Josuwa 10:30 - Bhibhiliya Nya Guage

³⁰ Pfhumu Nungungulu a di va ningela mandzani ga va na Israyeli, avo gumogo ni mufumeli wawe, gu sasedwa khu matshari lidhoropa gumogo ni vavbanyi waye, nyamba tshidwa ni moyo. Mufumeli wawe a di girwa kha nga idzo a nga girwago mufumeli wa Jeriko.

Josuwa 10:30 Iomraidhean Croise

2 Dzipfhumu 10:11

Jewu a di sasela gambe vatshavbo va nga bani va tshade va nyumbani ga Akabi, tigoni ga Jezireyeli, gumogo ni madhota yaye, valongo vaye ni vaphasi vaye nya mhamba, kala gu si tshali ni moyo.

Mitengo 32:22

litigo latshavbo na li rude mandzani ga Pfhumu Nungungulu, avbovbo mu na dzi kodzani gu wuya magaya gwanu na mu tshulegide mahoni ga Pfhumu Nungungulu ni ga vathu va na Israyeli; litigo leli li na bani liri thomba yanu mahoni ga Pfhumu Nungungulu.

Dhewuteronome 2:33

Khu guralo, Pfhumu Nungungulu wathu, a mu ningede mandzani gwathu, hi mu pade, ni sanana saye gumogo ni vathu vaye vatshavbo.

Dhewuteronome 7:2

avbo Pfhumu Nungungulu wago, a na va ningelago mandzani gwago u va khozisa, u na va mbembisela muphelo. U nga giri navo pwanano, ambari gu va pwela gisiro.

Josuwa 10:28

Khu litshigu lolo, Josuwa a di khozisa litigo la Makedha a va songa khu matshari, gumogo ni mufumeli wawe; a di sasela vatshavbo va nga bani vari umomo nyamba tshiya ni moyo. Mufumeli wa Makedha, a di mu gira kha nga idzo a nga girago mufumeli wa Jeriko.

Josuwa 10:29

Khu hwane, Josuwa ni vatshavbo va na Israyeli, va di khuga khu Makedha, va hongola Libhina, vaya dwana navo.

Josuwa 10:31

Khavbo avbo, Josuwa ni vatshavbo va na Israyeli, va di vbindra khu Libhina ni Lakisi, avbo va nga ya ghova avbo, va li dhumela.

Josuwa 11:12

Josuwa a di phanga madhoropa yatshavbo, a songa vafumeli vawe khu matshari, a va mbembisa muphelo, kha nga guleletela ga Mosi, githumi gya Pfhumu Nungungulu.

Josuwa 12:15

mufumeli wa Libhina, moyo; mufumeli wa Adhulamo, moyo;

Josuwa 8:24

Avbo va nga vbedzago gu sasela vavbanyi va Ayi, avo va khabini navo va giwulani, avo va nga lundrwago khu va na Israyeli, hwane nya gu bani vatshavbo na va sasedwe khu matshari, va na Israyeli vatshavbo va di wuya dhoropani va ta sasela vatshavbo khu matshari.

Josuwa 8:29

Josuwa a di rumela gu va vbayega mufumeli wa Ayi vbasimbotunu va mu diga avbovbo kala ni silambo gupfolani nya lidambo; khu guruma ga Josuwa, va di dusa girumbi vbasimbotunu va ya gi dzudzuga vbafuvbi ni nyangwa nya lidhoropa, vbatshani gwaye va di wungedzela gigomo nya siwindri, gi nga guromogo kala na muhuno.

Josuwa 9:3

Aholu vavbanyi va Gibheyoni, avbo va nga pwa iso si nga girwa khu Josuwa dhoropani ga Jeriko ni Ayi,