Johane 4:42 - Bhibhiliya Nya Guage

⁴² va di embela nyamayi, khavo: “Olu kha hi khodwi khu kotani nya magana yago; hi diya khu gupwa habune; hi ngu dziti nya gukhethu uye khu lisine khuye Kristo Muvbanyisi nya litigo.”

Johane 4:42 Iomraidhean Croise

Isaya 45:22

Wuyani avbo gwangu, mu na ta vbanyiswa enu mwatshavbo mutago khu mahegiso nya litigo; kholu eni kheni Nungungulu, mwalo mumbe.

Isaya 52:10

Pfhumu Nungungulu funungude libogo laye nya guage mbeli ga mayigo yatshavbo; ni mahegiso nya litigo va na wona guvbanyisa ga Nungungulu wathu.

Matewu 1:21

Uye a na velega gyanana nya gikhwathana u na gi thangisago lina la Jesu, kholu gi na vbanyisa vathu vaye musighohoni sawe.”

Luka 2:32

Uye khuye wenengedzo wu na gu wenengedzago va nya mayigo, Uye gambe gidhumo gya Israyeli, ngamo yago.”

Johane 1:29

Gandra ni dzimindru, Johane a di wona Jesu, a nga bani a gu mu tela a ganela, khuye: “Kha mu yi woni yile Nvutana ya Nungungulu yi dusago gighoho nya litigo.”

Johane 11:17

Jesu na vbohide, a di embedwa gupwani ma vbindride matshigu mana na dzingidwe.

Johane 17:8

kholu, na nyi va embede mahungu u nyi ningidego, va di ma hakha, va gu khodwa nya gukhavo khu lisine nyi dzude khiyo gwago, ni gukhavo khuwe u nyi rumedego.

Johane 4:29

“Hongoleni muya wona mwama a nga nyi embela satshavbo nyi giridego. Ina khandri uye Kristo, gani?”

Johane 4:41

Va na mu pwide, nya vangi ngudzu va di khodwa gwaye;

Mithumo 13:23

Ndrani nya livelego la Dhavhidhe, kha nga gutumbisa ga Nungungulu, velegidwe Muvbanyisi wa na Israyeli, a gu uye Jesu.

Mithumo 4:12

Kha hi dzi kodzi gu mana guvbanyiswa khu mumbe muthu, kholu, mafuni gwatshavbo limwalo limbe lina li riyidwego vathu li gu ni tshivba nya gu hi vbanyise.”

Mithumo 5:31

Nungungulu rungudzile Jesu a mu gira Pfhumu ni Muvbanyisi, afela gu ninga gu vbindrugedza mavbanyelo ni gutsetseledwa sighoho sanana sa na Israyeli.

2 Vakorinto 5:19

Kholu Nungungulu khuye a nga tshanganisago litigo ni Uye, khu ga Kristo, gambe kha khedza khu sighoho nya vathu, a di vega maganani gwathu mahungu nya gutshanganise.

1 Thimoti 4:10

Ethu ha gu dzi garadza, hi dzi songa khu gu thuma khu kotani hi vegidego gutumba gwathu ga Nungungulu a vbanyago. Uye khuye muvbanyisi nya vathu vatshavbo ngudzungudzu ga vale va khodwago.

1 Johane 2:2

Kholu, Jesu Kristo a dzi ningede a songwa a gu khala mhamba gasi sighoho sathu si gu tsetseledwa, nasiri esi sathu basi, aholu ni sa vathu vatshavbo.

1 Johane 4:14

Ethu hi si wone, gambe hi ngu tivisa ga vambe gukhethu Babe rumede Mwamana waye, gasi guta khala Muvbanyisi nya litigo.

1 Johane 5:20

Hi ngu dziti gambe gukhethu Mwamana wa Nungungulu vbohide, a ngu hi ninga mapimo nya guti Nungungulu nya lisine. Ethu hi ngu hengela guvbanya ni Nungungulu nya lisine, ethu hi guromo ga Mwamana waye Jesu Kristo. Oyu khuye Nungungulu nya lisine, khugo guvbanya nya gupindruge.