Johane 7:14 - Bhibhiliya Nya Guage

¹⁴ Aholu vbakari nya buzo, Jesu a di hongola Nyumbani ya Nungungulu aya hevbudza.

Johane 7:14 Iomraidhean Croise

Malakiya 3:1

Pfhumu Nungungulu nya Tshivba Yatshavbo a ngu ganela, khuye: “Wonani nyi ngu rumela ngilozi yangu gasi guta dongisela ndzila mbeli gwangu; Pfhumu mu mu dilelago a na bela khu guvbiredza nyumbani gwaye, ni ngilozi nya gidzumeledzwano hi yi virelago gu reswa, yi ngu vboha.”

Mitengo 29:17

Khu litshigu nya wuvili gu yela gu ningedwa esi: Likhumi na dzimbili dzimombe, dzihamba dzimbili ni likhumi na dzina dzinvutana nya mwaga moyo, nyamba hasa,

Mitengo 29:20

Khu litshigu nya wuraru mu na ningela likhumi na mweyo dzimombe, dzihamba dzimbili ni likhumi na dzina dzinvutana nya mwaga moyo, nyamba hasa;

Matewu 21:12

Jesu a di bela Nyumbani ga Nungungulu a tutumisa vatshavbo va nga bani varomo mule va rengisa, navo va nga bani va renga, a gu reda vbavbatshi dzimeza dza va nya dzituruku nidzo nya varengisi nya matuva, a gu va embela, khuye:

Matewu 26:55

Khavbo avbo, a di thendregedza a khedza gikwata gile nya vathu, khuye: “Mu di donga matshari ni sighomba gasi guta nyi mola, gukhwatshi nyi mbafa! Matshigu yatshavbo nyi diromo Nyumbani gwa Nungungulu aholu mwalo a nga nyi mola!

Luka 19:47

Jesu a di gu hevbudza matshigu yatshavbo Nyumbani ga Nungungulu. Aholu vakhongolo nya vaphasi nya mhamba ni vahevbudzi nya Nayo ni madhota, va di gu zama ndzila nya gu mu songe;

Johane 18:20

Jesu a di mu hakha, khuye: “Nyi ganede tigoni nyamba siha gilo; nyi hevbudzide gikhati gyatshavbo ndrani nya Nyumba nya nombelo ni Nyumbani ya Nungungulu, umo va tshanganelago umo Vajudha vatshavbo, gimwalo nyi nga ganelago khu gisihaledza.

Johane 5:14

Hwane nya isoso, Jesu a diya mu mana Nyumbani ga Nungungulu, a mu embela, khuye: “U vbanyisidwe, u nga ghohi gambe, gasi u si dugeledwi khu mambe madwali nya guvbindre aya.”

Johane 7:2

Wu diri vbafuvbi buzo nya Vajudha, wule wu ranwago pwani i Buzo nya Mitshatsha.

Johane 7:28

Gasi Jesu, gikhati gyogyo, a di gu hevbudza Nyumbani ya Nungungulu, a di khusa lito, khuye: “Ina, mu ngu nyitini gumogo ni guti umo nyitago khumo! Aholu kha nyata khu gudzina gwangu; uye a nga nyi rumelago, mu si mutigo enu khuye a gu ni lisine.

Johane 7:37

Khu litshigu nya guhegise, a gu litshigu likhongolo nya buzo, Jesu, na emide, a di khusa lito, khuye: “Uye a gu ni lidora a nate gwangu ata sela!

Johane 8:2

Ni dzimindru dzikhongolo a di manega gambe Nyumbani ya Nungungulu. Vathu vatshavbo va di mu yela. Khavbo avbo, a di khala vbavbatshi a va hevbudza.

Johane 8:20

Jesu a di ganela magana yaya vbamezatunu nya miningelo, na gu hevbudza Nyumbani ya Nungungulu. Aholu, mwalo a nga mu molago, kholu gikhati gyaye gi di si gu vbohi.