Jona 1:2 - Bhibhiliya Nya Guage

² “Khuga u hongole ga lidhoropa nya likhongolo la Ninivha, u ya li kawuka, kholu guvivba gwaye gu litide kala eno gwangu.”

Jona 1:2 Iomraidhean Croise

Genesi 10:11

Gukhugela umomo a di ladza mufumo waye wu vboha kala Asiriya, a gu vbaha lidhoropa la Ninivha ni Reyobhoti-Iri, Kalahi,

2 Dzipfhumu 19:36

Khavbo avbo, Senakerebhi, mufumeli wa Asiriya, a di khuga a phara ndzila nya gu bwelele tigoni gwaye, aya khala Ninivha.

2 Dzikoronika 28:9

Aholu gu diromo vbale moyo nya muprofeti wa Pfhumu Nungungulu, a nga bani a ranwa gupwani khu Obhedhi, uye a di khinga masotshwa ma nga bani ma wuya khu nyimbitunu ma hongola Samariya, a ya ma embela, khuye: “Pfhumu Nungungulu wa vababe vanu, a gorogede va na Judha, a va ningela mandzani gwanu, aholu enu mu di va songetela khu giviti nya gikhongolo ngudzu, gi nga pwala ndzadzini.

Ezira 9:6

Nyi ganela, kheni: “Nungungulu wangu! Nyi womo gugaradzegani ni mudzitshonini, nya gu khusa khovbe yangu nyi khedza uwe, Nungungulu wangu! Kholu sighoho sathu si dandride guvbindra pimo vbatshani nya mihungo yathu, ni milandru yathu yi litide kala ndzadzini.

Isaya 37:37

Khavbo avbo, Senakeribhi, mufumeli wa Asiriya, a di khuga a bwelela, aya khala tigoni ga Ninivha.

Isaya 58:1

Womba gimima khu lito nya gukhugege, nyamba garala! Lito lago li na dzume kha nga pundru. Thuledza nandru wa vathu vangu, ni sighoho si girwago khu sanana sa Jakobe.

Jeremiya 20:9

Khavbo avbo, nyi di, kheni: “Kha nyi na mu alakanya gambe, ambari gu ganela gambe khu lina laye;” aholu isoso si di manega monyoni gwangu kha nga nilo wu dzurago na wu sihade maramboni gwangu; nyi ngu zama gu wu segela, aholu kha nyi yi mani ndzila.

Ezekiyeli 2:7

Aholu uwe, u na va embela magana yangu, ambari va gu dzumela gu yingisa, mwendro gumba dzumela gu yingisa, kholu avo vathu nya guyeyise.

Hoseya 7:2

Gambe kha va pimisi khu myonyoni gwawe, gukhavo eni nyi ngu alakanya mithumo yawe yatshavbo nya guvivbe; va fenengedzidwe khu sighoho sawe, gikhati gyatshavbo nya gu khedza avo.

Jona 3:2

“Khuga u hongole Ninivha, lidhoropa nya likhongolo, u ya huwelela magana nyi na gu embelago.”

Jona 3:3

Khavbo avbo, Jona a di khuga a hongola Ninivha, kha nga idzo a ganedego khidzo Pfhumu Nungungulu. Ninivha a diri lidhoropa nya likhongolo ngudzu mbeli ga Nungungulu, li di gu dzega matshigu mararu gu li dzuwuluga.

Jona 4:11

Ina kha nyi yeli gu pwela gisiro lidhoropa nya likhongolo la Ninivha, eli li gu na ni guvbindra lizana ni magumavili mazana vathu, va si kodzigo gu hambanisa gyandza gya nyamudye nigyo gya nyambade, na liri ni sifuyo nya singi, gani?”

Mikeya 3:8

Aholu khu lisine eni nyi tade khu tshivba nya Liphuvbo la Pfhumu Nungungulu nyi tade khu mapimo nya gululame ni gumbana hwanga, gasi gu huwelela va na Jakobe khu gu ndraga gwawe nya nayo ni gu yeyedza sighoho sa na Israyeli.

Nahume 1:1

Gulamudwa ga Ninivha. Libhuku nya giwoniso gya Nahume, nya lifumbu la Elikosi.

Nahume 3:19

Gilondra gyago kha gi na vbola, gilondra nya gufe khigyo; vatshavbo va na pwago ndruma yago, va na khwakhwathela mandza khu gu thega gwago, kholu khu mani a nga kiyelago gutshaniswa khu wuvivbi wago?

Matewu 10:18

mu na yiswa mbeli ga vafumeli ni dzipfhumwana khu kotani yangu, mufela guya fakaza mahoni gwawe ni mahoni nya mahedheni.

Matewu 12:41

Khu litshigu nya gulamudwe Vaninivha va nata ema gumogo ni mela yoyu, va wu wugela, va wu ninga nandru, kholu avo va dzi vbindrugedzide gikhati va nga tshumayedwago khu Jona. Avba womo uye a gu khongolo guvbindra Jona!

Jakobe 5:4

Kha mu hakhisi vathu va thumago marembweni gwanu. Upwani gudilela gwawe, dzihuwa dza vale va nga thuma guvbwera, dzi vbohide kala dzindzeveni ga Pfhumu Nungungulu, nya Tshivba Yatshavbo.

Gutuledwa 18:5

Kholu sighoho saye si wungedzelane kala si ya ghuma damboni, gambe Nungungulu dundrugide mithumo yaye nyambasi yadi.