Josuwa 10:10 - Bhibhiliya Nya Guage

¹⁰ Pfhumu Nungungulu a di va tadza khu hwanga mbeli ga va na Israyeli, va dwana navo va sasedwa khu va na Israyeli vbafuvbi ni Gibheyoni, va va lundra khu ndzila yiyago Bheti-Horoni, a va sasela kala Azeka ni Makedha.

Josuwa 10:10 Iomraidhean Croise

2 Samuweli 22:15

A di rinya sighalala saye a phalalegisa valala vaye, a di va tutumisa khu gulasa gwaye.

1 Dzipfhumu 9:17

Khu guralo, Solomoni a di vbahedza Gezeri ni Bheti-Horoni wa releloni,

2 Dzikoronika 14:12

Pfhumu Nungungulu a di sasela Vaetiyopiya mahoni ga Asa ni ga Judha, Vaetiyopiya va thava va tutuma.

2 Dzikoronika 25:13

Aholu tsawa nya vama nya masotshwa owu Amaziya a nga va bweledzago khu gumba vbweta gu hongola navo nyimbitunu, va diya sasela madhoropa ya na Judha, gukhugela Samariya kala Bheti-Horoni; va di sasela magumararu mazana (3.000) vathu ni gu phanga thomba nya yingi ngudzu.

Dzindzimo 18:14

A di rinya sighalala saye a va phalalegisa, a di va tutumisa khu gulasa gwaye.

Dzindzimo 44:3

Khandri khu tshivba nya matshari va nga wandra khiyo litigo, gambe khandri mawogo yawe ma nga va ninga gupala; aholu khu libogo lago la nyamudye, ni wenengedzo nya khovbe yago, kholu u di gu va gola.

Dzindzimo 68:14

Gikhati Nungungulu nya Tshivba Yatshavbo, a padego vafumeli, a va phalalegisa gu di thega hunguva gigomoni gya Salimoni.

Dzindzimo 78:55

A di tutumisa vavbanyi va mayigoni mule na va gu si wona, mayigo yawe a ma kabanisela mahundzu ya Israyeli.

Isaya 28:21

Kholu Pfhumu Nungungulu a na khuga a ema nga idzo a nga girago gigomoni gya Perazimi, a goroga kha nga idzo a nga girago kovani wa Gibheyoni, gasi gu gira thumo waye, thumo nya guthise, a vbedzisa thumo waye, thumo waye nya gu samadzise.

Isaya 30:30

Pfhumu Nungungulu a na pwadza lito laye nya wudhumo, ni gu wonegisa tshivba nya libogo laye. A na li reledza na tade khu giviti ni likhulo, ni nilo nya gumbembise, gulasa ni ndzadzi nya talo, ni phuvbo nya gingulu, ni siwindri nya maralala.

Jeremiya 34:7

avbo masotshwa ya mufumeli wa Bhabhiloni ma nga bani na ma nga gu sasela lidhoropa la Jerusalema, gumogo ni gu sasela mambe madhoropa ma nga bani ma tshade ya Judha, a gu Lakisi ni Azeka, kholu madhoropa yaya khayo basi ma nga bani ma tshade ga madhoropa nya makhokhola ya Judha.

Zakariya 14:3

Khavbo avbo, Pfhumu Nungungulu a na duga aya wugela mayigo yoyo, a ma dwanisa, kha nga idzo a dwanidego khidzo litshiguni nya nyimbi.

Dhewuteronome 7:23

Aholu Pfhumu Nungungulu wago, a na va ningela mandzani gwago, a na wusa pfilupfilu nya yikhongolo vbakari gwawe, kala va gumbembiswa.

Josuwa 10:11

Avbo va nga bani va tutuma gu thava va na Israyeli, releloni wa Bheti-Horoni, Pfhumu Nungungulu a di va thesela maralala nya siwindri nya sikhongolo na si gu thega khu ndzadzini, kala Azeka; avo va ngafa khu gu thegedwa khu ndzadzi nya siwindri vangi ngudzu, guvbindra avo va nga songwa khu matshari khu va na Israyeli.

Josuwa 10:28

Khu litshigu lolo, Josuwa a di khozisa litigo la Makedha a va songa khu matshari, gumogo ni mufumeli wawe; a di sasela vatshavbo va nga bani vari umomo nyamba tshiya ni moyo. Mufumeli wa Makedha, a di mu gira kha nga idzo a nga girago mufumeli wa Jeriko.

Josuwa 10:9

Josuwa a dita va mana na va pfhade kholu uye a di khuga khu Ghiligali a pila wutshigu watshavbo na gu gimbila.

Josuwa 11:8

Pfhumu Nungungulu a di va ningela mandzani ga va na Israyeli, va va pala, va gu va lundra kala Sidhoni nya khongolo, va vboha Misirefoti-Mayimi, kala kovani wa Misipa khu Khugadambo; va di va sasela nyamba tshiya ni moyo nya guvbanye.

Josuwa 12:16

mufumeli wa Makedha, moyo; mufumeli wa Bheteli, moyo;

Josuwa 15:35

Jarimuti, Adhulamo, Soko ni Azeka;

Josuwa 15:41

Gedheroti, Bheti-Dhagoni, Nahamani ni Makedha; madhoropa yatshavbo, likhumi na livbandre na limwedo gumogo ni mitalala yawe.

Josuwa 16:3

li relela li thonona Muhwadambo, vbinganoni wa Jafeti, kala vbinganoni wa Bheti-Horoni wa vbavbatshi kala Gezeri wu ya vbelela phwani.

Josuwa 16:5

Khuwo owu vbingano nya thomba ya sanana sa Efrayimi, gukhedza khu dzindranga dzawe, gukhugela Khugadambo, Ataroti-Adhari kala Bheti-Horoni wa vbatshani;

Josuwa 21:22

Kibizayimi ni mayigwana yaye; yatshavbo ma enedza madhoropa mana.

Valamuli 4:15

Pfhumu Nungungulu a di pala Sisera ni dzikareta dzaye, gumogo ni masotshwa yaye yatshavbo mbeli ga Bharaki; Sisera a di ndraga khu karetani a thava, a tutuma khu mawundru.

Valamuli 4:16

Aholu Bharaki, a di lundra dzikareta ni masotshwa kala Haroseti-Hagoyimi; masotshwa yatshavbo ya Sisera ma di songwa khu matshari, nyamba vbuluga ni moyo basi.

Valamuli 5:20

Khu ndzadzini dzi di dwana dzinyeledzi, khu dzindzilani dzawe dza vbatshani dzi wugela Sisera.

1 Samuweli 13:18

wumbe wu dzega ndzila nya guhongole Bheti-Horoni; uwo nya wuraru, wu bela khu ndzila nya vbingano nya kova wa Zebhoyimi, wu thonona giwulani.

1 Samuweli 17:1

Vafilistiya va di dzi dongisela guya dwana nyimbi, va di ya tombana Soko, tigoni ga Judha. Va di ya zumba Efesi-Dhamimi, vbakari ni vbakari ga Soko ni Azeka.