Johane 4:6 - Bhibhiliya Nya Guage

⁶ Avbo wu nga bani wu romo nambo wa Jakobe. Na garade khu ndzila, Jesu a di khala bambe nya nambo. Gu diri mihani gikhati nya midiya.

Johane 4:6 Iomraidhean Croise

Matewu 27:45

Gukhugela midiya kala ni silambo gu di manega gidema tigoni gwatshavbo.

Matewu 4:2

Na hade magumana matshigu, wutshigu ni mihani. Jesu a di pwa ndzala.

Matewu 8:24

Avbovbo gi di duga gingulu nya gikhongolo, gi nga gira gu ngalava yi pfhuledwa khu mavimbi. Aholu Jesu a di lade.

Luka 2:7

a gu velega gyanana gyaye nya matiwula, a nga gi fenengedzelago myendra a gi ladzisa mugighowoloni, kholu kha va nga mana wulanga nyumbani nya vaendri.

Luka 9:58

Jesu a di mu hakha, khuye: “Migehe yi na ni mavbala yawe; sinyoni si na ni sihaga sawe. Aholu Mwamana wa Muthu mwalo avbo nya gukhihimele hungo waye.”

Johane 11:9

Jesu a di va hakha, khuye: “Gasi litshigu li mwalo likhumi na dzimbili dziora, gani? Uye a gimbilago mihani kha tshunganeli, kholu a ngu wona safa nya litigo.

Johane 4:12

Ina kamwe uwe u khongolo guvbindra babe wathu Jakobe, a nga hi ningago nambo yoyu, a gu umo a nga bani a gu rega nuye mati, a sela gumogo ni sanana ni sifuyo saye, gani?”

Johane 4:5

A di vboha dhoropani nya gukari ga Samariya, gu ranwago Sikari, vbafuvbi ni gipeto gile Jakobe a nga ningago mwanaye Josefe.

Johane 4:7

A di vboha nyamayi moyo nya Musamariya, ata rega mati, Jesu a di mu lomba, khuye: “Nga nyivba mati nyi sela.”

2 Vakorinto 8:9

Mu ngu wuti wuhindzi wa Pfhumu yathu Jesu Kristo: Uye a nga bani fumide, a di dzi gira gisiwana khu kota yanu, mufela gu mana gufuma khu kota nya wusiwana waye.

Vahebheru 2:17

A di fanela gu khala idzosaye ni vandriyaye siloni satshavbo, gasi a khale Muphasi nya Khongolo nya mhamba, a gu na ni wuhindzi ni gutumbega thumoni nya gu va tshanganise ni Nungungulu, gasi gu tsetseledwa sighoho nya vathu.

Vahebheru 4:15

Muphasi wathu nya khongolo nya mhamba a ngu dzi kodza gu hi pwela wusiwana nya sighoho sathu, kholu, uye nuye lingidwe kha nga ethu, aholu, gima kha ghoha.