Josuwa 13:16 - Bhibhiliya Nya Guage

¹⁶ Litigo lawe li di khugela Aroweri, li manegelago bambe nya gitsongwana gya Arinoni, gukhugela ga lidhoropa li guromo vbakari nya kova, ni panini gwatshavbo, vbafuvbi ni Medhebha;

Josuwa 13:16 Iomraidhean Croise

2 Samuweli 24:5

Va di tsemakanya tsongo wa Joridhani, vaya zumba vbafuvbi ni Aroweri, khu phuvbo ga nyamudye nya lidhoropa li guromo vbakari nya kova wa Gadhi, vbafuvbi ni Jazeri.

1 Dzikoronika 19:7

Va diya lomba magumararu na mavili magumi mazana (32.000) nya dzikareta, mufumeli Mahaka, gumogo ni vathu vaye, va dita vata ghova mbeli ga Medhebha, va na Amoni navo, va dita khu madhoropani gwawe vata dzi patanisa va gira nyimbi.

Isaya 15:4

Va Hesibhoni ni Vaeleyali, va di gimbila na va gu huwata. Dzihuwa dzawe dzi di pwala kala tigoni ga Jaza; khu guralo, masotshwa ya Mowabhi ma ngu lila; ni mihefemulo yawe yi ngu ndrendremela khu ndrani gwawe.

Mitengo 21:26

Hesibhoni a diri lidhoropa nya tsindza nya mufumo wa Seyoni, mufumeli wa Vaamori. Seyoni, guhegula a di dwana ni mufumeli nya guphele wa Mowabhi a mu wandrela litigo laye latshavbo kala Arinoni.

Dhewuteronome 3:12

Hi dzegide khu gikhati gyogyo litigo leli li khala thomba yathu, gukhugela Aroweri, a khadego vbafuvbi ni kova wa Arinoni, ni gipandre nya gigomo gya Gileyadhi, ni madhoropa yaye, nyi ningela va na Rubheni ni va na Gadhi.

Josuwa 12:2

Seyoni, mufumeli nya Vaamori, a nga bani a gu vbanya Hesibhoni, khuye a nga bani a fumela gukhugela Aroweri, gu khadego vbafuvbi ni kova wa Arinoni, gukhugela vbakari nya kova, wu vbindra khu gipandre gya Gileyadhi, kala gitsongwanani gya Jabhoki, vbingano ni sanana sa Amoni;

Josuwa 13:15

Khu guralo, Mosi a di ningelago lihundzu la na Rubheni thomba yawe, gukhedza khu mapango yawe.

Josuwa 13:17

Hesibhoni ni madhoropa yaye yatshavbo ya panini, a gu aya: Dhibhoni, Bhamoti-Bhahali, Bheti-Bhahali-Meyomi,

Josuwa 13:9

Guphela khu Aroweri, gu manegelago dzibambe nya tsongo wa Arinoni, gukhugela ga lidhoropa li manegelago vbavbatshi nya kova, ni panini gwatshavbo gwa Medhebha kala Dhibhoni.

Josuwa 14:3

Kholu Mosi a di kabaniside khu gale ga mahundzu mavili ni gipandre thomba yawe, khu khisikheyi nya tsongo wa Joridhani; aholu va na Levhi, kha va mana giavelo vbakari ga vandriyawe.

Josuwa 18:7

Gimwalo gipandre gi na gu lumbago va na Levhi, vbakari gwanu, kholu thomba yawe khu gu phasa mhamba ya Pfhumu Nungungulu. Gadhi, Rubheni ni gipandre nya lihundzu la Manasi, va hakhide gipandre gyawe Tshatugo ga Joridhani khu Khugadambo, va nga ningwago khu Mosi, githumi gya Pfhumu Nungungulu.”

Valamuli 11:26

Va na Israyeli va vbanyide gipimo nya mazana mararu (300) myaga Hesibhoni ni mitalalani gwaye, Aroweri ni mitalalani gwaye ni madhoropani gwatshavbo ma guromo Arinoni, khu ginani u ngamba ma wuyisa ga gikhati gyogyo?

1 Samuweli 30:28

ga va na Aroweri, ga va na Sifimoti, ga va na Esitemowa,