Jona 1:9 - Bhibhiliya Nya Guage

⁹ Uye a di va hakha, khuye: “Eni nyi Muhebheru, nya gu khozela Pfhumu Nungungulu wa Ndzadzini, a vangidego linene ni mafu nya gubange.”

Jona 1:9 Iomraidhean Croise

Genesi 1:10

Nungungulu a di rana gipandre nya gubange, khuye: “Mafu,” a gu rana tshangano nya mati, khuye: “Linene.” Pfhumu Nungungulu a di si wona gukhuye khyadi.

Genesi 14:13

Moyo nya vale va nga thavago, a di ya embela Abrama, Muhebheru a nga bani a vbanya misimboni nya yikhongolo ya Manire-Mambre, nongo wa Esikoli ni Aneri va nga bani va hungide pwanano ni Abrama.

Genesi 24:7

Pfhumu Nungungulu wa ndzadzini a nyi dusidego ndrangani ga babe wangu ni tigoni gwangu nya mavelego, a nyi embede, a sambanya gwangu khuye a na ninga litigo leli ga sanana sangu, Uye a na rumela ngilozi yaye mbeli gwago, a na resa nyamayi a na khalago mwangadzi wa gyanana gyangu.

Genesi 39:14

a di womba dzihuwa a rana vathu va ndrangani, khuye: “Wonani! Mwama wangu a hi resede Muhebheru afela guta hi hembulula! A di hidzimela gwangu a vbweta gu nyi pfinya, nyi vbulugide kholu nyi nga womba dzihuwa nyi rana khu tshivba.

2 Dzipfhumu 17:25

Avbo va phedego gu khala mule, kha va nga ninga githawo Pfhumu Nungungulu; Pfhumu Nungungulu a di rumela dzinghala dzi ta songa vambe vathu vawe.

2 Dzipfhumu 17:28

Khu guralo, a dita moyo nya vaphasi nya mhamba uye a nga bani na dusidwe khu Samariya, ata vbaha Bheteli, ata va hevbudza idzo va fanelago gu thava khidzo Pfhumu Nungungulu.

Ezira 1:2

Kiro, mufumeli wa Perisiya a ngu ganela kharati, khuye: Pfhumu Nungungulu wa Ndzadzini, a nyi ningide mifumo yatshavbo ya mafuni; uye gambe a nyi rwegide rwalo nya gu mu vbahele nyumba Jerusalema, tigoni ga Judha.

Ezira 5:11

Va di hi ninga phindrulo, khavo: Ethu hi sithumi sa Nungungulu wa ndzadzini ni mafuni, aholu ha gu vbahedza nyumba yi vbahidwego hwane nya myaga nya yingi, kholu yi vbahidwe ni gu tiyiswa khu mufumeli nya khongolo wa na Israyeli.

Nehemiya 1:4

Na nyi pwide magana yaya, nyi di khala vbavbatshi nyi lila nyi vbedza matshigu nya gutale na nyi guhala nyi si hodzi gilo, na nyi gu lombelela ga Nungungulu wa ndzadzini.

Nehemiya 2:4

Mufumeli a di khuye: “Wa guvbweta gukhuwe olu nyi gu girela ginani?” Khavbo avbo, nyi di lombelela ga Nungungulu wa ndzadzini,

Nehemiya 9:6

Uwe Pfhumu khuwe basi, u giride gupindruga gwa ndzadzini gu khusegidego ngudzu, ni mabutho yatshavbo nya sivangwa saye, mafu ni satshavbo si guromo umo, yiphwa ni satshavbo si manegago umo; khuwe u vbanyisago sivangwa satshavbo, ni sivangwa sa ndzadzini si ngu gu khozela.

Joba 1:9

Sathane a di hakha Pfhumu Nungungulu, khuye: “Ina Joba a gu hala hala, a thumela Pfhumu Nungungulu, gani?

Dzindzimo 136:26

Dhumisani Nungungulu wa ndzadzini, kholu lihaladzo laye li ngu simama kala gupindruga.

Ekisodha 1:15

Aholu, mufumeli wa Egipito a di ranisa Sifraha ni Puwa; vasingalagadzi va nga bani va dzegelela vanyamayi nya Vahebheru, a va ninga nayo, khuye:

Ekisodha 2:13

Khu mindru gakone, a di duga gambe, aholu a diya mana Vahebheru vavili na va gu dwana. Mosi a di kawuka oyu a nga bani na ghohede kwawe, khuye: “Khu ginani u vetago ndriyago?”

Dhaniyeli 2:44

Khu matshiguni ya vafumeli vovo, Nungungulu wa ndzadzini a na emisa wumbe mufumo nya gu gima kha wu na khoziswa khu mambe mafumbu. A na pfhungumula ni gu mbembisa mifumo yatshavbo ya vafumeli vale, mufumo waye wu na tiya kala gupindruga.

Hoseya 3:5

Khu hwane nya ugo, va na Israyeli va na wuya va vbindrugedza va vbweta Pfhumu Nungungulu wawe, ni Dhavhidhe mufumeli wawe. Khu matshigu nya guhegise va na hidzimela na va gu ndrendremela ga Pfhumu Nungungulu, va hakha sikategiso nya wuwadi waye.

Mithumo 14:15

“Madhota, khu ginani mu gira esi! Ethu nethu hi vathu kha nga enu, hi na ni mavbanyelo mamowo ni enu, ha gu mi tivisa Ivhangeli gasi mu vbindrugedza mavbanyelo mu diga vanungungulu nya liphanga, mu khodwa ga Nungungulu a vbanyago, Uye a nga gira mafu ni ndzadzi, ni yiphwa ni satshavbo si guromo umo.

Mithumo 27:23

Kholu ni wutshigu wowu nyi di tedwa khu ngilozi ya Nungungulu wangu nyi mu khozelago yita dzi wonegisa gwangu,

Vafilipi 3:5

Kholu eni nyi hanide wugwera khu litshigu nya livbandre na mararu nya guvelegwe gwangu; nyi Mujudha nya mavelego nya lihundzu la Bhejami; nyi gyanana nya Vahebheru. Ha gu khedza khu gulandra Nayo, eni nyi diri Mufarisi;

Gutuledwa 11:13

Gikhati gyogyo, gu di dugelela girevareva nya gikhongolo. Gipandre nya likhumi nya lidhoropa gi di pfhungumudwa. Livbandre na mavili magumi mazana (7.000) nya vathu va fude khu girevareva gyogyo. Ava va nga vbulugago va di tala khu rerema va gu dhumisa Nungungulu wa ndzadzini.

Gutuledwa 15:4

Khu mani a na dzi kodzago gumba gu ninga githawo? Khu mani a na dzi kodzago gumba dhumisa lina lago? Kholu, khuwe basi u Agidego! Mayigo yatshavbo ma nata khidzima mbeli gwago, kholu gulamula gwago nya gululame, gu wonegide mahoni ga vathu vatshavbo.”

Gutuledwa 16:11

Va di vala Nungungulu wa Ndzadzini, khu kotani nya gutshaniseke gwawe khu silondra. Aholu kha va dzi kodza gu vbindrugedza va diga mithumo yawe nya guvivbe.