Jona 4:9 - Bhibhiliya Nya Guage

⁹ Khavbo avbo, Nungungulu a di embela Jona, khuye: “Ina wa gu pimisa gukhuwe u na ni fanelo nya gugoroge khu khungu yoyu, gani?” Uye a di hakha, khuye: Nyi ngu yela nyi manega ni giviti kala nyifa.

Jona 4:9 Iomraidhean Croise

1 Dzipfhumu 21:4

Khavbo avbo, Akabi a di bwelela gaya gwaye na vbisegide ngudzu khu kotani nya magana a nga embedwago khu Nabhoti wa Jezireyeli, a nga khuye: “Gima kha nyi na gu ninga thomba ya vababe vangu.” A diya lala vbadawutunu gwaye, a thendregedza khovbe yaye, a khedza ndzaritunu, a si vbweti gu hodza gilo.

Joba 18:4

Uwe u dzi vbadzulelago khu likhulo lago! Ina litigo li na khala giwula khu kotani yago, gani? Mwendro siwindri si na sigudwa wulanga wawe, na?

Joba 36:18

Dzi wonele! U nga dzumeli gu sengwa khu dzithomba, dzi gu yisa gutsayiswani, u nga dzumeli gu dusa tengo nya wungi nya dzitsapawu, gasi gulivba milandru yago.

Joba 5:2

Gipumbu gi nafa khu giviti gyaye, ni ngara a na mbemba khu gumbana mapimo.

Jona 4:1

Khu kotani nya isoso, Jona kha nga tsaka, a di swihala a vbisega.

Jona 4:10

Pfhumu Nungungulu a di engedza a mu wudzisa, khuye: “Ina wa gupwa wuvi khu simbo, u ngamba wupwa wuvi gu wu yala ni gu wu dandrisa, uwo wu nga bugago khu litshigu limwedo wu dandra gambe khu litshigu limwedo.

Jona 4:8

Avbo li nga duga lidambo, Nungungulu a di rumela phuvbo nya guvbise nya gute khu Khugadambo, lidambo li di vbisa hungo wa Jona, uye a di titivala, a lomba gufa, khuye: “Avbo gwangu i tshukwana gufa guvbindra guvbanya.”

Matewu 26:38

Khavbo avbo, a di va embela, khuye: “Hefemulo wangu wu tade khu gusaniseka nya lufu; khalani avba gasi gu nyi bangaladza.”

2 Vakorinto 7:10

Kholu wusiwana, ga Nungungulu, wa gu vanga guvbindrugedza gu yisago guvbanyani; aholu wusiwana wa mafuni wa gu vanga gufa.

Gutuledwa 9:6

Ndrani nya migima yoyo, vathu va na dogorela gufa va gu hamuga, va na vbweta gufa, aholu, lufu li na va thava.

Valamuli 16:16

Khu litshigu ni litshigu, Dhalila a di garadza Samisoni a mu vbedza tshivba khu magana yaye. Hefemulo waye wu di garadzega ngudzu nya gukhwatshi a nafa.