Jona 1:5 - Bhibhiliya Nya Guage

⁵ Khavbo avbo, vagimbidzisi nya litaro va di thava, moyo ni moyo a di lila ga nungungulu waye, va di dzudzugela matini sombo satshavbo si nga bani si romo litaroni gasi gu vbungula gulemela; khu guralo, Jona a di relela vbavbatshi wulangani nya guvegedzedwe sombo, a di ya lala a manwa khu ligovbe nya likhongolo.

Jona 1:5 Iomraidhean Croise

1 Dzipfhumu 18:26

Va di dzega kuzi yoyo va nga ningwago, va yi pilela; va phela gu lombelela khu lina la Bhahali gukhugela ni dzimindru kala ni vbakari nya mihani, khavo: “Bhahali hi ninge phindrulo!” Aholu, kha va ngapwa ni lito, ambari muthu nya gu va ninge phindrulo. Va di hana ni gu ndraga ndraga va dzuwulugela giluvelo va nga bani va giride.

Joba 2:4

Sathane a di phindrula Pfhumu Nungungulu, khuye: “Tshongi khu tshongi basi. Muthu a ngu dzi kodza gu ningela satshavbo a gu naso, gasi gu kodza gu vbanyisa womi waye.

Dzindzimo 107:25

Kholu a ngu dzina a wusa phuvbo nya yikhongolo yi khusedza mavimbi nya tshivba linene.

Dzindzimo 148:8

nilo ni maralala, girame ni hunguva; dziphuvbo nya tshivba mu girago guruma gwaye;

Muhevbudzi 3:6

gikhati nya gu si mane, ni gikhati nya guhamuge; gikhati nya guvege, ni gikhati nya gudzudzuge;

Isaya 45:20

Tombanani muta; hidzimelani gumogo mwatshavbo, enu mu vbulugidego ga va nya mayigo; vale va rwalago sifananiso nya misimbo nya guvatwe, va gira milombelo ga nungungulu a si dzi kodzigo gu va vbanyisa.

Jeremiya 2:28

Gasi vomo hayi vanungungulu u dzi giredego? Va gu bani vari ni tshivba nga va diga va eme, hi wona mwendro va ngu kodza gu gu vbanyisa matshigu u pwago wuvi; kholu vanungungulu vago uwe Judha vangi, kha nga madhoropa yago.

Hoseya 7:14

Kha va lila avbo gwangu khu monyo wawe watshavbo, aholu va di keta malawuni gwawe, va lomba tirigu ni vbinyu, aholu avo na va hambanide neni.

Jona 1:14

Avo va di lila ga Pfhumu Nungungulu, khavo: “Pfhumu Nungungulu, hi ngu gu lomba! U nga hi digi hifa khu gu dusa hefemulo wa mwama yoyu, hi nga thegedwi khu libango khu kotani nya gusonge muthu nyambana nandru, uwe Pfhumu Nungungulu u giride iso u nga bani u si vbweta.”

Jona 1:16

Na va wonide esi, vama va di khozela Pfhumu Nungungulu khu githawo nya gikhongolo; va di mu girela miphaso ni gu gira sisambanyo.

Jona 1:6

Mugimbidzisi nya litaro a di hidzimela gwaye aya, khuye: “Khu ginani u khalago umomo nu lade? Wuga u lomba ga Nungungulu wago! A gudzina saye Nungungulu yoyo a na hi alakanya gasi hi si mbembi.”

Matewu 25:5

Kha nga ulo mwane a nga hwelago gu vboha, sagadzyana si di phela gu wotela, si gu lala.

Matewu 26:43

Na wide avbo va nga bani varomo vapizane, a di ta va mana gambe na va lade, kholu va di tade khu ligovbe.

Matewu 26:45

Guhegisani, a di wuya avbo va nga bani varomo vapizane, a ta va embela, khuye: “Olu lalani, mu hefemula. Gi vbohide gikhati. Mwamana wa Muthu a na ningedwa mandzani nya sighohi.

Mithumo 27:38

Na hi hodzide, hi di dzudzugela matini mavbila gasi gu vbevbugisa ngalava.

Valamuli 16:19

Dhalila a di ladzisa Samisoni marumbini gwaye, a ranisa mwama moyo, a ta mu gaya dzimbobo dzile nya livbandre na dzimbili dza hungoni gwaye. Dhalila a di phela gutshanisa Samisoni, kholu a di mu vbedzide tshivba.

1 Samuweli 24:3

Uye a di vboha mavbandroni nya dzinvuta ma manegago ndzilani; avbo gu nga bani guri ni phago; Sawule a di bela umo gasi guya dzi ruma. Dhavhidhe gumogo ni masotshwa yaye va di khade khu wubambe nya phago.