Josuwa 1:8 - Bhibhiliya Nya Guage

⁸ U nga garali khu gu ganela khu libhuku nya Nayo; aholu gu vbwetega wutshigu ni mihani u alakanyela, gasi u landrisa satshavbo iso si lovidwego umo; khavbo avbo, u na andra ndzilani gwago bwelo khavbo u dugelela.

Josuwa 1:8 Iomraidhean Croise

Genesi 24:63

Ni silambo soso a nga bani a dugide a gimbila gimbila mahangeni, a di khusa maho a gu wona dzingameriya dzi nga bani na dzi gu hidzimela.

2 Dzikoronika 26:5

A di dzi garadza khu gu vbweta Nungungulu matshiguni ya Zakariya, uye a nga bani na siti gwadi siwoniso sa Nungungulu; gikhati a nga namarela ga Pfhumu Nungungulu, Uye a di mu kategisa.

Dzindzimo 119:11

Nyi ngu vegisa monyoni gwangu mahungu yago, gasi nyi si gu ghoheli.

Dzindzimo 119:15

Nyi na alakanyela sileletelo sago satshavbo nyi ninga githawo dzindzila dzago.

Dzindzimo 119:97

Oh! Idzo nyi wu golago khidzo nayo wago! Litshigu latshavbo nya gu alakanya uwo.

Dzindzimo 119:99

Nyi ngu pimisa gwadi guvbindra vahevbudzi vangu, kholu nyi ngu alakanyela sileletelo sago.

Dzindzimo 19:14

Magana yangu ma na gu tsakise, ni mahingigedzo ya monyoni gwangu ma na vbohe mbeli gwago, Pfhumu Nungungulu, muvhikeli ni muvbanyisi wangu.

Dzindzimo 40:10

Kha nya siha gululama gwago monyoni gwangu, aholu nyi tiviside gutumba ni guvbanyisa gwago; kha nya siha lihaladzo ni lisine lago, vbakari nya tshangano nya khongolo.

Mavingu 3:1

Mwanangu, u nga divali nayo wangu, aholu vega monyoni gwago sirumo sangu,

Isaya 59:21

Pfhumu Nungungulu a ngu ganela khuye Gidzumeledzwano gyangu navo, khegi: Liphuvbo langu li guromo avbo gwago, ni magana yangu nyi ma thedego kanani gwago, gima kha ma na duga, ambari khu kanani ga sanana sago, ni ga situgulwana sago, gukhugela olu kala gupindruga; a ngu ganela Pfhumu Nungungulu.

Matewu 12:35

Muthu nya wadi a gu dusa silo nya sadi sa thombani gwaye nya yadi; gasi uye a vivbidego, a gu dusa silo nya guvivbe sa thombani gwaye nya guvivbe.

Matewu 28:20

Va hevbudzeni gu landrisa satshavbo iso nyi nga mi hevbudzani. Gasi eni nyi na bani nyiri nanu gikhati gyatshavbo, kala guhegisani nya litigo.”

Matewu 7:21

“Khandri watshavbo wule a gukhuye: Pfhumu, Pfhumu, a na belago Mufumoni wa Ndzadzini. Aholu a na bela basi uye a girago gugola ga Babe wangu a guromo Ndzadzini.

Matewu 7:24

“Wule a pwago mahungu yangu a ma landrisa, a gu fanana ni mwama nya mapimo a nga vbaha nyumba yaye mugiwindrini.

Luka 11:28

Aholu Jesu a di hakha, khuye: “Indra, khuwe: Va kategide avo va pwago magana ya Nungungulu, va ma landrisa.”

Johane 13:17

Kha nga olu mu sitigo silo sesi, mu na bani mu kategile mwa gu si landrisa.

Johane 14:21

“Oyu atigo milayo yangu, a gu yi vegedza, khuye a nyi golago. Gasi oyu a nyi golago, a ngu godwa khu Babe wangu, eni nyi na mu gola nyi dzi yeyedza gwaye.”

Vaefeso 4:29

Mu nga ganeli magana nya guvivbe, ganelani basi magana nya yadi, nya guphasedzele ava va mapwago.

Dhewuteronome 29:8

Khu guralo, vegisani magana yaya nya gidzumeledzwano gegi, mu ma landrisa, gasi mu kodza gu dugelela ga satshavbo mu na si thumago khu mandza yanu.

Dhewuteronome 29:9

Enu mwatshavbo, vathangeli vanu, mahundzu yanu, madhota yanu, dzindruna dzanu, vavbanyi vatshavbo va Israyeli, mu womo muhuno mbeli ga Pfhumu Nungungulu wanu,

Dhewuteronome 30:14

Kholu magana yaya momo ngudzu vbafuvbi gwago, kanani gwago ni monyoni gwago gasi u ma landrisa.

Dhewuteronome 31:11

gikhati va na Israyeli vatshavbo va ta dzi wonegisago mbeli ga Pfhumu Nungungulu wago, vbawulangatunu a nga wu hathago, uwe u na hevbula Nayo yoyu mbeli ga va na Israyeli vatshavbo.

Dhewuteronome 31:24

Avbo Mosi a nga vbedzago gu lova magana nya Nayo yoyu umo nya libhuku,

Dhewuteronome 5:1

Mosi a di ramba va na Israyeli vatshavbo a ta va embela, khuye: “Yingisa, uwe Israyeli, milayo ni sileletelo muhuno nyi ganelago dzindzeveni gwanu, gasi mu si hevbula, mu si vegedza ni gu si landrisa.

Dhewuteronome 5:29

A diri gwadi ngudzu naripwani va gu mana monyo yoyu, nya gu va nyi ninga githawo ni gu sayisa gikhati gyatshavbo milayo yangu yatshavbo, gasi va katega avo ni sanana sawe kala gupindruga.

Dhewuteronome 5:32

Khu guralo, girani kha nga idzo Pfhumu Nungungulu wanu a mi rumidego; mu nga ndreyini muya nyamudye, mwendro nyambade.

Vakolosi 3:16

Mahungu ya Kristo ma na vbahe ndrani gwanu ma gu andra khu guti gwatshavbo hevbudzanani, mu ningana wusingalagadzi khu gyanu. Embelelani dzindzimo ni sizimba na mu gu bonga Nungungulu khu monyo wanu watshavbo.

Josuwa 1:7

U nga khali basi muthu nya tshivba ni gutimisela, gu vbwetega u dzi wonele u gira kha nga idzo wu rumago nayo watshavbo owu githumi gyangu Mosi gi gu leletedego; u nga tshuki u wu diga u ndreya, uya nyamudye mwendro nyambade, gasi sigiro sago si gu dugela gwadi ni evbini umo u na gimbilago khumo.

Josuwa 8:34

Khu hwane, gu di hevbudwa magana yatshavbo nya Nayo, nya sikategiso ni givalo, kha nga idzo gu lovidwego khidzo Libhukuni nya Nayo.

Gutuledwa 22:14

Va kategide vale va handzago dzingandzu dzawe novbani ga Nvutana, va fela gu mana fanelo nya guhodze simbo nya womi gasi va kodze gu bela khu myanya ya dhoropani.