Josuwa 1:17 - Bhibhiliya Nya Guage

¹⁷ Hi na gu yingisa ga silo satshavbo, kha nga idzo hi giridego khidzo ga Mosi. Igyo hi gi vbwetago basi khu gukhethu Pfhumu Nungungulu wago a na khale ni uwe, kha nga idzo a khadego khidzo ni Mosi.

Josuwa 1:17 Iomraidhean Croise

2 Samuweli 14:17

Githumi gyago nya nyamayi gi engedzide gambe, khigyo: Lito la mufumeli ni mune wangu li na nyi ninga gurula, kholu, mufumeli wangu, a ngu fanana ni ngilozi ya Nungungulu, guti wuwadi ni wuvivbi; khu guralo Pfhumu Nungungulu wago, a na khale ni uwe!”

1 Dzipfhumu 1:37

Kha nga olu Pfhumu Nungungulu a nga bani nari ni mufumeli, mune wangu, uye a na khale gambe ni Solomoni gasi uye a mane mufumo nya wudhumo, guvbindra mufumo wa mune wangu, Dhavhidhe.”

1 Dzikoronika 28:20

Dhavhidhe a di embela mwanaye Solomoni, khuye: “Tiya longo u nga thavi gilo ni gu pilega hwambo, phara thumo; kholu Pfhumu Nungungulu wangu, a na bani ari nago, gima kha na nga gu diga ambari gu gu divala, kala u vbedza thumo watshavbo nya guvbahe Nyumba ya Pfhumu Nungungulu.

Dzindzimo 20:1

Pfhumu Nungungulu a na gu hakhe litshigu nya sigaradzo, Lina la Nungungulu wa Jakobe li na gu vhikele!

Dzindzimo 20:4

A na gu ninge esi monyo wago wu suvago, a tiyisa satshavbo u pimisago gu gira!

Dzindzimo 20:9

Pfhumu Nungungulu a na vbanyise mufumeli; ha gu gu rana hi hakhe.

Mitengo 27:18

Pfhumu Nungungulu a di hakha Mosi, khuye: “Rana Josuwa, mwamana wa Nuni, a hidzimela avbo gwago, mwama a gu ni Liphuvbo, u ta mu handzega mandza.

Mitengo 27:20

Mu ninge gipandre nya thumo wago, gasi tshangano watshavbo wa na Israyeli wu kodze gu mu yingisa.

Matewu 21:9

Avo va nga bani va thangide mbeli navo va nga bani va guta khu hwane, vatshavbo va di mu kulungela, khavo: “Hosana ga Mwamana wa Dhavhidhe! A na rungudzwe uye a tago linani la Pfhumu! Hosana vbatshani Ndzadzini!”

Dhewuteronome 34:9

Josuwa, mwamana wa Nuni, a di tala khu liphuvbo nya guti, kholu Mosi a di mu handzegide mandza; va na Israyeli va di mu yingela va landrisa kha nga idzo Pfhumu Nungungulu a nga bani a leletede khidzo Mosi.

Josuwa 1:16

Avo va di hakha, khavo: “Hi na gira satshavbo esi u hi leletedego, ni gu hongola gwatshavbo umo u na gu hi rumelago.

Josuwa 1:18

Uye a na gu wugelago a yeyisa milayo yago, a na songwa. Khu guralo, tiya u si thavi gilo.”

Josuwa 1:5

Matshigu yatshavbo nya guvbanye gwago mwalo a na tiyago gu ema mbeli gwago; kha nga idzo nyi giridego ga Mosi, nyi na gira gambe kharato avbo gwago; gima kha nyi na gu diga, ambari gu gu tshiya hwane.

Josuwa 1:9

Gasi kha nya gu ruma, gani? Gukheni tiya longo ni gutimisela; u si thavi ambari guthuruga kholu Pfhumu Nungungulu wago, a na bani ari nago gwatshavbo umo u na gimbilago khumo.”

Josuwa 4:14

Khu litshigu lile kamwe, Pfhumu Nungungulu a di khusedza Josuwa mbeli ga va na Israyeli vatshavbo, ni vatshavbo va di mu ninga githawo kha nga idzo va nga bani va ninga khidzo Mosi na nga gu vbanya.

1 Samuweli 17:37

Pfhumu Nungungulu a nyi vbulugisidego mandzani nya nghala ni mandzani ga gikankanka, a na nyi vbulugisa gambe mandzani ga Mufilisitiya yoyo.” Khavbo avbo, Sawule a di embela Dhavhidhe, khuye: “Gimbila, Pfhumu Nungungulu a na khale ni uwe.”

1 Samuweli 20:13

Babe wangu a gu vbweta gu gu girela guvivba, eni nyi si gu tivisi, nyi si gu digi u hongola khu gurula, Pfhumu Nungungulu a na nyi tsayise khu tshivba ni tshivba. Pfhumu Nungungulu a na khale ni uwe kha nga idzo a khadego khidzo ni babe wangu.