Josuwa 12:3 - Bhibhiliya Nya Guage

³ gukhugela panini kala phwani ga Kinereti, khu Khugadambo kala phwani nya Munyu, gu hongola Khugadambo khu ndzila yiyago Bheti-Jesimoti, khu Marandzi khu vbavbatshi nya mirelelo ya Pisiga.

Josuwa 12:3 Iomraidhean Croise

Genesi 14:3

Vafumeli vava nya guhegise, va di tshanganisa masotshwa yawe kovani gwa Sidimi, yi guromo umo Yiphwa nya Gufe.

Genesi 19:25

A di pfhungumula madhoropa yale, ni lipani latshavbo, gumogo ni vathu vatshavbo va dhoropani ni satshavbo si velegwago mafuni.

1 Dzipfhumu 15:20

Bheni-Hadhadhi a di yingisa magana ya Asa, a gu rumela dzindruna dzaye nya nyimbi dzi ya dhumela madhoropa ya Israyeli; va di phanga madhoropa ya Ijoni, Dhani, Abheli-Bheti-Mahaka ni gipandre gyatshavbo gya Kinereti, gumogo ni litigo la Nafitali.

Ezekiyeli 25:9

Khu guralo, nyi na tula phuvbo mwedo nya masotshwa ya Mowabhi, guphela khu madhoropa yaye ya mivbinganoni, Bheti-Jesimoti, Bhahali-Meyomi ni Kiriyatayimi, a gu wuzundzo wa tigoni momo.

Mitengo 21:20

va khuga khu Bhamoti va bela kovani wu manegelago mahangeni ya Vamowabhi, tshokani ga Pisiga, khu phuvbo ga giwulatunu.

Mitengo 34:11

khu guralo, vbingano wanu wu na khugela Sefani wu relela kala Ribila, khu phuvbo ga Khugadambo ga Ayini, wu simama gu relela khu gu landra bambe nya Yiphwa ya Kinereti khu phuvbo ga Khugadambo;

Luka 5:1

Kha nga olu Jesu, a nga bani na romo siwoni nya yiphwa ya Jenezare, vbakari nya vathu va nga bani va gu mu gundra, gasi gu pwa mahungu ya Nungungulu, bambe nya litsiva la Genezareta

Johane 6:1

Khavbo avbo, Jesu a di tshatuga yiphwa ya Galileya yi ranwago gambe pwani khya Tibheriyade.

Dhewuteronome 3:17

gumogo gambe ni Arabha ni Joridhani wu gu vbinganoni, gukhugela Kinereti kala phwani ga Arabha, yiphwa nya Munyu, khu vbavbatshi nya gigomo gya Pisiga, guya Khugadambo.

Dhewuteronome 4:49

ni Arabha watshavbo, wu manegelago khisikheyi nya tsongo wa Joridhani, khu phuvbo ga Muhwadambo, kala ga yiphwa ya Arabha, bambe nya sigomo sa Pisiga.

Josuwa 11:2

ni ga vafumeli va sigomoni sa Wuronga, ni va mikovani ga Marandzi ga Kinereti, ni va mapanini ya Dhori, khu Pfoladambo,

Josuwa 13:20

Bheti-Peyori, ni mireleloni ya Pisiga ni Bheti-Jesimoti;

Josuwa 15:2

Vbingano waye khu phuvbo ga Marandzi, wu di khugela Yiphwa nya Munyu, ni yiphwa yi ladzidego guya Marandzi;

Josuwa 15:5

Aholu vbingano wa Khugadambo wu na bani wuri Yiphwa nya Munyu, wu ya kala mahegiso nya tsongo wa Joridhani; gasi vbingano khu Wuronga wu na khugela mahegiso nya tsongo wa Joridhani,

Josuwa 3:16

mati ma nga bani ma guta khu vbatshani ma di ema; ma wungedzelana ma khala gigomo ma gira kha nga libhulaho, ma anama kala vbafuvbi nya gitigwana ga talala wa Adhamu, gu khalago wubambe ga Saritani; ayo ma nga bani ma goga maya phwani ga Arabha, a gu Yiphwa nya Munyu, ma di pidwa yatshavbo. Khavbo avbo, vathu va di vbindra khu mbeli ga Jeriko.