Jona 1:14 - Bhibhiliya Nya Guage

¹⁴ Avo va di lila ga Pfhumu Nungungulu, khavo: “Pfhumu Nungungulu, hi ngu gu lomba! U nga hi digi hifa khu gu dusa hefemulo wa mwama yoyu, hi nga thegedwi khu libango khu kotani nya gusonge muthu nyambana nandru, uwe Pfhumu Nungungulu u giride iso u nga bani u si vbweta.”

Jona 1:14 Iomraidhean Croise

Genesi 9:6

Oyu a vbaladzago novba nya muthu, novba waye nuwo wu na vbaladzwa khu muthu, kholu muthu wumbidwe khu mufananiso wa Nungungulu.

Dzindzimo 107:28

Gugaradzegani gwawe va di lila ga Pfhumu Nungungulu va lomba gu phaswa, uye a di va vbanyisa dzimhangoni gwawe.

Dzindzimo 115:3

Nungungulu wathu womo ndzadzini a ngu gira silo satshavbo khu gugola gwaye.

Dzindzimo 135:6

Kholu satshavbo a si vbwetago a ngu si gira, ndzadzini ni mafuni, linene ni malangani yatshavbo nya guete.

Isaya 26:16

Pfhumu Nungungulu, sigaradzoni gwawe, va di gu vbweta; avbo u nga va tsayisa, va di lila avbo gwago.

Jona 1:13

Khu guralo, vama va di zama gu dzuwa makasiya khu tshivba, gasi va kodze gu manela mafu, aholu kha va dzi kodza, kholu linene li diya na li gu engedzelana guvbenya ngudzu li va garadza.

Jona 1:16

Na va wonide esi, vama va di khozela Pfhumu Nungungulu khu githawo nya gikhongolo; va di mu girela miphaso ni gu gira sisambanyo.

Jona 1:5

Khavbo avbo, vagimbidzisi nya litaro va di thava, moyo ni moyo a di lila ga nungungulu waye, va di dzudzugela matini sombo satshavbo si nga bani si romo litaroni gasi gu vbungula gulemela; khu guralo, Jona a di relela vbavbatshi wulangani nya guvegedzedwe sombo, a di ya lala a manwa khu ligovbe nya likhongolo.

Jona 3:8

Aholu, vathu ni sirengo va na ambale dzisaku, va lila khu tshivba yawe yatshavbo ga Nungungulu. Muthu ni muthu a leya ndzilani gwaye nya guvivbe a hambane ni wughevenga wa mandzani gwaye.

Matewu 11:26

Ina, Baba, kholu khidzo si nga gu nengedzisago khidzo.

Mithumo 28:4

Vamune tigo, na va wone nyoga na yi dandramede mandzani ga Pawulo, va di ganela, khavo: “Khu lisine mwama yoyu gighevenga, a dzi kodzide gu vbuluga matini, aholu Nungungulu kha dzini gu mu diga a vbanya.”

Vaefeso 1:11

Khu gwaye Kristo, hi hathidwe nethu guya ningwa thomba nya guvbanyiswe hi lulamisedwego khu gale, lihaladzo a thumago silo satshavbo khu gudzina ni gugola gwaye.

Vaefeso 1:9

A hi tulede guti sihalo nya gikungo nya guhaladze gwaye khu ga Kristo, kha nga edzi a nga bani a vegiside khidzo khu gale,

Dhewuteronome 21:8

Pfhumu Nungungulu, tsetselela vathu vago va na Israyeli, avo uwe u va dzegisidego, u nga dzumeli gukhuwe novba nyambana nandru wu thegela vbatshani gwathu ethu vathu vago, va na Israyeli. Nandru nya novba wule wu na tsetseledwa.