Josuwa 10:26 - Bhibhiliya Nya Guage

²⁶ Josuwa na ganede esi, a di ruma gukhuye va songwe va vbayegwe vbatshani nya livbandre misimbo, avbo va nga khalago kala vbasilambotunu.

Josuwa 10:26 Iomraidhean Croise

2 Samuweli 21:6

avbo nya sanana saye, hi ningeni livbandre na mavili madzaha hi ma vbayega mbeli ga Pfhumu Nungungulu, Gibheya wa Sawule, uye a hathidwego khu Pfhumu Nungungulu.” Mufumeli a di va hakha, khuye: “Nyi na mi ningani.”

2 Samuweli 21:9

Khavbo avbo, a di va ningela mandzani ga Vagibhiyoni, va ya va vbayega gigomoni, mbeli ga Pfhumu Nungungulu; ava nya livbandre na vavili, va difa gumogo, va songwa khu matshigu nya guhegule nya guvbwerwe mavbila.

Dzindzimo 149:7

gasi va phodze ga va nya mayigo ni gu tsayisa vathu;

Dzindzimo 18:41

Avo va gu lila, aholu mwalo nya gute va vbanyisa; va gu lila ga Pfhumu Nungungulu, aholu uye kha va hakhi.

Mitengo 25:4

Khavbo avbo, Pfhumu Nungungulu a di embela Mosi, khuye: “Tombanisa vathangeli vatshavbo nya vathu va na Israyeli, u va tshwedzisa mbeli ga Pfhumu Nungungulu, mulihanini, vafa na va gu wonwa khu vatshavbo va na Israyeli, mwendro saye Pfhumu Nungungulu a na bosa likhulo laye.”

Matewu 27:25

Gasi gidzemo gyatshavbo gi di hakha, khigyo: “Nandru yoyo nya lufu laye wu na thegele ethu ni sanana sathu!”

Johane 19:31

Kha nga ulo a nga bani ari litshigu nya gudongisele Phasika, Vajudha va diya lomba ga Pilato guya va fanya mawundru, gasi gu va tshisa, gufela gu sirumbi si si khali vbagihambanotunu litshigu nya Sabhadho, kholu a diri litshigu likhongolo Sabhadho yile.

Vagalatiya 3:13

Kristo a hi vbulugiside ga givalo nya Nayo khu gu dzi ningela a vadwa wulangani gwathu. Kholu Milowo nya Guage yari, khiyo: “Vadwe muthu watshavbo a vbayegwago vbagihambanotunu.”

Josuwa 8:29

Josuwa a di rumela gu va vbayega mufumeli wa Ayi vbasimbotunu va mu diga avbovbo kala ni silambo gupfolani nya lidambo; khu guruma ga Josuwa, va di dusa girumbi vbasimbotunu va ya gi dzudzuga vbafuvbi ni nyangwa nya lidhoropa, vbatshani gwaye va di wungedzela gigomo nya siwindri, gi nga guromogo kala na muhuno.

Valamuli 8:21

Aholu Zebha ni Zalimuna va di ganela, khavo: “Delu u ta hi songa uwe kamwe. Kholu tshivba ya muthu ya gu gimbilelana ni giningwa gyaye.” Khavbo avbo, Gidhiyoni a di khuga aya va songa, a dzega simburiselo nya masindra sa dzithamoni nya dzingameriya dzawe.

1 Samuweli 15:33

Samuweli a di mu embela, khuye: “Kha nga olu litshari lago li nga songetela sanana sa vanyamayi nya vangi, Olu mayi wago nuye, a na tshala nyambana uwe.” Samuweli a di dzegela gu mu songa mbeli ga Pfhumu Nungungulu, dhoropani ga Giligali.