Johane 5:5 - Bhibhiliya Nya Guage

⁵ Vbakari gwawe a di romo mwama moyo a nga bani a gu dwala ndrani nya magumararu na livbandre na miraru myaga.

Johane 5:5 Iomraidhean Croise

Marko 9:21

Jesu a di wudzisa babe wakone, khuye: “Phedwe vbanyalini?” Babe wule a di mu hakha, khuye: “Gukhugela wanana waye;

Luka 13:16

Ina nyamayi yoyu, a gu gyanana gya Abrahama, a nga bani a gu saniswa khu Sathane gipimo nya likhumi na livbandre na miraru myaga, mwalo fanelo nya guvbanyiswe khu litshigu nya Sabhadho, gani?”

Luka 8:43

Vbakari gwawe a di romo nyamayi moyo a nga bani ari ni madwali nya gudugelele novba. Giride gipimo nya likhumi na mivili myaga, na gu phalalegisela thomba yaye yatshavbo dzinyangani, nyamba mana ni mweyo nya gu mu vbanyise.

Johane 5:14

Hwane nya isoso, Jesu a diya mu mana Nyumbani ga Nungungulu, a mu embela, khuye: “U vbanyisidwe, u nga ghohi gambe, gasi u si dugeledwi khu mambe madwali nya guvbindre aya.”

Johane 5:4

[kholu khu gikhati nya gukari ngilozi ya Nungungulu yi nga bani yi gu tshiga yita wunvudza mati muthu nya guphele gu bela lidhamuni a di hawuluga ni mevbini madwali a nga bani ari nawo.]

Johane 5:6

Jesu, a di mu wona na lade, a dziti gukhuye matshigu nari ni madwali yale, a di mu wudzisa, khuye: “U ngu dzina guvbanyiswa, gani?”

Johane 9:1

Na gu vbindra khu ndzila, Jesu a di wona gikhumu nya mavelego.

Johane 9:21

aholu, gukhethu tulegiside kharini maho, kha hi dziti. Ni gukhethu khu mani a mu tudego, kha hi muti; muthu a dandridego; mu wudziseni a na dzi ganelela abune.”

Mithumo 14:8

Listra a di gu vbanya mwama moyo nya guhase mawundru, gukhugela guvelegwa gwaye a diri gigoha, nyamba gimbila.

Mithumo 3:2

Va dita vathu na va rwade mwama a nga bani ari gigoha gukhugela guvelegwani gwaye. Matshigu yatshavbo va dita mu vega vbamwanyatunu nya Nyumba ya Nungungulu gu ranwago pwani “Wumburi,” afela gu lomba zomola ga vathu va belago.

Mithumo 4:22

Kholu mwama a nga hawulugiswa a di vbindride magumana myaga nya guvelegwe gwaye.

Mithumo 9:33

Iyo a ngaya mana mwama moyo nya gupwani Eneya, nya gigoha, a nga bani ari ni livbandre na miraru myaga na ladzisidwe vbadawutunu.