Jona 3:9 - Bhibhiliya Nya Guage

⁹ A gu dzina saye Nungungulu a na dzi laya a bosa giviti nya likhulo laye, gasi hi si mbembi.”

Jona 3:9 Iomraidhean Croise

2 Samuweli 12:22

Dhavhidhe a di va hakha, khuye: “Eni nyi di hala nyi lombelela khu gyanana na gi nga gu vbanya, kholu nyi di gukheni: A gu dzina saye Pfhumu Nungungulu, a na nyi pwela gisiro a nyi vbanyisela gyanana!

Dzindzimo 106:45

A di alakanya gidzumeledzwano a nga gira navo, a va pwela wusiwana khu wuhindzi waye nya wungi.

Dzindzimo 85:3

U vbedzide khorodza yago yatshavbo, u bosa likhulo lago.

Dzindzimo 90:13

Pfhumu Nungungulu, wuya eno gwathu, Kala lini u na hi girelago likhulo? Pwela wuhindzi sithumi sago.

Jeremiya 26:13

Gasi olu, vbindrugedzani mavbanyelo yanu ni sigiro sanu mu yingisani lito la Pfhumu Nungungulu wanu; khavbo uye a na gu bweledzago tsayiso a wu ganedego khu kotani yanu.

Dhaniyeli 4:27

mufumeli a di ganela, khuye: “Khandrilo eli lidhoropa nya likhongolo la Bhabhiloni nyi li vbahidego khu tshivba yangu gu khala tsindza nya gu dhumiswe wugulu wangu gani?”

Amosi 5:15

Nyenyani guvivba, mu gola wuwadi; mu tiyisa lisine gulamulani gwanu. A gu dzina saye Pfhumu Nungungulu nya Tshivba Yatshavbo, a na pwela gisiro mitshaledwa ya Josefe.

Jona 1:15

Va di khusa Jona va mu rinya linene nya guvbenye, ilo li di rula.

Jona 1:6

Mugimbidzisi nya litaro a di hidzimela gwaye aya, khuye: “Khu ginani u khalago umomo nu lade? Wuga u lomba ga Nungungulu wago! A gudzina saye Nungungulu yoyo a na hi alakanya gasi hi si mbembi.”

Jona 4:2

A di lombelela ga Pfhumu Nungungulu, khuye: “Oh! Pfhumu Nungungulu! Ina khandriso esi nyi nga gu embelago, na nyi ngari tigoni gwangu, gani? Khiso si nga nyi gira nyi thava nyi tutumela tigoni ga Tarisisi, kholu nyi di gu dziti gukheni uwe u Nungungulu nya wuhigo, u tadego khu wuhindzi, u hwelago gugoroga, na wu tade khu wuwadi, u si goligo gu gira silo nyamba sadi.

Sofoniya 2:3

Vbwetani Pfhumu Nungungulu, enu mwatshavbo, va nya gurula va mafuni, enu mu landrisago milayo yaye. Zamani guvbweta gululama, dzi nogiseni mbeli gwaye, a gu dzina saye mu na mana wuthavelo litshigu nya likhulo la Pfhumu Nungungulu.

1 Samuweli 6:5

Khu guralo, girani sifananiso nya sithunya ni magondzo ma saselago litigo lanu, mu ninga wudhumo ga Nungungulu wa Israyeli; khu guralo, Uye a na dusa gyandza gyaye vbatshani gwanu, ga nungungulu wanu ni ga litigo lanu.