Josuwa 11:2 - Bhibhiliya Nya Guage

² ni ga vafumeli va sigomoni sa Wuronga, ni va mikovani ga Marandzi ga Kinereti, ni va mapanini ya Dhori, khu Pfoladambo,

Josuwa 11:2 Iomraidhean Croise

1 Dzipfhumu 15:20

Bheni-Hadhadhi a di yingisa magana ya Asa, a gu rumela dzindruna dzaye nya nyimbi dzi ya dhumela madhoropa ya Israyeli; va di phanga madhoropa ya Ijoni, Dhani, Abheli-Bheti-Mahaka ni gipandre gyatshavbo gya Kinereti, gumogo ni litigo la Nafitali.

1 Dzipfhumu 4:11

Bheni-Abhinadhabhi, ndruna ya Dhori, a pharago gipandre gyatshavbo gya manyandza ni bambe nya yiphwa, mwangadzi waye a diri Tafati, nyamahegyane wa Solomoni;

Mitengo 34:11

khu guralo, vbingano wanu wu na khugela Sefani wu relela kala Ribila, khu phuvbo ga Khugadambo ga Ayini, wu simama gu relela khu gu landra bambe nya Yiphwa ya Kinereti khu phuvbo ga Khugadambo;

Luka 1:39

Khu matshigu yale, Mariya a di donga lipfhumba a hongola khu guvbiredza dhoropani ga Judha, gu nga bani gu khalela mugigomoni.

Luka 5:1

Kha nga olu Jesu, a nga bani na romo siwoni nya yiphwa ya Jenezare, vbakari nya vathu va nga bani va gu mu gundra, gasi gu pwa mahungu ya Nungungulu, bambe nya litsiva la Genezareta

Josuwa 10:40

Khu guralo, Josuwa a di sasela litigo latshavbo nya gipandre gya sigomoni khu Marandzi, Negebhi, panini ni releloni nya sigomo, gumogo ni vafumeli vaye vatshavbo, nyamba tshiya ni moyo, a mbembisa satshavbo si dagatago, kha nga idzo a leletedego khidzo Pfhumu Nungungulu wa Israyeli.

Josuwa 10:6

Vathu va Gibheyoni va di hongola lizumboni la Giligali, vaya embela Josuwa, khavo: “U nga digi sithumi sago, delu khu guvbiredza u ta hi phasedzela; hi vbulugise kholu vafumeli vatshavbo nya Vaamori, va khalago gigomoni va patanide gasi gu hi dwanisa.

Josuwa 11:16

Khu guralo, Josuwa a di wandra litigo lile la musigomoni, Negebhi watshavbo, ni litigo latshavbo la Goseni, Arabha, ni gipandre gyatshavbo gya musigomoni ga Israyeli gumogo ni mapanini gwaye,

Josuwa 11:21

Khu gikhati gyogyo, Josuwa a di hongola aya mbembisa va Anaki va gigomoni gya Hebroni, gya Dhebhiri, gya Anabhi gumogo ni sigomo satshavbo sa Judha niso sa Israyeli, Josuwa a di si mbembisa gumogo ni madhoropa yawe.

Josuwa 12:23

mufumeli wa Dhori wa Nafati-Dhori, moyo; mufumeli wa mayigo ya Giligali, moyo;

Josuwa 12:3

gukhugela panini kala phwani ga Kinereti, khu Khugadambo kala phwani nya Munyu, gu hongola Khugadambo khu ndzila yiyago Bheti-Jesimoti, khu Marandzi khu vbavbatshi nya mirelelo ya Pisiga.

Josuwa 13:27

ni mireleloni, Bheti-Harani, Bheti-Ninira, Sukoti ni Safoni, a gu mitshaledwa nya litigo la Seyoni mufumeli wa Hesibhoni, Joridhani a diri uye vbingano wakone, kala mahegiso nya yiphwa ya Kinereti, khisikheyi ga Joridhani, guya Khugadambo.

Josuwa 17:11

Kholu tigoni ga Isakari ni Aseri, Manasi a di ningwa Bheti-Seyani gumogo ni madhoropa yaye; Ibhileyamu gumogo ni madhoropa yaye; vavbanyi va Dhori gumogo ni madhoropa yawe; vavbanyi va Eni-Dhori gumogo ni madhoropa yawe; vavbanyi va Tahanaki gumogo ni madhoropa yawe ni vavbanyi va Megidhu gumogo ni madhoropa yawe; a gu malanga mararu.

Valamuli 1:27

Lihundzu la Manasi kha la tutumisa vavbanyi va madhoropani ya Bheti-Seyani, ambari madhoropa yaye; ambari Tahanaki, ni madhoropa yaye, ambari Dhori, ni madhoropa yaye, ambari vavbanyi va Hibiliyani, ni madhoropa yawe, ambari vavbanyi va Megidhu, aholu Vakhanani va di simama guvbanya madhoropani momo.