Jona 4:5 - Bhibhiliya Nya Guage

⁵ Khavbo avbo, Jona a di duga dhoropani, aya khala khu phuvbo ga Khugadambo nya lidhoropa, a dzi vbahela tshatsha avbovbo, a khala mutsani nya simbo, gasi gu wona igyo gi na dugelelago ga lidhoropa la Ninivha.

Jona 4:5 Iomraidhean Croise

1 Dzipfhumu 19:13

Gikhati Eliya a pwidego gupepa, a di fenengedza khovbe khu libhadzi; khavbo avbo, a di duga a khala vbamwanyatunu nya phago. Gu dita lito li ngata mu wudzisa, khilo: “Eliya, ginani u thumago avba.”

1 Dzipfhumu 19:9

Na vbohide, a diya bela phalani a lala gasi gu vbindrisa wutshigu, avbo a nga rumedwago magana ya Pfhumu Nungungulu ma ta mu wudzisa khayo: “Eliya, ginani u thumago avbovbo?”

Isaya 57:17

Khu kotani nya makolo yaye nya guvivbe ya Israyele, gu nyi giride nyi khuveka nyi tsayisa vathu; ni gu mi sihela khovbe yangu, aholu khu guyeyisa gwaye, a di landra ndzila yi godwago khu monyo waye.

Jeremiya 20:9

Khavbo avbo, nyi di, kheni: “Kha nyi na mu alakanya gambe, ambari gu ganela gambe khu lina laye;” aholu isoso si di manega monyoni gwangu kha nga nilo wu dzurago na wu sihade maramboni gwangu; nyi ngu zama gu wu segela, aholu kha nyi yi mani ndzila.

Jona 1:5

Khavbo avbo, vagimbidzisi nya litaro va di thava, moyo ni moyo a di lila ga nungungulu waye, va di dzudzugela matini sombo satshavbo si nga bani si romo litaroni gasi gu vbungula gulemela; khu guralo, Jona a di relela vbavbatshi wulangani nya guvegedzedwe sombo, a di ya lala a manwa khu ligovbe nya likhongolo.

Jona 4:4

Pfhumu Nungungulu a di mu embela, khuye: “Ina u na ni fanelo nya gugoroge kharato, gani?”

Jona 4:6

Khavbo avbo, Pfhumu Nungungulu a di bugisa tshafura nya gulaphe wu vega mahagane vbatshani ga Jona, wu gira mutsa vbatshani nya hungo waye, wu mu tshula guvbisegani gwaye. Jona a di tsaka ngudzu khu khungu wowo.