Josuwa 13:31 - Bhibhiliya Nya Guage

³¹ ni gipandre gya Gileyadhi, Asitaroti ni Edhireyi, madhoropa ya mufumo wa Ogi, tigoni ga Bhasani, aya ma di ningedwa sanana sa Makiri, mwamana wa Manasi, gipandre gya sanana sa Makiri, gukhedza khu mapango yawe.

Josuwa 13:31 Iomraidhean Croise

Dzindzimo 60:7

Va Ghiligali vathu vangu, va na Manasi vathu vangu; Efrayimi gihugu gyangu nya nyimbi; Judha khuye ndronga yangu nya wufumu.

Ezekiyeli 48:4

Manasi, giavelo gyaye, gi na khugela vbinganoni ni va na Nafitali, gukhugela phuvbo ga Khugadambo kala Muhwadambo.

Josuwa 12:4

Va di dzega litigo la Ogi, mufumeli wa Bhasani oyu a nga vbulugago ga va na Refayimi, a vbahidego Asitaroti ni Edhireyi;

Josuwa 13:12

Mufumo watshavbo wa Ogi, tigoni ga Bhasani, a fumidego Asitaroti ni Edhireyi, a gu uye a tshadego ga vadandrangulu, avo Mosi a nga va khozisa ni gu va tutumisa.

Josuwa 13:32

Khidzo edzi dzithomba Mosi a nga kabaniselago va na Israyeli, panini ga Mowabhi, khisikheyi nya tsongo wa Joridhani, gu khedzanago ni Jeriko khu Khugadambo.

Josuwa 17:5

Gudiga nya litigo la Gileyadhi ni la Bhasani, ma manegelago khisikheyi nya tsongo wa Joridhani, Manasi a di hakha likhumi sipandre,

Josuwa 17:6

kholu vanyamahegyane va Manasi va di hakha thomba vbakari nya sanana sa lihundzu la limwedo. Litigo la Gileyadhi li di hakhwa khu simbe sanana sa Manasi.

Josuwa 9:10

iso a giridego ga vafumeli nya Vaamori, va khisikheyi ga Joridhani, ga Siyoni, mufumeli wa Hesibhoni, ni ga Ogi, mufumeli wa Bhasani, va nga bani va vbanya Asitaroti.

Valamuli 10:6

Khavbo avbo, va na Israyeli va di engedza gu gira ugo gu vivbidego mahoni ga Pfhumu Nungungulu ni gu khozela Vabhahali, ni Asitaroti, vanungungulu va Siriya, vanungungulu va Sidhoni, vanungungulu va Mowabhi, vanungungulu va sanana sa Amoni ni vanungungulu va Vafilisitiya. Kha nga olu va digidego Pfhumu Nungungulu va si mu khozeli,

Valamuli 5:17

Gileyadhi a di simama gu khala khu khisikheyi ga Joridhani, gasi Dhani, khu ginani a nga khala mataroni? Aseri, a di khala funguni nya yiphwa a hefemula siwoni gwaye.

1 Samuweli 12:10

Va di lila ga Pfhumu Nungungulu, khavo: “Hi ghohide, kholu hi nga diga Nungungulu hi ya khozela vanungungulu nya Vabhahali ni sifananiso sa Asitaroti (nungungulu nya nyamayi), gasi olu, hi vbulugise mandzani ga valala vathu, hi na ta gu khozela.”

1 Samuweli 7:3

Khavbo avbo, Samuweli a di ganela ga va na Israyeli vatshavbo, khuye: “A gu bani nari mwa gu wuyani ga Pfhumu Nungungulu khu monyo wanu watshavbo, dusani vbakari gwanu, vanungungulu nya valombo ni sifananiso sa Asitaroti, mu namarela khu monyo wanu watshavbo ga Pfhumu Nungungulu, mu thumela uye basi, uye a na mi vbanyisa mandzani ga Vafilisitiya.”