Johane 5:9 - Bhibhiliya Nya Guage

⁹ Gikhati gyogyo a di dzegela gu hawuluga, a gu dzega gitshata gyaye a hongola. Satshavbo si giregide khu litshigu nya Sabhadho.

Johane 5:9 Iomraidhean Croise

Isaya 35:6

Silima si na ndragandraga kha nga dzimangwa, ni malimi nya sidudu ma na kulungela khu gutsaka, kholu mati ma na goga giwulani ni gu buga mitsongo mafuni nya gihala.

Jeremiya 17:21

Pfhumu Nungungulu a ngu ganela kharati, khuye: Mwa gu vbweta guvbanya, dzi woneleni mu nga rwali mirwalo khu litshigu nya Sabhadho, gambe mu nga bedzini gilo khu dzinyangwani dza Jerusalema.

Marko 1:31

Na mu yede, a diya mu phara khu libogo a gu mu wusa. Khavbo avbo, feveri yi di dzegela guvbindra, a gu wuga a va sayisa.

Marko 1:42

Na mu embede esi, sokonho yi di dzegela gu diga mudwali wule a agiswa.

Marko 10:52

Khavbo avbo, Jesu a di gi embela, khuye: “Indra, gukhodwa gwago gu gu vbanyiside.” Gikhumu gi di dzegela gu tulega maho gi gu landrela Jesu.

Marko 5:29

Khu lisine, gikhati gile novba wu di hegisa gu duga, a gu dzipwa milini gwaye nya gukhuye hawulugide madwali yaye.

Johane 5:14

Hwane nya isoso, Jesu a diya mu mana Nyumbani ga Nungungulu, a mu embela, khuye: “U vbanyisidwe, u nga ghohi gambe, gasi u si dugeledwi khu mambe madwali nya guvbindre aya.”

Johane 7:23

Kha nga olu mu dzumedzisago gu muthu a bele wugwera khu Sabhadho, gasi gu landrisa Nayo wa Mosi, khu ginani mu nyi zangarelago kholu nyi nga vbanyisa muthu khu Sabhadho?

Johane 9:14

Gulidiri Sabhadho, litshigu Jesu a nga girago thomwa a mu tula maho.