Johane 7:3 - Bhibhiliya Nya Guage

³ Khu kharato, vandriyaye va di khavo: “Khuga khavba, indra Judheya, gasi vapizane vago va wone navo mithumo u yi girago,

Johane 7:3 Iomraidhean Croise

Genesi 37:20

“Hongoleni hi mu songe hi mu rinya ga moyo nya milambo yeyi, hi na ya khethu a di hodzwa khu sirengo nya likhabi. Hi na nga wona mwendro miloro yaye yi na tadzisega.”

Jeremiya 12:6

Kholu ambari ni vandriyago gumogo ni ndranga ya babe wago, avo navo va gu logovedzide; avo kamwe va ngu gu lundra na va gu gira ligwaha nya likhongolo. Ambari va gu gu sengedzela khu silo nya gumbure u nga va tumbi.

Matewu 12:46

Na nga guganela vbakari nya gidzemo, a di vboha mayi Waye ni vandriyaye, va ngata khalago khu vbavbandze, na va vbweta gu ganela naye.

Marko 3:21

Valongo vaye, na va pwide esi, va dita gasi guta mu dzega, kholu va di pimisa nya gukhavo a di handruga.

Marko 3:31

Khavbo avbo, a di vboha mayi waye ni vandriyaye, va ta ema khu vbavbandze va mu ranisa.

Luka 8:19

Mayi wa Jesu ni vandriyaye va di mu yela, aholu kha va dzi kodza gu vboha vbafuvbi gwaye khu gu tala nya vathu.

Luka 8:20

Va di mu embela, khavo: “Mayi wago ni vandriyago vomo vbavbandze; va guvbweta gu gu wona.”

Johane 2:2

Jesu a di ranidwe nuye ni vapizane vaye mutshadhotunu.

Johane 6:60

Vangi nya vapizane vaye, na va pwide, va di khavo: “Ma ngu lemela magana yaya! Khu mani a na gu ma yingisago?”

Johane 6:66

Gukhugela avbovbo, vapizane nya vangi va di bwelela hwane va mu diga, va si gimbili gambe naye.

Johane 7:10

Hwane nya gu vandriyaye na va hongode, a di landra nuye khu gisihaledza, nyamba dzi wonegisa.

Johane 7:4

kholu muthu watshavbo a vbwetago gu tidwa kha thumi khu gisihaledza. Kha nga olu u girago silo nya nga esi, dzi yeyedze tigoni.”

Johane 7:5

Khu lisine, ambari vandriyaye va disi khodwi gwaye.

Mithumo 2:14

Pedro, na emide gumogo ni vale nya likhumi na moyo, a di khusedza lito a gu ganela kharati, khuye: “Enu vathu va Judheya ni enu mwatshavbo mu vbanyago Jerusalema, khalani na mu gu dziti, gambe tulani gwadi dzindzeve mu yingisa magana yangu.

1 Samuweli 17:28

Gikhati Eliyabhi, koma waye, a mu pwidego na gu ganela ni masotshwa, a di goroga ngudzu a mu wudzisa, khuye: “Khu ginani u vbohidego avba? Dzinvuta dzile nya dzidugwane u dzi tshiyedzide mani giwulani? Nyi ngu yiti mipimiso yago ni guvivba nya monyo wago; u tede guta wona nyimbi basi.”