Jona 3:7 - Bhibhiliya Nya Guage

⁷ A di rumela gukhuye gu wombwa pundru tigoni gwa Ninivha, gupwani: “Khu gurumela ga mufumeli ni vathangeli vaye, vathu ni sirengo, mitshambi nya dzinvuta ni dzimombe va nga hodzi gilo; ambari gu sela mati!

Jona 3:7 Iomraidhean Croise

2 Dzikoronika 20:3

Josafati a di khala hwanga, aya lombelela ga Pfhumu Nungungulu, a laya va na Judha vatshavbo gukhuye va hala, nyamba hodza gilo.

Ezira 8:21

Na hiri vbafuvbi ni tsongo wa Ahavha, nyi di emisa litshigu nya guhale gasi gu dzi sola mbeli ga Nungungulu wathu, gasi hi mu lomba gu a hi yeyedze ndzila nya yadi, ethu ni sanana sathu, gumogo ni silo sathu satshavbo.

Joyele 1:18

Sifuyo si ngu keta, mitshambi nya dzimombe yomo vbakari nya pfilupfilu, kholu wu mwalo wuhaviselo; ni mitshambi nya dzinvuta niyo yomo gutshanisekani.

Jona 3:5

Vathu va Ninivha va di khodwa ga Nungungulu, va emisa litshigu nya guhale, va ambala dzisaku, gukhugela avo nya vakhongolo kala avo nya vadugwane.