Josuwa 11:12 - Bhibhiliya Nya Guage

¹² Josuwa a di phanga madhoropa yatshavbo, a songa vafumeli vawe khu matshari, a va mbembisa muphelo, kha nga guleletela ga Mosi, githumi gya Pfhumu Nungungulu.

Josuwa 11:12 Iomraidhean Croise

Dhewuteronome 7:2

avbo Pfhumu Nungungulu wago, a na va ningelago mandzani gwago u va khozisa, u na va mbembisela muphelo. U nga giri navo pwanano, ambari gu va pwela gisiro.

Dhewuteronome 9:3

Muhuno olu, dziti gukhuwe Pfhumu Nungungulu wago, khuye a na thangago mbeli gwago; gufana ni nilo wu vbisago, a na va mbembisa ni gu va fuvisa mbeli gwago; khu guralo, uwe u na va bhobha, u va phalalegisa, u va fuvisa khu givbiredza, kha nga a gu embedego Pfhumu Nungungulu.

Josuwa 10:20

Avbo Josuwa gumogo ni va na Israyeli, va nga va palago ni gu va songetela kala va va mbembisa, vambe va nga vbulugago, va di tutuma va thavela madhoropani nya makhokhola,

Josuwa 10:28

Khu litshigu lolo, Josuwa a di khozisa litigo la Makedha a va songa khu matshari, gumogo ni mufumeli wawe; a di sasela vatshavbo va nga bani vari umomo nyamba tshiya ni moyo. Mufumeli wa Makedha, a di mu gira kha nga idzo a nga girago mufumeli wa Jeriko.

Josuwa 10:30

Pfhumu Nungungulu a di va ningela mandzani ga va na Israyeli, avo gumogo ni mufumeli wawe, gu sasedwa khu matshari lidhoropa gumogo ni vavbanyi waye, nyamba tshidwa ni moyo. Mufumeli wawe a di girwa kha nga idzo a nga girwago mufumeli wa Jeriko.

Josuwa 10:32

Pfhumu Nungungulu, a di ningela lidhoropa la Lakisi mandzani ga na Israyeli, khu litshigu nya wuvili va di li wandra, va bwelo khavbo va sasela khu matshari vatshavbo va nga bani vari umomo, kha nga idzo va giridego lidhoropa la Libhina.

Josuwa 10:35

Khu litshigu lolo la limwedo, va di li wandra va li sasela khu matshari, va mbembisa vatshavbo, kha nga edzi va giridego lidhoropa la Lakisi.

Josuwa 10:37

Va di wandra lidhoropa la Hebroni ni mitalala yaye, va sasela khu matshari vathu vaye, gumogo ni mufumeli waye, nyamba tshiya ni moyo, kha nga idzo va giridego khidzo lidhoropa la Egilomi. Josuwa a di mbembisa lidhoropa, gumogo ni satshavbo si nga bani siri umo.

Josuwa 11:13

Aholu madhoropa ma nga bani ma vbahidwe musigomoni, va na Israyeli kha va ma vbisa, vbavbandze ga eli basi la Hazori li nga vbiswa khu Josuwa.

Josuwa 11:15

Kha nga idzo Pfhumu Nungungulu a nga leletelago khidzo githumi gyaye Mosi, Mosi nuye a di leletela Josuwa; khu guralo, Josuwa nuye a di si gira; gimwalo ni gimwegyo a ngamba gi landrisa ga satshavbo esi Pfhumu Nungungulu a leletedwego Mosi.

Josuwa 13:6

vatshavbo va nga bani va vbahide gigomoni, gukhugela Libhanoni kala matini ga Miserifoti-Mayimi, vatshavbo va na Sidhoni. Eni nyi na va lundra mbeli ga sanana sa Israyeli. U na va kabanisela li khala thomba yawe kha nga idzo nyi gu leletedego khidzo.

Josuwa 21:44

Pfhumu Nungungulu a di ninga gurula khu maphuvbo yatshavbo gukhedza khidzo a nga sambanyago khidzo ga vababe vawe; mwalo ni moyo ya valala vawe a nga bani na gu tiya mbeli gwawe; Pfhumu Nungungulu a di va ningela vatshavbo mandzani gwawe.

Josuwa 8:31

gukhedza khu gileletelo gya Mosi, githumi gya Pfhumu Nungungulu, a nga bani a ningide sanana sa Israyeli, kha nga idzo gu lovidwego khidzo libhukuni nya Nayo wa Mosi, pwani: A gi vbahide khu siwindri si si ngamba vatwa khu mbato, va ningela vbatshani gakone miphaso nya guvbiswe ga Pfhumu Nungungulu ni dzimhamba nya pwanano.

Josuwa 8:8

Avbo mu na gu phangago lidhoropa, li khondriseni khu nilo, kha nga guruma ga Pfhumu Nungungulu. Wonani; esi khu sileletelo sangu.”

Josuwa 9:24

Avo va di hakha Josuwa, khavo: “Ethu sithumi sago va hi embede gukhavo Pfhumu Nungungulu wago tumbiside ga githumi gyaye Mosi, gu mu ninga litigo leli, a mbembisa vavbanyi vaye vatshavbo mbeli gwanu. Khidzo kharato hi taledwego khu hwanga nya wukhongolo ngudzu avbo gwanu khu kotani nya womi wathu, gu kala hi gira esi.