Josuwa 13:7 - Bhibhiliya Nya Guage

⁷ Gasi olu, kabanisela litigo leli ga livbandre na mana mahundzu, ni ga gipandre nya lihundzu la Manasi.”

Josuwa 13:7 Iomraidhean Croise

Dzindzimo 105:44

A va ningide litigo la vambe vathu, va hodza lithonga la vambe vathu,

Dzindzimo 78:55

A di tutumisa vavbanyi va mayigoni mule na va gu si wona, mayigo yawe a ma kabanisela mahundzu ya Israyeli.

Ezekiyeli 45:1

“Avbo enu mu na kabanelanago litigo khu sipandre, gasi gu ningwa mahundzu ya Israyeli, mu na vega phuvbo gipandre gimwegyo kha nga gipandre gi phasedwego Pfhumu Nungungulu, na giri ni magumavili na livbandre magumi mazana (25.000) mikono; gulapha nya gipandre gegi gu na bani guri ni magumavili na livbandre magumi mazana (25. 000) mikono, guanama, likhumi magumi mazana (10. 000); gipandre gegi gi na bani gi kategide.

Mitengo 33:54

Mu na kabanisela litigo khu gu lola dzisolo vbakari nya dzindranga dzanu; mu na ningela thomba nya yingi ga avo va gu vangi, mu ninga nya yidugwane ga avo va gu vadugwana, muthu ni muthu a na hakha esi si mu lumbago kha nga edzi solo yi lolago khidzo, gukhedza khu mahundzu ya vababe vanu.

Mitengo 34:13

Mosi a di leletela va na Israyeli, khuye: “Eli khu litigo mu yelago gu li kabanisela khu gu lola dzisolo, Pfhumu Nungungulu a rumedego gu ningela ga livbandre na mana mahundzu ni gipandre.

Josuwa 13:6

vatshavbo va nga bani va vbahide gigomoni, gukhugela Libhanoni kala matini ga Miserifoti-Mayimi, vatshavbo va na Sidhoni. Eni nyi na va lundra mbeli ga sanana sa Israyeli. U na va kabanisela li khala thomba yawe kha nga idzo nyi gu leletedego khidzo.

Josuwa 13:8

Va na Rubheni, va na Gadhi ni gimbe gipandre nya lihundzu la Manasi, va di hakhide khu ga Mosi, gipandre nya thomba yawe khu khisikheyi ga Joridhani, guya Khugadambo, kha nga li nga bani li ningedwe ga Mosi githumi gya Pfhumu Nungungulu.

Josuwa 14:2

Gukavedzedwa nya thomba, gu giridwe khu gulola dzisolo kha nga idzo Pfhumu Nungungulu a nga leletelago khidzo Mosi, gasi gu kavedzedwa livbandre na mana mahundzu ni gipandre;