Johane 8:44 - Bhibhiliya Nya Guage

⁴⁴ Babe wanu khu Sathane, khu kharato mwa vbweta gu gira guhaladza gwaye. Uye gighevenga gukhugela guhegulani, gima a si gu emeli lisine, kholu gwaye limwalo lisine. A gu lipha khu gu landra tumbunugo nya makhalelo yaye, kholu uye muliphi gambe babe nya malipha.

Johane 8:44 Iomraidhean Croise

Genesi 3:15

Nyi na vega livengo ga uwe ni nyamayi, ga gitugulwana gyago ni gitugulwana gyaye. Igyo gi na gu pfara hungo, uwe u na zama gu gi hodza gitshinandro.”

1 Dzipfhumu 22:22

Ilo li di hakha, khilo: Eni nyi naya duga nyi khala liphuvbo nya vaprofeti nya malipha kanani ga vaprofeti vaye vatshavbo. Khavbo avbo, Pfhumu Nungungulu a di li ruma, khuye: Lisine, gimbila uya gira kharato kha nga idzo u ganedego; u naya mu kanganyisa.”

1 Dzikoronika 21:1

Khavbo avbo, Sathane a di wugela va na Israyeli, a kutsedzela Dhavhidhe gu gira gilovela nya vathu va na Israyeli.

Joba 1:11

Aholu, wa gu khusedza libogo lago u kuha iso a gu naso, wona gwadi nya gukhuwe a na gu vala nu gu mu wona.”

Matewu 12:34

Enu livelego nya dzinyoga, mu na dzi kodza kharini gu ganela silo nya sadi, olu mu vivbedwego khu myonyo? Kholu likana la gu dusa iso si tadego monyoni.

Matewu 13:15

Kholu myonyo ya vathu vava yi bangide, va segide dzindzeve ni maho yawe, gasi va si woni khu maho, va si yingisi khu dzindzeve, ni gu mana gwadi tshamuselo wakone, va vbindrugedze mavbanyelo, gasi eni nyi va vbanyise.’

Matewu 13:38

Lithembwe khu litigo; mbewu nya yadi khu sanana nya Mufumo; nyasavare khu sanana sa Sathane;

Johane 6:70

Jesu a di va phindrula, khuye: “Ina khandreni nyi mi hathidego enu nya likhumi na vavili, gani? Ambari ulo, moyo wanu Sathane.”

Johane 7:17

Uye a vbwetago gu gira gugola gwa Nungungulu a na dzi wudzisa gukhuye gihevbudzo gyangu gya guta khu ga Nungungulu, mwendro nya gu gi khugela.

Johane 8:38

Eni nya gu mi embela iso nyi si wonidego ga Babe wangu; gasi enu mwa gu gira iso mu si pwidego ga babe wanu.”

Johane 8:41

Enu mwa gu gira mithumo ya babe wanu.” Avo va di khavo: “Kha ha velegedwa wubhayini. Hi na ni Babe moyo basi a gu Nungungulu.”

Johane 8:55

Aholu, kha mu mutini; eni kheni nyi mutigo. Nari pwani nyi di ganede kheni kha nyi muti, na nyi liphide kha nga enu. Eni nyi ngu muti ni gu vegedza magana yaye.

Mithumo 13:10

“Uwe u gyanana gya Sathane, u tadego khu malipha ni guvivba gwatshavbo, nala nya silo satshavbo nya gululame, u na hegisa lini gu tshunganisela dzindzila nya gululame dza Pfhumu?

Mithumo 24:9

Vajudha navo va di sekela magana yaye khavo khidzo kamwe a ganelago.

Mithumo 5:3

Khavbo avbo, Pedro a di mu wudzisa, khuye: “Ananiya, khu ginani u nga dzumela Sathane a tadza monyo wago, u gu liphela Liphuvbo nya Guage, u gu siha dzimbe dzitsapawu u nga rengisago khidzo gipeto?

2 Vakorinto 11:3

Aholu, nyi na ni hwanga nya gukheni mapimo yanu ma na ghoheka mu diga lisine, ni gukhodwa ga Kristo, kha nga olu Evha a nga sengwa khu malipha ni wugengeli nya nyoga.

1 Pedro 5:8

Dzi phareni, mu dzi wonele, kholu, nala wanu Sathane a ngu mi dzuwulugela na gu dzuma-dzuma nga nghala yi vbwetago muthu gu mu hodza.

2 Pedro 2:4

Nungungulu kha ditshedza dzingilozi dzi nga ghohago, aholu, a di dzi yisa phalani nya guete nya gidema a dzi diga mugidemani, a lindrela litshigu nya gu dzi lamule,

1 Johane 1:8

Ha gu ganela gukhethu hi mwalo gighoho, ha gu dzi kanganyisa ethu vamune wurumba; lisine li mwalo ga ethu.

1 Johane 2:21

Nyi ngu mi lovelani, nasiri khu gukheni kha mu litini lisine, aholu khu kotani mu litigo, ni olu mu dzitigo nya gukhenu malipha gima kha ma dugi khu lisineni.

1 Johane 2:4

Oyu a ganelago gukhuye: “Eni nyi ngu muti,” aholu a si landrisi milayo yaye, a gu lipha, lisine li mwalo gwaye.

1 Johane 3:12

Hi nga giri kha nga Kayimi a nga bani a gu lumba Sathane a songa ndriyaye. A di mu songa khu kotani nya ginani? Kholu mithumo a nga bani a gira Kayimi yi di vivbide, gasi eyi ya ndriyaye yi diri yadi.

1 Johane 3:15

Oyu a vengago ndriyaye musongi. Enu mu ngu dzitini gukhenu musongi mwalo guvbanya nya gupindruge.

Judha 1:6

Ni dzingilozi dzi ngamba kodza gu sayisa wurendra wawe, dzi hungidwe khu makhetshe nya gupindruge, phalani nya gidema, omu Nungungulu a dzi vegidego dzi virela Litshigu nya likhongolo nya gulamudwe.

Gutuledwa 12:9

Khidzo a nga tshipiswa khidzo mwamilambo nya khongolo, mamba nya guhegule, yi ranwago pwani khiyo dhemoni, ni Sathane, mupembi nya litigo latshavbo. Rinyidwe mafuni gumogo ni dzingilozi dzaye.

Gutuledwa 13:14

Gi ngu pengisa vathu va tigoni khu siliwugiso gi ningidwego gu gira khu tshivba nya girengo nya guhegule. Gya gu senga vathu va tigoni va gira gifananiso nya gudhumise girengo nya gukokwe phandza khu litshari gi wuya gi vbanya.

Gutuledwa 2:10

U nga khali hwanga khu gu wona gutshaniseka gu gu viredego. Ndrani nya matshigu yaya, Sathane a na khothela pasoni vambe ni vambe vbakari nya libandla lanu, gasi gu va lingwa. Mu na wona gutshaniseka nya gukhongolo gipimo nya likhumi matshigu. Tumba kala gufa, nyi na gu ambagisa gihugu nya womi nyamba bela.

Gutuledwa 21:8

Gasi va nya wugara, ni mahedheni, ni sighohi, ni sighevenga, ni sibhayi, ni dzindroyi, ni va nya malipha, va nya wunyanga, vatshavbo va dongisedwe wulanga wawe tsivani nya nilo ni solufa, a gu gufa nya wuvili.”

Gutuledwa 22:15

Va na tshala vbavbandze dzimbwa, dzindroyi, va nya wubhayi, va nya gu khozela sikwembu ni vanungungulu nya malipha, sighevenga ni vatshavbo vale va golago ni gu thuma mithumo ya malipha.

Gutuledwa 9:11

Mbasa yatshavbo yi di gu thangedwa khu pfhumu mweyo a gu ngilozi ya phalani. Khu Gihebheru ya gu ranwa “Abhadhoni” khu Gigereki “Apollion” gu tshamusago gupwani “Mumbembisi.”