Jona 1:6 - Bhibhiliya Nya Guage

⁶ Mugimbidzisi nya litaro a di hidzimela gwaye aya, khuye: “Khu ginani u khalago umomo nu lade? Wuga u lomba ga Nungungulu wago! A gudzina saye Nungungulu yoyo a na hi alakanya gasi hi si mbembi.”

Jona 1:6 Iomraidhean Croise

2 Samuweli 12:22

Dhavhidhe a di va hakha, khuye: “Eni nyi di hala nyi lombelela khu gyanana na gi nga gu vbanya, kholu nyi di gukheni: A gu dzina saye Pfhumu Nungungulu, a na nyi pwela gisiro a nyi vbanyisela gyanana!

Dzindzimo 107:6

Aholu vbakari nya sigaradzo sawe, va di lila ga Pfhumu Nungungulu, uye a di va vbanyisa sigaradzoni gwawe.

Dzindzimo 78:34

Gikhati a nga bani a va tsayisa, khavbo va nga bani va gu mu alakanya.

Isaya 3:15

Gasi ginani mu gi vbwetago khu gu tshanisa vathu vangu, olu mu gandredzelago vbavbatshi sisiwana? A ngu wudzisa Mune, Pfhumu Nungungulu nya Tshivba Yatshavbo.

Ezekiyeli 18:2

Ginani mu gi manago, enu mu ganelago mavingu yaya khu mahungu nya litigo la Israyeli, khenu: “Vababe va hodzide dziuvha nya dzimbihu, magwaha nya sanana ma ngu khuyugela?”

Joyele 2:11

Pfhumu Nungungulu a ngu khusedza lito laye mbeli nya mabutho yaye; kholu masotshwa yaye mangi ni tshivba ngudzu kholu a na ni tshivba uye a yingisago milayo yaye; kholu litshigu la Pfhumu Nungungulu likhongolo ni guthisa ngudzu, khu mani a na gu li tiyelago?

Amosi 5:15

Nyenyani guvivba, mu gola wuwadi; mu tiyisa lisine gulamulani gwanu. A gu dzina saye Pfhumu Nungungulu nya Tshivba Yatshavbo, a na pwela gisiro mitshaledwa ya Josefe.

Jona 3:8

Aholu, vathu ni sirengo va na ambale dzisaku, va lila khu tshivba yawe yatshavbo ga Nungungulu. Muthu ni muthu a leya ndzilani gwaye nya guvivbe a hambane ni wughevenga wa mandzani gwaye.

Jona 3:9

A gu dzina saye Nungungulu a na dzi laya a bosa giviti nya likhulo laye, gasi hi si mbembi.”

Mithumo 21:13

Aholu uye a di hi hakha, khuye: “Khu ginani mu lilago kharato mu nyi thela wuvi? Eni nyi dzi dongisede, nasiri guya hungeledwa basi, ambari guya songwa Jerusalema khu kotani nya lina la Pfhumu Jesu.”

Varoma 13:11

Hongoleni hi gire kharato ngudzungudzu olu hi gitigo, gikhati muni egi hi vbanyago ga igyo. Hi ngu dziti gukhethu khigyo egi gikhati nya gukhendzuge khu ligovbeni. Kholu guvbanyiswa gwathu gomo vbafuvbi ngudzu guvbindra gikhati hi nga hakhago khigyo gukhodwa.

Vaefeso 5:14

kholu silo satshavbo sa gu khala guwonegelani, sa gu wenengedzwa. Khidzo gu ganedwago pwani: “Khendzuga uwe u ladego, wuga khu ga vafudego, Kristo a na gu wenengedza.”