Jona 1:3 - Bhibhiliya Nya Guage

³ Aholu Jona a di khuga mahoni ga Pfhumu Nungungulu a thava, a hongola Tarisisi; a di relela dhoropani ga Jope, avbo a ngaya mana litaro li nga bani li gu hongola Tarisisi; khu guralo, a di renga lithigiti, a gu bela litaroni gasi gu hongola navo Tarisisi, hwindzo ni khovbe ya Pfhumu Nungungulu.

Jona 1:3 Iomraidhean Croise

Genesi 3:8

Ga igyo gikhati, va dipwa lito la Pfhumu Nungungulu a nga bani na gu gimbila thembweni apwa gupepa nya silambo, mwama ni nyamayi va di thava va sihalela Pfhumu Nungungulu misimboni ya thembweni.

Genesi 4:16

Khavbo avbo, Kayimi a di khuga a gu ndreya hwindzo ni Pfhumu Nungungulu. A diya vbanyela tigoni ga Nodhi, phuvbo ga Khugadambo gwa Edheni.

1 Dzipfhumu 19:3

Eliya a di tedwa khu hwanga, a duga khu vbale gasi gu vbulugisa womi waye. A vboha Bherisebha wa Judha, aya tshiya iyoyo githumi gyaye.

1 Dzipfhumu 19:9

Na vbohide, a diya bela phalani a lala gasi gu vbindrisa wutshigu, avbo a nga rumedwago magana ya Pfhumu Nungungulu ma ta mu wudzisa khayo: “Eliya, ginani u thumago avbovbo?”

2 Dzikoronika 2:15

Gasi, olu, mune wangu, hi rumele ethu sithumi sago, mavbila, gumogo ni mafura ni vhinya esi u si ganedego.

2 Dzikoronika 2:16

Ethu hi na pila mapulango nya gutale ngudzu ya Libhanoni nya edzi u ma vbwetago khidzo, hi na gu rumela khu gu ma tshatugisa khu yiphwa khu sitataru kala Jope, khiyoyo u na ma vbohisa Jerusalema.”

2 Dzikoronika 9:21

Mufumeli a diri ni mataro ma nga bani ma hongola tigoni ga Tarisisi, ni sithumi sa Hiramo, nyondro mweyo ndrani nya myaga miraru, ma di wuya khu Tarisisi na ma vbagede ndralama, parata, magwaha nya ndzofu, dzifene ni dzipavhawu.

Ezira 3:7

Khavbo avbo, va di ningela dzitsapawu ga vapili nya misimbo ni vameseri nya guvate siwindri, gumogo gambe ni guhodza, wadwa ni mafura, ga vathu va Sidhoni ni va tigoni ga Tiro gasi va va resele khu Libhanoni khu mataro misimbo nya sedhari yi ta tigoni ga Jope kha nga idzo va nga bani va pwananide khidzo ni Kiro, mufumeli wa Perisiya.

Joba 1:12

Pfhumu Nungungulu a di embela Sathane, khuye: “Khedza, u wona satshavbo a gu naso, somo mandzani ni tshivbani gwago, aholu u nga tshuki u kuha mili waye.” Khu guralo Sathane a di khuga mbeli ga Pfhumu Nungungulu.

Joba 2:7

Khu guralo, Sathane a di duga mbeli ga Pfhumu Nungungulu, aya veta Joba khu madwali nya sithunya nya guvbise ngudzu, gukhugela mawundruni kala hungoni.

Dzindzimo 107:23

Vale va tsemakanyago linene khu mataro, va gira wugwewo vbakari nya mati nya makhongolo.

Isaya 2:16

ni vbatshani nya mataro yatshavbo ya Tarisisi ni ga satshavbo iso si wonegago na si mburide mahoni ga vathu.

Isaya 23:1

Gitiviso nya gusasedwe litigo la Tiro. Wombani dzihuwa enu mataro ya Tarisisi! Kholu Tiro mbembisidwe, avbo gu si wonegigo gambe ni nyumba mweyo, ambari ni lisiwo nya gutshegeme avbo dzingalava, mahungu yaya ma tivisidwe gukhugela tigoni ga Kipre.

Isaya 23:10

Tsemakanya litigo lago u fanana ni tsongo nya khongolo wa Nilo, uwe nyamahegyane wa Tarisisi, kholu mwalo a gu himbedzelago.

Isaya 23:6

Tshatugani mu wuya Tarisisi, wombani huwa, enu vavbanyi va bambe nya linene.

Isaya 60:9

Khu lisine, mayigo ya sidwani ma na nyi lirela; guhegula ma nata mataro ya Tarisisi, ma resa sanana sago khu hwindzo, avo va na resa gumogo parata ni ndralama, nya guphasele lina la Pfhumu Nungungulu wago, ni Oyu nya Gukatege wa Israyeli, kholu uye a gu khusedzide.

Jeremiya 10:9

Va namegedwe parata ya Tarisisi ni ndralama nya gute khu Ufazi, thumo wa muvati ni mupfhuli nya ndralama; si ambagisidwe mwendra nya livala la damboni ni giwunguwungu; Satshavbo sesi i thumo wa vathu nya gugengele.

Ezekiyeli 2:8

Aholu uwe mwamana wa muthu, upwa esi nyi gu embelago. U nga khali nuwe muthu nya guyeyise kha nga vathu vale; tula likana u hodza iso nyi gu ningago.”

Ezekiyeli 27:12

“Tarisisi giride wugwewo nago, khu gu wona gutala nya dzithomba dzago; va di renga silo sago khu parata, gikete, thovhu ni tsumbu.”

Ezekiyeli 3:14

Khavbo avbo, Liphuvbo li di nyi dusa khu vbale, hefemulo wangu na wu tade khu guvbisega ni likhulo, aholu gyandza nya tshivba gya Pfhumu Nungungulu gi diri ni eni.

Jona 1:10

Khu guralo, vama vava va di tala khu hwanga, va mu wudzisa, khavo: “Ginani u giridego?” Vama va di gu dziti gukhavo Jona a di thava mbeli ga Pfhumu Nungungulu, kholu uye a di va embede.

Jona 4:2

A di lombelela ga Pfhumu Nungungulu, khuye: “Oh! Pfhumu Nungungulu! Ina khandriso esi nyi nga gu embelago, na nyi ngari tigoni gwangu, gani? Khiso si nga nyi gira nyi thava nyi tutumela tigoni ga Tarisisi, kholu nyi di gu dziti gukheni uwe u Nungungulu nya wuhigo, u tadego khu wuhindzi, u hwelago gugoroga, na wu tade khu wuwadi, u si goligo gu gira silo nyamba sadi.

Luka 9:62

Jesu a di mu hakha, khuye: “Watshavbo uye a pharago liphadza, bwelo khavbo a khedza hwane, kha yedwi khu Mufumo wa Nungungulu.”

Mithumo 15:38

Pawulo kha nga wona gwadi gu hengela ni wule a nga va diga Panfiliya a si hengeli navo thumo.

Mithumo 26:19

“Gukhugela avbovbo, amanawe, mufumeli Agiripa, eni gima kha nyi dzi kodzi gu yeyisa giwonegiso gya Ndzadzini.

Mithumo 9:36

Tigoni ga Jope a di romo, vbakari nya vapizane, nyamayi moyo nya gupwani Tabhita, gu tshamusago gupwani “Yisya!” Adiri muthu nya mithumo ya yadi, a di phasedzela sisiwana.

Mithumo 9:38

Lidha gu di gu, khala vbafuvbi ni Jope, vapizane na va pwide nya gupwani, Pedro womo iyoyo, va di rumela vama vavili gasi guya mu lomba, khavo: “U nga hweli guta eno gwathu.”

Mithumo 9:42

Mahungu nya giliwugiso gile ma di pwala dhoropani gatshavbo ga Jope, vathu nya vangi va di khodwa ga Pfhumu.

Mithumo 9:43

Pedro a di khala Jope matshigu nya gulaphe, ndrangani ga moyo nya gupwani khu Simoni a nga bani ari meseri nya malowo.

1 Vakorinto 9:16

Nyi mwalo fanelo nya gu dzi gire matshandza khu thumo nya gutivise Ivhangeli, kholu i fanelo yangu gu gira isoso. Khidzo, libango ga eni nyamba tivisa Ivhangeli!

2 Vatesalonika 1:9

Avo va na mbembiswa va yiswa hwindzo, nyamba wona ni gupwa tshivba ni wudhumo wa Pfhumu.

Josuwa 19:46

Me-Jarikomi ni Rakomi, ni gitigwana gi nga khedzana ni Jope.