Jona 3:4 - Bhibhiliya Nya Guage

⁴ Jona a di bela dhoropani a gimbila litshigu rumba a huwelela, khuye: “Gu nga tshade gipimo nya magumana matshigu, Ninivha gu na pfhungumudwa.”

Jona 3:4 Iomraidhean Croise

2 Dzipfhumu 20:1

Khu matshigu yale, Ezekhiya, a di dwala ngudzu nya guhadze gufa, muprofeti Isaya, mwamana wa Amosi, a dita avbo gwaye ata, khuye: “Pfhumu Nungungulu a ngu ganela kharati, khuye: Dongisela gwadi ndrangani gwago, kholu u ngu hadza gufa, khu na nga vbanya.”

2 Dzipfhumu 20:6

Nyi na engedzela gambe vbatengotunu gwago nya matshigu yago nya guvbanye, likhumi na livbandre myaga, nyi na gu vbulugisa mandzani ga mufumeli wa Asiriya, uwe gumogo ni lidhoropa leli, khu kotani nya lihaladzo langu ni lihaladzo nyi gu nalo khu githumi gyangu Dhavhidhe.”

Isaya 30:18

Ambari khu guralo, Pfhumu Nungungulu a ngu lirela litshigu nya gu mi pwele wuhindzi; Uye a na simama a mi pwela wusiwana, kholu Pfhumu Nungungulu nya gululame; va kategide vatshavbo vale va mu tumbago.

Jeremiya 42:10

Mwa gu khalani khu mavbanyelo nya yadi tigoni momu, Eni nyi na mi tiyisa, wulangani nya gu mi pfhungumule; nyi na mi tsitsa wulangani nya gu mi sigule, kholu nyi ngu dzi laya khu dzimhango nyi mi giredego.

Jona 3:10

Nungungulu a di wona esi va nga girago, nidzo va nga vbindrugedzago khidzo ndzilani gwawe nya guvivbe. A di dzi laya khu guvivba a nga vbweta gu va girela, a si va mbembisi kha nga a nga bani na ganede.

Matewu 12:41

Khu litshigu nya gulamudwe Vaninivha va nata ema gumogo ni mela yoyu, va wu wugela, va wu ninga nandru, kholu avo va dzi vbindrugedzide gikhati va nga tshumayedwago khu Jona. Avba womo uye a gu khongolo guvbindra Jona!

Luka 11:30

Kha nga Jona a nga bani ari giyeyedzo vbakari nya vathu va Ninivha, Mwamana wa Muthu nuye giyeyedzo vbakari nya mela yoyu.

Luka 11:32

Litshigu lolo vathu va Ninivha va na wugela mela yoyu, va wu ninga nandru, kholu va dzi sodziside gikhati va nga tshumayedwago khu Jona. Avba womo uye a gu khongolo guvbindra Jona.

Dhewuteronome 18:22

Dziti gwadi nya gukhuwe muprofeti yoyu a gu ganela khu lina la Pfhumu Nungungulu, aholu magana yaye ma si landriswi, ni gumba dugelela kha nga idzo a nga profetago khidzo, gu yeyedza gupwani magana yoyo khandri ya Pfhumu Nungungulu; a ma ganede khu matshandza yaye muprofeti yoyu; u nga thedwi hwanga khuye.”