Josuwa 1:2 - Bhibhiliya Nya Guage

² “Githumi gyangu Mosi gi fude; khu guralo, khuga uwe u tshatuga tsongo wa Joridhani, uwe gumogo ni vathu vatshavbo vava, mu ya bela tigoni nyi ningidego sanana sa Israyeli.

Josuwa 1:2 Iomraidhean Croise

Genesi 17:8

Nyi na gu ninga uwe ni situgulwana sago litigo leli u vbanyago umo olu kha nga muwuyi; litigo latshavbo la Khanani li na khala thomba yago kala gupindruga, Eni nyi na khala Nungungulu wawe.”

Nehemiya 9:23

U di andrisa livelego lawe li tala kha nga dzinyeledzi dza ndzadzini, U va vbohiside ga litigo U tumbisidego gu ninga vababe vawe.

Joba 1:8

Pfhumu Nungungulu a di embela Sathane, khuye: “U di nga gi wona githumi gyangu Joba, gani? Muthu nya gululame a thavago Nungungulu, mwalo mafuni a fananago naye, kholu a ngu hambana ni guvivba.”

Isaya 42:1

Wonani githumi gyangu, gihathwa gyangu nyi gi sayisago, gi nengedzisago monyo wangu. Nyi thede Liphuvbo langu avbo gwaye, gasi a yise gululama ga va nya mayigo.

Mitengo 12:7

Aholu kha nyi giri kharato ga Mosi, githumi gyangu; uye tumbegide nyumbani gwangu gwatshavbo.

Dhewuteronome 3:28

Leletela Josuwa, u mu ninga tshivba ni gu mu tiyisa hwambo; kholu khuye a na thangago mbeli ga vathu vava a gu va bedza ga litigo lile uwe u na gu li wonago khu maho basi.

Dhewuteronome 31:7

Mosi a di rana Josuwa mbeli ga va na Israyeli vatshavbo, a mu embela, khuye: Tiya longo u si vbeli tshivba; kholu u na bela ni vathu vava, ga litigo eli Pfhumu Nungungulu a sambanyidego gu li ningela ga vababe vago; uwe khuwe u na va ningago va li fumela.

Dhewuteronome 34:5

Mosi, githumi gya Nungungulu, a difa avbo vbale, tigoni gwa Mowabhi kha nga idzo a ganedego khidzo Pfhumu Nungungulu.

Josuwa 1:1

Avbo a ngafago Mosi, githumi gya Pfhumu Nungungulu, Pfhumu Nungungulu a di ganela ga Josuwa, mwamana wa Nuni, githumi gya Mosi, khuye:

Josuwa 1:11

“Vbindrani khu vbakari nya lizumbo mu leletela vathu, khenu: Dongiselani dzimbuva, kholu hwane nya matshigu mararu mu na tshatuga tsongo wa Joridhani, mu ya khozisa litigo eli Pfhumu Nungungulu wanu, a mi ningidego gu li fumela.”