Jona 1:16 - Bhibhiliya Nya Guage

¹⁶ Na va wonide esi, vama va di khozela Pfhumu Nungungulu khu githawo nya gikhongolo; va di mu girela miphaso ni gu gira sisambanyo.

Jona 1:16 Iomraidhean Croise

Genesi 28:20

Khavbo avbo, Jakobe a di gira gisambanyo, khuye: Nungungulu a gu gimbila ni eni a nyi endredza ga lipfhumba leli nyi gu nalo, a nyi ninga guhodza ni guambala,

Genesi 8:20

Nowa a di gira giluvelo a gi phasela ga Pfhumu Nungungulu. A di dzega gimwegyo ga lifumbu ni lifumbu nya sinyoni ni sirengo sile nyamba loledziswa gu hodzwa, a gu luva Pfhumu Nungungulu khu phaselo nya mhamba nya guvbiswe vbagiluvelotunu.

2 Dzipfhumu 5:17

Nahamani a di ganela, khuye: “A gu bani nari kharalo, kha nga u bombago, dzumedzisa eni githumi gyago nyi ningwa mafu ya tigoni momu ma ninganago rwalo nya dziburu dzimbili; kholu gukhugela muhuno, githumi gyago, kha gi na ningela phaselo nya guvbiswe, ambari wumbe phaso ga vambe vanungungulu vbavbandze ga Pfhumu Nungungulu.”

Joba 37:24

Khidzo kharato, vathu va mu ningago githawo, gambe kha khathali khu vale va dzipwago na va gengede.”

Dzindzimo 107:22

Mu ningeni miphaso nya dzimhamba nya gubonge, mu tivisa mithumo yaye khu gutsaka.

Dzindzimo 116:14

Nyi na landrisa sisambanyo nyi giridego ga Pfhumu Nungungulu, olu na nyi gu wonwa khu vathu vatshavbo.

Dzindzimo 50:14

Ningela ga Pfhumu phaso nya gubonge, u landrisa sisambanyo u giridego ga Uye a Khusegidego ngudzu;

Muhevbudzi 5:4

Wa gu hunga gifungo ni Nungungulu, vbiredzela gu gi tadzisa, kholu Nungungulu kha tsakiswi khu vathu nya guvivbedwe khu myonyo. Khu guralo, tadzisa gisambanyo gyago.

Isaya 26:9

Hefemulo wangu wa gu vbweta uwe wutshigu watshavbo, gu ngari dzimindrudzile, hefemulo wangu wa gu vbweta uwe; kholu milayo yago yi ngu gimbidzisa vathu mafuni, vathu va tigoni, va na hevbule gululama.

Jeremiya 5:22

Pfhumu Nungungulu a ngu ganela, khuye: Ina kha mu nyi thavi, gani? Ina kha mu ndrendremeli mbeli gwangu, gani? Kholu kheni nyi nga girago vbingano nya linene khu mafu, vbingano nya gukala gupindruga nyamba ndragwa. Ambari ma gu khusega mavimbi yaye li dzuma linene kha wu na ndragwa.

Dhaniyeli 6:26

Nyi ngu lova khwepa yoyu gasi nyi rumela malangani gwatshavbo nya mufumo wangu, gu vathu va na ndrendremele va thava Nungungulu wa Dhaniyeli. Kholu uye Nungungulu a vbanyago a ngu simama kala gupindruga; mufumo waye wu mwalo mahegiso, gufuma gwaye gwa gu simama kala gupindruga.

Jona 1:10

Khu guralo, vama vava va di tala khu hwanga, va mu wudzisa, khavo: “Ginani u giridego?” Vama va di gu dziti gukhavo Jona a di thava mbeli ga Pfhumu Nungungulu, kholu uye a di va embede.

Jona 1:14

Avo va di lila ga Pfhumu Nungungulu, khavo: “Pfhumu Nungungulu, hi ngu gu lomba! U nga hi digi hifa khu gu dusa hefemulo wa mwama yoyu, hi nga thegedwi khu libango khu kotani nya gusonge muthu nyambana nandru, uwe Pfhumu Nungungulu u giride iso u nga bani u si vbweta.”

Marko 4:31

Wu ngu fanana ni thanga nya ginapi yi yadwago thembweni na yiri yidugwana ga dzimbewu dzatshavbo dza tigoni.

Mithumo 5:11

Vathu vatshavbo nya vakhodwa ni vatshavbo vathu va ngapwa mahungu nya silo sesi va di tala khu hwanga ni guthuruga.

Valamuli 13:16

Aholu Ngilozi ya Pfhumu Nungungulu yi di embela Manowa, khiyo: “Ambari wa gu nyi emisa, kha nyi na hodza guhodza gwago, gira phaso nya guvbiswe, u ningela Pfhumu Nungungulu.” Kholu Manowa a di si muti nya gukhuye, uye Ngilozi ya Pfhumu Nungungulu.