Johane 6:9 - Bhibhiliya Nya Guage

⁹ “Gyomo avba gikhwathana gi gu ni livbandre sibaba nya mala ni dzindzandzi dzimbili. Aholu, ginani gyogyo, ha guvbweta gu enedza gidzemo gegi?”

Johane 6:9 Iomraidhean Croise

1 Dzipfhumu 4:28

Va di resa tirigu ni mwasi nya gubange gasi gu hodzisa dzikavalu nya gu ndrindre dzikareta nya nyimbi, ni edzi nya gu khiledwe. Ndruna ni ndruna, khu gikhati gyaye, yi di yisa satshavbo sesi ni evbini a nga bani a gu manegela iyo mufumeli, gukhedza khidzo a emisidwego khidzo.

2 Dzipfhumu 7:1

Khavbo avbo, Elizewu a di ganela, khuye: “Yingisani magana ya Pfhumu Nungungulu; Pfhumu Nungungulu a ngu ganela kharati, khuye: Mindru khu gikhati nya nga egi, pimo moyo nya wuguvbi nya wadi, wu na rengwa khu sikulu mweyo, ni mipimo mivili nya mala, yi na rengwa avba nyangwani ga Samariya khu sikulu mweyo basi.”

Dzindzimo 147:14

A ngu tiyisa gurula mivbinganoni nya litigo lago, a gu khurisa khu wuguvbi nya wadi nya tirigu.

Dzindzimo 78:19

Va di mu wugela va ganela, khavo: “Ina Nungungulu a na dzi kodza gu hi ninga guhodza giwulani momu, gani?

Dzindzimo 78:41

Gikhati nya gingi khegi va nga linga Nungungulu, va gorogisa oyu a Agidego wa Israyeli.

Dzindzimo 81:16

Nyi di vbweta gu mi ningani tirigu nya yadi, mu hodza mu khura khu wulombe nya gudugele giwindrini.”

Ezekiyeli 27:17

Judha ni litigo la Israyeli a diri avo varengi vago; khu thomba yago va di renga tirigu ya Miniti, dzikofetu, wulombe, mafura ni mafura nya gunungele.

Matewu 14:17

Aholu va di hakha, khavo: “Hi mwalo gilo, avba igyo hi gu nagyo livbandre sibaba ni dzindzandzi dzimbili basi.”

Matewu 16:9

Mu si gu si pimi iso nyi si thulago? Ina kha mu dundrugi sibaba sile nya livbandre si nga enedzago livbandre magumi mazana vathu, ni tengo nya situndru mu nga tadzago khu sipandre si nga tshalago, gani?

Marko 6:38

Uye a di va hakha, khuye: “Sibaba singani mu gu naso? Indrani mu ya wona.” Vapizane, na va sitide va di hakha, khavo: “Livbandre sibaba ni dzindzandzi dzimbili.”

Marko 8:19

avbo nyi nga kabanisa livbandre sibaba nyi hodzisa livbandre magumi mazana vathu, situndru singani mu nga tadzago khu sipandre si nga tshala?” Va di hakha, khavo: “Likhumi na sivili.”

Luka 9:13

Jesu a di va hakha, khuye: “Va ningeni kamwe enu guhodza!” Gasi avo va di khavo: “Avba livbandre sibaba ni dzindzandzi dzimbili basi hi gu nadzo. Ginani gyogyo ha gu pima khu vathu vava. Mwendro hi naya renga guhodza gu ninganago gu va hodzisa vatshavbo!”

Johane 11:21

Marta a di embela Jesu, khuye: “Pfhumu, nari pwani u diromo avba, ndriyangu gima na safa!

Johane 11:32

Na vbohide avbo a nga bani a romo Jesu, Mariya a di thega migondroni gwaye, khuye: “Pfhumu, nari pwani u diromo avba, ndriyangu gima na safa!”

Johane 21:10

Jesu a di khuye: “Nga resani dzindzandzi mu nga molago.”

Johane 21:13

Khavbo avbo, Jesu a di hidzimela, a gu dzega gibaba a va ninga, a gira kharato gambe ni ndzandzi.

Johane 21:9

Va di wona ndzandzi yi na gu vawudwa vbagikhotunu, gumogo ni gibaba.

Johane 6:11

Khavbo avbo, Jesu, a di dzega sibaba a si kategisa, a si kabanisela ga avo va nga bani va khade; na dzegide dzindzandzi, a di gira idzosaye. Vatshavbo va di hodza idzo va nga dzinago khidzo.

Johane 6:7

Filipi a di phindrula, khuye: “Mazana mavili nya dzitsapawu dzi ranwago denari kha ma eneli gu renga dzipawu dzi ninganago gu muthu ni muthu a mane gipandrenyana.”

2 Vakorinto 8:9

Mu ngu wuti wuhindzi wa Pfhumu yathu Jesu Kristo: Uye a nga bani fumide, a di dzi gira gisiwana khu kota yanu, mufela gu mana gufuma khu kota nya wusiwana waye.

Dhewuteronome 32:14

ni wusa nya mahwe nya dzimombe ni mahwe nya dzinvuta ni mafura nya sinvutana, nya dzihamba dzi haviswago Bhasani ni vamabhongwe, gumogo ni wuguvbi nya wadi nya gukuwudwe; mu sede vbinyu nya gutshambe a gu novba nya dziuvha.

Dhewuteronome 8:8

litigo li fumago tirigu ni mala; litigo nya miuvha, nya migonva, madimwa ni marova; litigo nya miolivha, nya mafura nya mangi ni wulombe;

Gutuledwa 6:6

Khavbo avbo, nyi dipwa lito vbakari nya sirengo sa sina, khilo: “Gipimo nya tirigu gu livba thumo nya litshigu, sipimo siraru nya mavbila gu livba thumo nya litshigu aholu u nga pati mati ni vbinyu gambe u nga haganiseli mafura.”