Johane 5:44 - Bhibhiliya Nya Guage

⁴⁴ Mu na khodwa kharini enu mu girelanago lidiwo khu gyanu, mu si thembigo wuzundzo wutago basi khu ga Nungungulu?

Johane 5:44 Iomraidhean Croise

2 Dzikoronika 6:8

Aholu Pfhumu Nungungulu a di mu embela, khuye: Kha nga olu u suvidego guvbaha nyumba yi lumbago Lina langu, u pimiside gwadi monyoni gwago.

Jeremiya 13:23

Ina Muetiyopi a ngu dzi kodza gu vbindrugedza tshonge yaye, mwendro likhamba mavalavala yaye, gani? Khu guralo, enu nenu, olu mu nga olovela gu gira guvivba kha mu na dzi khodza gu gira ugo nya gwadi.

Matewu 23:5

Satshavbo va girago, va gufela gu wonwa khu vathu. Khu kharato va gu gudzisela mikeka nya milayo va hungago vbagiwombotunu ni mawogoni va laphisa matshakafula nya dzingandzu dzawe.

Luka 19:17

Mufumeli a di mu hakha, khuye: ‘U giride gwadi githumi nya gyadi; kha nga olu u nga thembegago ga silo nya sidugwana, nyi na gu pharisa ndronga nya gufumele likhumi madhoropa.’

Johane 12:43

Kholu va di gola ngudzu gu dhumiswa khu vathu guvbindra gu dhumiswa khu Nungungulu.

Johane 17:3

Guvbanya nya gupindruge khogu: Vati uwe basi kha nga Nungungulu nya lisine, ni guti Jesu Kristo, a gu uye u nga mu rumelago.

Johane 3:20

Kholu muthu watshavbo a girago guvivba a ngu venga guwonegela, gambe kha hidzimeli vbafuvbi, gasi mithumo yaye yi si tugudwi.

Johane 5:41

“Kha nyi dhumiswi khu vathu;

Johane 8:43

Khu ginani mu si ma tigo maganelelo yangu? Kholu mu si dzinigo gu hakha magana yangu!

Varoma 2:10

Aholu Nungungulu a na ninga wudhumo ni wuzundzo ni gurula ga vatshavbo vale va girago nya sadi, guphela khu Mujudha kala va nya mayigo.

Varoma 2:29

Mujudha nya lisine khu wule a gu Mujudha khu monyoni gwaye, a nuwo wugwera nya lisine khu wule wu hanwago monyoni, wu hanwago maningano khu edzi li lombago khidzo Liphuvbo, nasiri khu edzi wu lombago khidzo nayo nya gulowe. Khuye oyu a rungudzwago khu Nungungulu, ambari a si rungudzwi khu vathu.

Varoma 2:7

A na ninga guvbanya nya gupindruge vale va dzi garadzago khu guthuma mithumo nya gululame, vale va mu dhumisago ni gu mu rungudza na va gu dwanela gu mana womi nyamba vbela.

1 Vakorinto 4:5

Khavbo avbo, mu nga tutumeli gu lamula gi si gu vbohi gikhati. Virelani Pfhumu a wuye. Uye khuye a nata wenengedzago esi si sihadego gidemani, ni gu funungula esi si sihadego myonyoni nya vathu. Khavbo avbo, muthu ni muthu a na ningwa khu Nungungulu wuzundzo wu mu fanelago.

2 Vakorinto 10:18

Kholu, oyu a dzi zundzago a dzi gira muthu nya khongolo, kha hakhwi, gu hakhwa oyu a zundzwago khu Pfhumu.

Vafilipi 2:3

Mu nga girini gilo khu monyo nya gudwanele gu dzi khusedza mwendro khu matshandza nya mahala, aholu, girani khu gu dzi sodzisa, mu dzi gira va nyalidede ga vathu vatshavbo.

1 Vatesalonika 2:6

Gima kha ha vbweta gu zundzwa khu muthu, ambari khu enu ni vambe.

1 Thimoti 1:17

Khu guralo, ga uye Pfhumu nya gupindruge, rungudzo ni gidhumo si na vegwe gwaye Nungungulu nyamba fa nyamba wonwa khu maho khu gupindruga ni gupindruga Amen.

Vahebheru 3:12

Vandriyangu, dzi woneleni gasi a si manegi ni moyo vbakari gwanu, nya monyo nya guvivbe ni gumba khodwa a ndreya a diga Nungungulu a vbanyago.

Jakobe 2:1

Vandriyangu, enu mu khodwego ga Pfhumu yathu Jesu Kristo, Pfhumu nya wudhumo, mu nga giri gihathela vathu, mu khedza makhalelo.

1 Pedro 1:7

Silingo soso sa gu vbweta gu wonegisa gukhodwa gwanu nya lisine. Ambari ndralama a gu gilo gi fuvago, yi ngu lingedzedwa khu nilo; kharati nugo gukhodwa gwanu, gu na ni lisima ngudzu guvbindra ndralama, gu ngu yela gu lingwa gasi gu yeyedza gutiya gwanu. Khu kharato, mu na kodza gu hakha wuzundzo, ni wudhumo, ni rungudzo litshigu Jesu Kristo a na gu dzi wonegisago.

Judha 1:25

uye a gu Nungungulu moyo basi, Muvbanyisi wathu, a ngu yela gu hakha khu ga Pfhumu yathu Jesu Kristo: Wudhumo, wuzundzo, wugulu, tshivba, wufumu gukhugela guhegulani ga mimela yatshavbo ni olu, kala gupindruga! Amen.

1 Samuweli 15:30

Sawule a di hakha, khuye: “Nyi ghohide; nyi ngu lomba u nyi zundza, vbakari nya vasingalagadzi nya vathu vangu ni mbeli ga va na Israyeli; bwelela gumogo ni eni, gasi hi ya khozela Pfhumu Nungungulu wago.”

1 Samuweli 2:30

Khu kotani nya isoso, upwani esi a ganelago Pfhumu Nungungulu wa Israyeli, wari, khuye: Eni nyi di ganede ga ndranga ya babe wago ni ndranga yago, gukheni va na nyi thumela kha nga vaphasi nya mhamba kala gupindruga. Olu Pfhumu Nungungulu a ngu ganela, khuye: Kha si na simama. Kholu avo va nyi zundzago, nyi na va zundza neni, aholu avo va nyi kanyisago va na thedwa dzitshoni.