Josuwa 1:9 - Bhibhiliya Nya Guage

⁹ Gasi kha nya gu ruma, gani? Gukheni tiya longo ni gutimisela; u si thavi ambari guthuruga kholu Pfhumu Nungungulu wago, a na bani ari nago gwatshavbo umo u na gimbilago khumo.”

Josuwa 1:9 Iomraidhean Croise

Genesi 28:15

Eni nyi na ni uwe, nyi na gu vhikela ni evbini u na hongolago, nyi na gu wuyisa tigoni momu, kholu gima kha nyi na gu diga, nyi si gu tadzisi esi nyi gu tumbisidego.”

Genesi 39:2

Pfhumu Nungungulu a diri ni Josefa, a di mu gira a katega ga mithumo yaye tatshavbo, a gu hakhwa gwadi nyumbani ga mune waye nya Mugipiti.

Genesi 39:3

Mune waye a di wona nya gukhuye Pfhumu Nungungulu womo ga Josefa, gambe a ngu kategisa mithumo yatshavbo ya mandzani gwaye.

2 Samuweli 13:28

Abhisalamo a di leletela madzaha yaye, khuye: Khedzani gwadi, gikhati monyo wa Amoni wu na gu bani wu tsakide khu wadwa, eni nyi na mi embelani, kheni: Songani Amoni, enu mu songeni nyambana hwanga, kholu kheni nyi mi rumago! Tiyani mu khale vama nya dzindrena.

1 Dzikoronika 28:20

Dhavhidhe a di embela mwanaye Solomoni, khuye: “Tiya longo u nga thavi gilo ni gu pilega hwambo, phara thumo; kholu Pfhumu Nungungulu wangu, a na bani ari nago, gima kha na nga gu diga ambari gu gu divala, kala u vbedza thumo watshavbo nya guvbahe Nyumba ya Pfhumu Nungungulu.

2 Dzikoronika 15:7

Gasi olu dzi garadzeni, mandza yanu ma nga khali ghome, kholu thumoni gwanu mu na mana tshatshazelo.

Dzindzimo 46:7

Pfhumu Nungungulu nya Tshivba Yatshavbo womo vbakari gwathu; Nungungulu wa Jakobe khuye wuthavelo wathu.

Isaya 41:10

u nga khali hwanga, kholu eni nyi nago; u nga vbeli tshivba, kholu eni kheni Nungungulu wago; nyi na gu tiyisa ni gu gu phasa, nyi gu seketela, nyi gu phara khu libogo langu la nyamudye nya gutumbege.

Isaya 43:1

Gasi olu, Pfhumu Nungungulu, oyu a nga gu vangago, uwe Jakobe, bwelo khavbo a wumba uwe Israyeli, a ngu ganela kharati, khuye: “U nga thavi, kholu eni nyi gu dzegiside, nyi gu ranide khu lina lago, uwe u wangu.

Isaya 43:5

Khu guralo u nga thavi, kholu eni nyi nago, nyi na wuyisa situgulwana sago gukhugela Khugadambo, nyi si tombanisa gukhugela Pfoladambo.

Isaya 8:12

“Mu nga ganeli gukhenu ghudzeghudze ga satshavbo esi vathu vava va gukhavo, ghudzeghudze, gambe mu nga thusedzedwi khu esi avo va si thavago.”

Dhaniyeli 10:19

Gi nyi embela, khigyo: “U nga khali hwanga, uwe u gigodwa ngudzu. Gurula gu na khale ni uwe! Tiya! U nga thavi!” Avbo nyi nga embedwago magana yaya, nyi di dzipwa na nyi tiyide, nyi ganela, kheni: “Ganela mune wangu, kholu u nyi ningide tshivba.”

Agewu 2:4

Khu guralo, olu dzi garadze uwe Zorobhabheli; a ngu ganela Pfhumu Nungungulu, dzi garadze nuwe Josuwa, mwamana wa muphasi nya khongolo nya mhamba Jozadhaki, dzi garadzeni nenu vathu vatshavbo va tigoni, a ngu ganela Pfhumu Nungungulu, thumani; kholu eni nyi womo gumogo nanu; a ngu ganela Pfhumu Nungungulu nya Tshivba Yatshavbo.

Agewu 2:5

Kha nga gidzumeledzwano nyi giridego nanu, gikhati mu dugidego khu tigoni ga Egipito, Liphuvbo langu li ngu vbanya vbakari gwanu; mu nga thavi gilo.

Mithumo 4:19

Pedro ni Johane va di va hakha, khavo: “Lamulani enu vamune, mwendro gululamile mahoni ga Nungungulu gu ethu hi yingisa enu vathu guvbindra Nungungulu.

Dhewuteronome 1:21

Wona nya gukhuwe Pfhumu Nungungulu wago, a gu ningide litigo leli. Gwela, u ya li dzege, u li fumula kha nga idzo a ganedego khidzo Pfhumu Nungungulu wa vababe vago: U nga thavi, gambe u nga thurugi.

Dhewuteronome 20:1

Wa gu hongola litungatunu nya guye dwana nyimbi ni valala vago u wona dzikavalu, dzikareta ni vathu nya tengo nya wungi guvbindra uwe, u nga va thavi; kholu Pfhumu Nungungulu wago a nga gu dusago khu tigoni ga Egipito, a na ni uwe.

Dhewuteronome 31:23

Khavbo avbo, Pfhumu Nungungulu a di leletela Josuwa, mwamana wa Nuni, a mu embela, khuye: Tiya longo u si vbeli tshivba; kholu khuwe u na vbohisago sanana sa Israyeli ga litigo nyi sambanyidego gu va ninga; gasi eni nyi na bani nyiri nago.

Dhewuteronome 31:28

Tombanisani vbafuvbi gwangu vasingalagadzi vatshavbo nya mahundzu yanu, gumogo ni dzindruna dzanu, gasi nyi kodza gu ganela dzindzeveni gwawe, nyi na rana ndzadzi ni mafu, gasi yi kodze gu khala fakazi mbeli gwawe.

Josuwa 1:10

Khavbo avbo, Josuwa a di leletela vathangeli nya vathu, a va embela, khuye:

Josuwa 1:17

Hi na gu yingisa ga silo satshavbo, kha nga idzo hi giridego khidzo ga Mosi. Igyo hi gi vbwetago basi khu gukhethu Pfhumu Nungungulu wago a na khale ni uwe, kha nga idzo a khadego khidzo ni Mosi.

Josuwa 1:18

Uye a na gu wugelago a yeyisa milayo yago, a na songwa. Khu guralo, tiya u si thavi gilo.”

Josuwa 10:25

Khavbo avbo, Josuwa a di va embela, khuye: “Mu nga thavi, ambari gu khala hwanga; tiyani longo mu khale dzindrena. Khidzo kharati Pfhumu Nungungulu a na girago ga valala vatshavbo mu na dwanago navo.”

Josuwa 10:8

Pfhumu Nungungulu a di embela Josuwa, khuye: “U nga khali hwanga kholu vatshavbo nyi na va ningela mandzani gwago; mwalo na moyo wawe a na tiyago guta mbeli gwago.”

Josuwa 3:7

Pfhumu Nungungulu a di embela Josuwa, khuye: “Muhuno nyi na phela gu gu khusedza mbeli ga vatshavbo va na Israyeli, gasi va dziti nya gukhavo, kha nga nyi nga bani nyiri ni Mosi, kharato gambe nyi na bani nyiri nago.

Josuwa 6:27

Pfhumu Nungungulu a diri ni Josuwa, ndruma yaye yi di phalalega ni litigo latshavbo.

Josuwa 8:1

Pfhumu Nungungulu a di embela Josuwa, khuye: “U nga thavi gambe u nga vbeli tshivba, dzega vama vatshavbo va somidego, u gwela u ya dwana ni Ayi; wona gukhuwe nyi ningede mandzani gwago mufumeli wa Ayi, gumogo ni vathu vaye, lidhoropa laye ni litigo laye.

Valamuli 6:14

Khu guralo, Pfhumu Nungungulu a di mu khedza, a mu embela, khuye: “Khu tshivba u gu nayo, gimbila u ya tshula va na Israyeli mandzani ga Vamedhiyani. Ina kha nya gu rumela, gani?”

1 Samuweli 10:7

Avbo u na dugedwago khu siwonegiso sesi, gira satshavbo si lombwago gu girwa khu gikhati gyogyo, kholu Nungungulu a na ni uwe.