ga Israyeli mwalo Nungungulu nya gukala u rumela gu ya wudzisa ga Bhahali-Zebhubi, nungungulu wa Ekoroni, gani? Khu guralo, uwe gima khu na nga wuga gambe khu vbadawutunu u ladego; kholu u nafa.”

2 Dzikoronika 26:6

Avbo a nga khuga aya dwana ni Vafilisitiya, a di ya khungumula likhokhola la Gati ni likhokhola la Jabini, ni likhokhola la Asidhodhi; khavbo avbo, a di vbaha madhoropa tigoni ga Asidhodhi ni ga Vafilisitiya.

Mitengo 34:6

Vbingano wa Muhwadambo wu na bani wuri Yiphwa nya Yikhongolo, uwowo wu na bani wuri vbingano wanu wa Muhwadambo.

Josuwa 15:10

Khavbo avbo, vbingano wa gu dzundruluga gukhugela Bhahala, wu thonona Pfoladambo, kala gigomoni gya Seyiri, wu vbindra khu Jeyarimi khu phuvbo ga Wuronga, mwendro Kesalomi, wu relela Bheti-Semesi wu vbindra khu Timina.

Josuwa 15:12

Khu guralo, vbingano khu phuvbo ga Pfoladambo, khu Yiphwa nya Yikhongolo; eyi khiyo mivbingano ya va na Judha, khu maphuvbo yatshavbo gukhedza khu dzindranga dzawe.

Josuwa 15:45

Ekoroni, gumogo ni madhoropa yaye ni mitalala yaye,

Josuwa 15:9

Gukhugela tshokatunu nya gigomo kala matini ya Nefitowa; wu duga kala madhoropani ya gigomoni gya Efroni; vbingano wowu wa gu hongola gambe kala Bhahala, mwendro Kiriyati-Jeyarimi.

Valamuli 1:18

Judha a di wandra gambe Gaza, Asikeloni, Ekoroni gumogo ni mayigwana yawe.

1 Samuweli 17:52

Khavbo avbo, vama va na Israyeli ni va na Judha, va di khuga va kulungela, va lundra Vafilisitiya, kala Gati ni dzinyangwani ga Ekroni. Sirumbi sa Vafilisitiya, si di mbambamela khu ndzila, gukhugela Saharayimi, Gati, kala Ekroni.

1 Samuweli 5:10

Khavbo avbo, va di rumela Ngasa ya Nungungulu tigoni ga Ekroni. Khu guralo, gu di girega gu, na yi vbohide tigoni mule, vathu va Ekroni va di samala va ganela, khavo: “Va di resa eno gwathu Ngasa ya Nungungulu wa Israyeli, gasi guta songa ethu gumogo ni va na gyathu.”

1 Samuweli 5:8

Khavbo avbo, va di rumela myango guya ramba manganagana yatshavbo nya Vafilisitiya, va ma wudzisa, khavo: “Hi na gira ginani khu Ngasa ya Nungungulu wa Israyeli?” Avo va di hakha, khavo: “Yi na dzegwe Ngasa ya Nungungulu wa Israyeli, yi yiswa Gati.” Va di rwala Ngasa ya Nungungulu wa Israyeli, va vbindra khu lidhoropa ni lidhoropa, kala va yi vbohisa Gati.

1 Samuweli 7:14

Vafilisitiya va di bweledza madhoropa yatshavbo va nga bani va ma wandride ga va na Israyeli, gukhugela Ekroni kala Gati; ni sipandrengulu nya mayigo yawe, va na Israyeli va di ma wandra mandzani ga Vafilisitiya. Gu di manega gurula vbakari ga va na Israyeli ni Vaamori.