Josuwa 11:6 - Bhibhiliya Nya Guage

⁶ Pfhumu Nungungulu a di embela Josuwa, khuye: “U nga khali hwanga mbeli gwawe; kholu mindru, khu gikhati nya gufanane ni egi, Eni nyi na bani nyi va ningede vatshavbo va songwa mandzani ga na Israyeli. U na pila misivba nya mawundru nya dzikavalu dzawe, u vbisa dzikareta dzawe khu nilo.”

Josuwa 11:6 Iomraidhean Croise

2 Samuweli 8:4

Dhavhidhe a di mu wandrela likhumi na livbandre na mavili mazana (1.700) vakhileli nya dzikavalu, ni magumavili magumi mazana (20.000) vama nya gugimbile khu mawundru, a pila misivba nya dzikavalu dzatshavbo nya gundrindre dzikareta, a tshiya basi nya gudingane lizana (100) nya idzo.

2 Dzipfhumu 6:16

Uye a di hakha, khuye: “U nga thavi gilo, kholu avo hi gu navo ethu vangi ngudzu, guvbindra avo va gu navo avo.”

2 Dzikoronika 20:16

Mindru gugyago, relelani mu ya tshangana navo; kha mu va woni vale va ngu gwela khu mugigomoni gya Zizi, mu naya va manani mahegiso nya kova wu thononago ni giwula gya Jeruweli.

Dzindzimo 46:10

Rulani, mu dzitini gukhenu: Eni nyi Nungungulu nyi guromo vbatshani nyi ngu khusedzwa vbakari nya mayigo, nyi ngu zundzwa khu litigo.

Dzindzimo 46:11

Pfhumu Nungungulu nya Tshivba Yatshavbo womo vbakari gwathu; Nungungulu wa Jakobe khuye wuthavelo wathu.

Dzindzimo 46:9

Uye a ngu vbedza mayunga kala mahegiso nya litigo, a ngu fanya wulaho, a fanyeledzela siholoma; a rinya niloni dzikareta nya nyimbi.

Mavingu 20:7

Muthu nya wadi a gu gimbila gululamani gwaye, si kategide sanana si na mu landrelago.

Isaya 30:16

Aholu mu di phindrula, khenu: “Ahihi! Hi na thava na hi khilede dzikavalu nya mazambo!” Ina mu na thava! Mu engedza, khenu: Hi na khilela dzikavalu nya mazambo. Khu guralo, idzo nya mazambo ngudzu, khidzo dzi na gu mu lundrago.

Isaya 31:1

Libango ga avo vayago Egipito guya lomba giphaso, na va gu tumba dzikavalu; Va gu tumba dzikareta ni va vakhileli vakone, kholu avo vangi, na vari ni tshivba ngudzu, aholu va si theli kota khuye a Agidego wa Israyeli, ambari gu vbweta giphaso ga Pfhumu Nungungulu.

Ezekiyeli 39:9

Vavbanyi va madhoropani ya Israyeli va na duga vata dzega matshari va khutha khayo nilo, gambe va na ma vbisa, sitshangu, nya sikhongolo niso nya sidugwane, malaho, siholoma, dzindronga nya nyimbi ni sighalala; va na vasa khiso nilo, gipimo nya livbandre na mivili myaga.

Hoseya 14:3

Asiriya kha na kodza gu hi vbulugisa, kha hi na khilela dzikavalu nya nyimbi. Niso hi si giridego khu mandza yathu, gima kha hi na ganela gambe avbo gwawe khethu: Uwe khuwe Nungungulu wathu; kholu uwe u ngu pwela wuhindzi sisiwana.”

Nahume 2:13

Wona nya gukhuwe nyi gu wugede, a ngu ganela Pfhumu Nungungulu nya Tshivba Yatshavbo; nyi na vbisa khu nilo dzikareta dzago nya nyimbi, singhalana sago si na songetedwa khu matshari, nyi na wandra mafuni sirengo u nga molago, ma si pwali gambe malito nya sirumwa sago.

Dhewuteronome 7:16

U na mbembisa vathu vatshavbo avo Pfhumu Nungungulu wago, a na gu ningago; maho yago kha ma na va pwela wusiwana, gambe khu na khozela vanungungulu vawe, kholu isoso si nga tshukha si khala milaphwi gwago.

Josuwa 10:8

Pfhumu Nungungulu a di embela Josuwa, khuye: “U nga khali hwanga kholu vatshavbo nyi na va ningela mandzani gwago; mwalo na moyo wawe a na tiyago guta mbeli gwago.”

Josuwa 11:5

Vafumeli vatshavbo vava va di tombana, vata zumba vbafuvbi ni mati ya Meromi, gasi gudwanisa va na Israyeli.

Josuwa 11:7

Khavbo avbo, Josuwa gumogo ni masotshwa yaye, va dita khu guvbiredza matini ya Meromi, vata va sasela.

Josuwa 11:9

Josuwa a di va gira kha nga idzo a embedwego khidzo khu Pfhumu Nungungulu; a pila misivba dzikavalu dzawe, ni gu vbisa dzikareta dzawe.

Josuwa 3:5

Josuwa a di embela vathu, khuye: “Dzi agiseni, kholu mindru Pfhumu Nungungulu a na gira sisamadziso vbakari gwanu.”

Valamuli 20:28

gumogo ni Finiyasi, mwamana wa Eliyazari, tugulu wa Aroni, khuye a nga bani a yi sayisa khu matshigu yoyo. Va di wudzisa nyaluphye, khavo: “Ina hi ngu si kodza gu bwelela gambe hi ya dwana ni vandriyathu va na Bhejami mwendro hi si hongoli, gani?” Pfhumu Nungungulu a di mu hakha, khuye: “Indrani, kholu mindru nyi na va ningela mandzani gwanu.”

Valamuli 7:9

Pfhumu Nungungulu a di embela Gidhiyoni ni wutshiguwule, khuye: “Khuga u relela lizumbotunu, kholu nyi na li ningela mandzani gwago.

1 Samuweli 11:9

Khavbo avbo, va di embela avo va nga resago myango, khavo: Indrani muya va embela kharati vama va Jabhesi-Giliyadhi, khenu: “Mindru vbamihanitunu, mu na bani mu tshudzisidwe.” Avbo yi nga wuyago myango, yi ta tivisa vathu va Jabhesi, avo va di nengela,