Josuwa 10:33 - Bhibhiliya Nya Guage

³³ Khavbo avbo, Howamu, mufumeli wa Gezeri, a di hongola aya phasedzela Lakisi; aholu Josuwa a di sasela gumogo ni vathu vaye nyamba tshala ni moyo.

Josuwa 10:33 Iomraidhean Croise

2 Samuweli 5:25

Dhavhidhe a di gira idzo Pfhumu Nungungulu a nga mu leletelago khidzo, a sasela Vafilistiya gukhugela Gibheya kala gu vboha Gezeri.

1 Dzikoronika 20:4

Khu hwane nya esi, gu manegide nyimbi tigoni ga Gezeri nya gudwane ni Vafilisitiya; khavbo avbo, Sibhekayi, Muhusu a di songa sipayi, a nga bani ari moyo nya vama vava nya vadandrangulu; ni Vafilisitiya va di khoziswa.

Josuwa 10:32

Pfhumu Nungungulu, a di ningela lidhoropa la Lakisi mandzani ga na Israyeli, khu litshigu nya wuvili va di li wandra, va bwelo khavbo va sasela khu matshari vatshavbo va nga bani vari umomo, kha nga idzo va giridego lidhoropa la Libhina.

Josuwa 10:34

Josuwa gumogo ni va na Israyeli vatshavbo va di vbindra khu Lakisi va hongola Egilomi, va li randrela ni gu li dhumela.

Josuwa 12:12

mufumeli wa Egilomi, moyo; mufumeli wa Gezeri, moyo;

Josuwa 16:10

Khu guralo, va na Efrayimi kha va nga dzi kodza gu tutumisa Vakhanani va nga bani va vbanya tigoni ga Gezeri. Khu guralo, kala na muhuno Vakhanani va nga gu simama gu vbanya tigoni mule, aholu va gu gurumedzwa gu livba gikhaba.

Josuwa 16:3

li relela li thonona Muhwadambo, vbinganoni wa Jafeti, kala vbinganoni wa Bheti-Horoni wa vbavbatshi kala Gezeri wu ya vbelela phwani.

Josuwa 21:21

Va di ningwa Sikemi, lidhoropa nya wuthavelo nya sighevenga, ni mayigwana yaye gigomoni ga Efrayimi, ni Gezeri ni mayigwana yaye,

Valamuli 1:29

Lihundzu la na Efrayimi kha la nga tutumisa Vakhanani va nga bani va khala tigoni ga Gezeri, ava, va di simama guvbanya mule, vbakari ga va na Efrayimi.