Johane 6:6 - Bhibhiliya Nya Guage

⁶ A di ganela kharati gasi gu mu linga, kholu a di gu giti igyo a nga bani a gu vbweta gu gira.

Johane 6:6 Iomraidhean Croise

Genesi 22:1

Hwane nya gugirege satshavbo sesi, Nungungulu a di linga Abrahama. A di mu rana, khuye: “Abrahama!” Abrahama a di hakha, khuye: “Nyi womo avba.”

2 Dzikoronika 32:31

Aholu avbo vafumeli va Bhabhiloni, va nga mu rumela myango guta mu wudzisa khu sisamadziso si dugelelago tigoni ga Israyeli, Nungungulu a di mu diga gasi gu mu linga ni guti iso a si pimisago monyoni gwaye.

2 Vakorinto 13:5

Nga dzi wudzisani mapimoni gwanu, mu wona mwendro mu ngari nago gukhodwa. Nga dzi khedzani wurumba wanu kha mu dziti gukhenu Jesu Kristo, womo vbakari gwanu, gani? Mwendro mwa gu dzipwa mwa sa hakhwani khu Nungungulu!

Dhewuteronome 13:3

u nga yingisi magana ya muprofeti yoyo mwendro mulori yoyo; kholu Pfhumu Nungungulu wanu, a gu mi linga gasi gu wona gukhuye mu ngu haladza Pfhumu Nungungulu wanu, khu monyo wanu watshavbo ni hefemulo wanu watshavbo.

Dhewuteronome 33:8

Ga Levhi, a di khuye: Uwe Nungungulu, ningela Tumimi yago ni Hurimi yago, ga muthu nya gutumbege, U mu lingidego wulangani wa Masaha u nga ganedzisana naye matini ya Meribha;

Dhewuteronome 8:16

Khuye a nga gu ninga manaha mugiwulani u hodza ayo ma nga bani ma si tidwi khu vababe vanu; gasi gu gu tsayisa ni gu gu linga, gasi u kodze gu mu girela iso nya sadi.

Dhewuteronome 8:2

U na alakanya ndzila yatshavbo eyi Pfhumu Nungungulu wago, a gu gimbidzisidego khiyo giwulani gipimo nya magumana myaga, gasi gu gu vbwasamisa ni gu gu linga, ni guti igyo gi guromo monyoni gwago, gukhuye u na vegedza mwendro khu na vegedza milayo yaye.

Gutuledwa 2:2

Nyi ngu siti sigiro sago, mithumo yago ni gutimisela gwago, kholu nyi ngu dziti nya gukheni khu pwanani ni vathu nyamba si vadi; ni vale va dzi ranago vapizane vasiri avo, u va lingide, u va kona muguliphani gwawe.