Josuwa 14:12 - Bhibhiliya Nya Guage

¹² Gasi olu nyi ninge litigo la musigomoni momu eli Pfhumu Nungungulu a li ganedego litshigu lile, kholu litshigu lile u pwide gupwani Vaanaki va nga gu khala mule ni madhoropa yawe nya makhongolo nya gubhiywe. A gu dzina saye Pfhumu Nungungulu a na ni eni, nyi na va tutumisa, kha nga a nyi tumbisidego.

Josuwa 14:12 Iomraidhean Croise

2 Dzipfhumu 19:4

A gu dzina saye, Pfhumu Nungungulu wago, a yingiside magana ya Rabhisaki ayo a rumedwego khu mune waye, mufumeli wa Asiriya, guta vala Nungungulu a vbanyago, mwendro saye Pfhumu Nungungulu wago a na kawuka magana yaya a ma pwidego; gasi olu gira nombelo khu vathu vava vatshadego!”

2 Dzikoronika 14:11

Asa a di womba huwa a rana Pfhumu Nungungulu waye, a ganela, khuye: Pfhumu Nungungulu, vbavbandze gwago, mwalo mumbe a kodzago guphasedzela avo va gu mwalo tshivba, va gu wugedwa khavo va gu ni tshivba. Hi phase Uwe Pfhumu Nungungulu wathu, kholu ethu ha gutumba Uwe, hi somide nyimbi yeyi Linani gwago, guta dwana ni mwandra yoyu; Pfhumu Nungungulu, Uwe, khuwe Nungungulu wathu, a nga manegi muthu nya gu gupale.

Dzindzimo 44:3

Khandri khu tshivba nya matshari va nga wandra khiyo litigo, gambe khandri mawogo yawe ma nga va ninga gupala; aholu khu libogo lago la nyamudye, ni wenengedzo nya khovbe yago, kholu u di gu va gola.

Dzindzimo 60:12

Nungungulu a na ema ni ethu hi pala, khuye a na gu gandredzelago valala vathu.

Mitengo 13:28

Aholu, vathu va vbanyago tigoni momo va na ni tshivba ngudzu, va na ni madhoropa nya makhongolo ngudzu ma bhiyidwego, iyoyo hi wonide gambe situgulwana sa Anaki.

Mitengo 13:33

Gambe iyoyo hi wonide sidandrangulu nya sanana sa Anaki, nya lifumbu nya vadandrangulu; guwonani gwathu, hi di fanana ni dzimbera mbeli gwawe, avo navo va di hi fananisa ni dzimbera.”

Mitengo 21:34

Khavbo avbo, Pfhumu Nungungulu a di embela Mosi, khuye: “U nga mu thavi, kholu nyi na mu ningela mandzani gwago uye gumogo ni vathu vaye vatshavbo va tigoni gwaye. U na mu gira kha nga idzo u giridego Seyoni, mufumeli wa Vaamori, uye a nga bani a vbahide tigoni ga Hesibhoni.”

Varoma 8:31

Hi na khethu ginani khu silo sesi? Nungungulu a gu ema ni ethu, khu mani a na hi wugelago?

Dhewuteronome 1:28

Hi na hongola hayi? Vandriyathu va hi pide hwambo, khavo: Vangi gambe sidandrangulu; madhoropa yakone makhongolo na ma bhiyidwe khu makhokhola kala damboni. Hi wonide gambe iyoyo vathu nya sidandrangulu sanana sa gidandrangulu Anaki.”

Dhewuteronome 9:1

Upwa uwe Israyeli, muhuno u na tshatuga tsongo wa Joridhani gasi guya khozisa mifumo nya yikhongolo yi gu ni tshivba gu gu vbindra; madhoropa nya makhongolo ni mabhiyo nya gulaphe kala damboni;

Dhewuteronome 9:3

Muhuno olu, dziti gukhuwe Pfhumu Nungungulu wago, khuye a na thangago mbeli gwago; gufana ni nilo wu vbisago, a na va mbembisa ni gu va fuvisa mbeli gwago; khu guralo, uwe u na va bhobha, u va phalalegisa, u va fuvisa khu givbiredza, kha nga a gu embedego Pfhumu Nungungulu.

Vafilipi 4:13

Nyi ngu kodza gupala satshavbo tshivbani ya wule a nyi tiyisago.

Vahebheru 11:33

Avo khu gukhodwa, va dwanide ni mifumo yatshavbo va yi pala. Va giride nya sadi, va gu hakha ga Nungungulu esi va nga tumbiswago. Va di sega magana nya dzinghala.

Josuwa 15:14

Kalebi a di tutumisa sanana siraru sa Anaki madhoropani mule, a gu esi: Sesayi, Ayimani ni Talimayi.

Valamuli 1:20

Va di ningela Hebroni ga Kalebi, kha nga edzi a ganedego khidzo Mosi, Kalebi a di tutumisa mule sanana siraru sa Anaki.

1 Samuweli 14:6

Jonatane a di embela lidzaha nya muphari nya matshari yaye, khuye: “Hongole hi yela makhuna yaya; mwendro saye Pfhumu Nungungulu a na hi phasa a hi dwanela, kholu ga Nungungulu gimwalo gi gumba kodzega, uye a na hi vbulugisa khu vangi ambari khu vadugwana.”