Jona 1:4 - Bhibhiliya Nya Guage

⁴ Khu guralo, Pfhumu Nungungulu a di rumela phuvbo nya yikhongolo linene, gu manega gingulu nya gikhongolo, avbo litaro li nga hadza gupandrega.

Jona 1:4 Iomraidhean Croise

Dzindzimo 135:6

Kholu satshavbo a si vbwetago a ngu si gira, ndzadzini ni mafuni, linene ni malangani yatshavbo nya guete.

Dzindzimo 135:7

Khuye a wusago mapfhi gukhugela mahegiso nya mafu; khuye a girago gulasa ni mabara, guwa ndzadzi; a tulela phuvbo yi duga khu gukhothedwani gwaye.

Dzindzimo 148:8

nilo ni maralala, girame ni hunguva; dziphuvbo nya tshivba mu girago guruma gwaye;

Ekisodha 10:13

Khavbo avbo, Mosi a di khusedza ndronga yaye vbatshani nya litigo la Egipito, Pfhumu Nungungulu a di wusa phuvbo khu Khugadambo yi furugedza tigoni litshigu rumba, wutshigu ni mihani. Ni dzimindru, phuvbo ya Khugadambo yi di resa mbasa.

Ekisodha 10:19

Khavbo avbo, Pfhumu Nungungulu a di vbindrugedza phuvbo, gu bela phuvbotshani, yi furugedza khu Muhwadambo, yi vbiyela mbasa yatshavbo yi ya guhudwa phwani nya Gufuvile. Kha gwa tshala ni mbasa mweyo basi tigoni gwatshavbo ga Egipito.

Ekisodha 14:21

Khavbo avbo, Mosi a di thawuludza mandza vbatshani nya yiphwa, Pfhumu Nungungulu a di reda yiphwa ni vbakari nya wutshigu, khu tshivba nya phuvbotshani. A di bangisa yiphwa, mati ma di kabanega khu vbakari.

Ekisodha 15:10

Aholu Uwe u di furugedza khu phuvbo yago, yiphwa yi ta va fenengedza. Va di rika kha nga rikiso nondrwani nya mati nya guete.

Jeremiya 51:16

Khu libara nya lito laye, mati ma gu dzuma ndzadzini, gu khusega mapfhi khu mahegiso nya litigo, gwa gu lasa, ya guwa ndzadzi, gu khuga dziphuvbo khu malangani gwaye.

Amosi 4:13

Kholu khuye a wumbago sigomo, a girago dziphuvbo, a pwadzela muthu makungo ma guromo monyoni gwaye, a vbindrugedza mihani gu khala gidema, a gimbila khu malangani nya gukhugege ya mafuni; Pfhumu, lina laye, khuye Nungungulu nya Tshivba Yatshavbo!

Mitengo 11:31

Khavbo avbo, gu di furugedza phuvbo ya Pfhumu Nungungulu yi resa sikenya na si gu duga khu phuvbo ga phwani, a si mbambamisela maphuvbo yatshavbo nya lizumbo gukhwatshi pfhuka nya guenele litshigu rumba; si dzundrulugela lizumbo latshavbo tanga nya mikono mivili gukhugela vbavbatshi nya mafu guya vbatshani.