Jona 2:4 - Bhibhiliya Nya Guage

⁴ Eni nyi di ganela, kheni: Nyi dzudzugidwe mahoni gwago, khu guralo, nyi na wuya gambe nyaluphye, nyita wona nyumba yago nya gukatege.

Jona 2:4 Iomraidhean Croise

1 Dzipfhumu 8:42

(kholu va napwa ndruma nya Lina lago nya likhongolo, ni gyandza gyago nya tshivba, ni libogo lago li khusegidego) muthu yoyo a guta lombelela nyumbani momu;

1 Dzipfhumu 8:48

va gu vbindrugedza, va wuya avbo gwago khu monyo wawe watshavbo, ni hefemulo wawe watshavbo, na vari khu tigoni momo ga valala vawe va va vbagedego vaya va gira dzikhumbi, va gu lombelelela na va khedzide phuvbo ga litigo u ningidego vababe vawe, ga lidhoropa leli u li hathidego, ni ga nyumba yeyi nyi vbahedego lina lago;

1 Dzipfhumu 9:7

Eni nyi na fuvisa va na Israyeli ga litigo nyi va ningidego; ni nyumba yeyi nyi yi phasedego lina langu, nyi va dzudzuga hwindzo gwangu; Israyeli a na khala gihegiso ni givalo vbakari nya mayigo yatshavbo.

2 Dzikoronika 6:38

va gu vbindrugedza va wuya avbo gwago khu monyo wawe ni hefemulo wawe watshavbo, na vari khu tigoni momo nya wugumbi wawe, va gu lombelela na va khedzide phuvbo ga litigo leli U ningidego vababe vawe, ni lidhoropa leli U li hathidego ni phuvbo ga nyumba yeyi, nyi yi vbahidego yi lumba lina lago.

Dzindzimo 31:22

Eni, vbakari nya gudilele gwangu, nyi di, kheni: “Nyi dusidwe nyi vegwa hwindzo nya maho yago.” Aholu uwe u di yingisa lito nya gilombo gyangu, gikhati nyi nga lila nyi gu rana.

Dzindzimo 42:8

Aholu Pfhumu Nungungulu litshigu latshavbo a na nyi rumela lihaladzo laye, gasi nyi mu dhumisa vbawutshigutunu khu ndzimo, nyi gira nombelo ga Nungungulu a nyi ningago guvbanya.

Dzindzimo 5:7

Gasi eni, khu lihaladzo lago nya likhongolo, nyi ngu bela nyumbani gwago; nyita khidzima nyi gu khozela khu githawo nyumbani gwago nya gukatege.

Dzindzimo 88:6

U nyi rinyide guetani nya lithowo, phalani nya guete nya guthise.

Dzindzimo 88:7

Likhulo lago li ngu nyi lemela, ni mavimbi yago yatshavbo ma ngu nyi fenengedza.

Isaya 38:17

Gusaniseka gogu nyi gu manidego gu nyi resede gurula, khu lihaladzo lago u duside hefemulo wangu, wu si thegi phalani nya guhine, kholu sighoho sangu satshavbo u si dzudzugide hwane gwago.

Isaya 49:14

Aholu Siyoni a gu ganela, khuye: “Pfhumu Nungungulu a nyi digide, mune wangu a nyi divade!”

Jeremiya 15:1

Pfhumu Nungungulu a di nyi embela, khuye: “Ambari nari pwani Mosi ni Samuweli vomo mbeli gwangu va lombelela khu vathu vava, gima eni nyi si va tsetseleli; va duse mbeli gwangu, u va yise hwindzo ni eni!”

Jeremiya 7:15

Nyi na mi dusani mbeli gwangu mu ya hwindzo ni eni, kha nga idzo nyi lundridego khidzo vandriyanu, livelego latshavbo la Efrayimi.

Gililo 3:54

Hungoni gwangu gu di langaladzwa khu mati, kheni: “Yowe nyi fude!” Qof

Ezekiyeli 37:11

Khavbo avbo, a di nyi embela, khuye: “Mwamana wa muthu, marambo yaya khu va na Israyeli. Avo vari, khavo: Marambo yathu ma bangide, gu mbembide gutumba gwathu; hi mbembisidwe.

Dhaniyeli 6:10

Avbo Dhaniyeli a ngapwago gupwani gu hungidwe nayo yoyu, a di hongola gaya gwaye, aya bela makhuvini gwaye, nyumbani ga gitezi, na gu tudwe sihogo si nga bani si khedzide phuvbo ga Jerusalema, a di lombelela nyondro tharu khu litshigu na khidzimide khu dzikhungumudzi, a bonga Nungungulu waye, nga idzo a nga bani na gu gira khu gale.

Jona 2:7

Avbo hefemulo wangu wu nga bani wu tshimega, nyi di alakanya Pfhumu Nungungulu; nombelo wangu wu di gwela kala iyo gwago, nyumbani gwago nya gukatege.