Josuwa 13:27 - Bhibhiliya Nya Guage

²⁷ ni mireleloni, Bheti-Harani, Bheti-Ninira, Sukoti ni Safoni, a gu mitshaledwa nya litigo la Seyoni mufumeli wa Hesibhoni, Joridhani a diri uye vbingano wakone, kala mahegiso nya yiphwa ya Kinereti, khisikheyi ga Joridhani, guya Khugadambo.

Josuwa 13:27 Iomraidhean Croise

Genesi 33:17

Aholu Jakobe a di dzega ndzila nya guhongole Sukoti, a diya vbaha iyo nyumba yaye ni sibala nya mitshambi, khu magirelo yoyo, wulanga wule wu tidwago gupwani Sukoti.

1 Dzipfhumu 7:46

Mufumeli a di rumela gukhuye si ya wumbedwa panini ga Joridhani, tigoni nya libumba li manegago vbakari ga Sokoti ni Saritani.

Dzindzimo 60:6

Nungungulu ganede khu nyumbani gwaye nya guage, khuye: Nyi na nengela khu gu kabanisa litigo la Sikemi nyi kavedzela vathu va Sukoti.

Mitengo 32:3

“Mayigo ya Ataroti, ya Dhibhoni, Jazeri, Nimera, Hesibhoni, Eleyali, Sebami, Nebhu ni Bheyoni

Mitengo 32:36

Bheti-Ninira ni Bheti-Harani, madhoropa nya makhokhola ni mavbandro nya dzinvuta.

Mitengo 34:11

khu guralo, vbingano wanu wu na khugela Sefani wu relela kala Ribila, khu phuvbo ga Khugadambo ga Ayini, wu simama gu relela khu gu landra bambe nya Yiphwa ya Kinereti khu phuvbo ga Khugadambo;

Luka 5:1

Kha nga olu Jesu, a nga bani na romo siwoni nya yiphwa ya Jenezare, vbakari nya vathu va nga bani va gu mu gundra, gasi gu pwa mahungu ya Nungungulu, bambe nya litsiva la Genezareta

Dhewuteronome 3:17

gumogo gambe ni Arabha ni Joridhani wu gu vbinganoni, gukhugela Kinereti kala phwani ga Arabha, yiphwa nya Munyu, khu vbavbatshi nya gigomo gya Pisiga, guya Khugadambo.

Josuwa 11:2

ni ga vafumeli va sigomoni sa Wuronga, ni va mikovani ga Marandzi ga Kinereti, ni va mapanini ya Dhori, khu Pfoladambo,

Josuwa 12:3

gukhugela panini kala phwani ga Kinereti, khu Khugadambo kala phwani nya Munyu, gu hongola Khugadambo khu ndzila yiyago Bheti-Jesimoti, khu Marandzi khu vbavbatshi nya mirelelo ya Pisiga.

Josuwa 13:26

gukhugela Hesibhoni, kala Ramati-Misipa ni Bhetonimi, ni gukhugela Mahanayimi kala vbinganoni wa Dhebhiri,

Josuwa 13:28

Eyi khiyo thomba ya sanana sa Gadhi, madhoropa ni mitalala, gukhedza khu mapango yawe.