Johane 4:22 - Bhibhiliya Nya Guage

²² Enu mwa gu khozela igyo mu si gitigo, gasi ethu ha gu khozela igyo hi gitigo, kholu guvbanyiswa gwa guta khu ga Vajudha.

Johane 4:22 Iomraidhean Croise

Genesi 49:10

Ndronga nya wufumu kha ya na duga ga Judha, guruma kha gu na duga ga situgulwana saye, kala a gu vboha uye a fanelago gu ruma; oyu mayigo yatshavbo ma na mu yingelago.

Ezira 4:2

va dita ga Zorobhabheli ni ga vathangeli nya dzinyumba dza vababe vawe va va embela, khavo: “Hi digeni hi vbahe nethu gumogo nanu kholu ethu nethu ha gu vbweta Nungungulu wanu; kha nga idzo mu girago enu, ethu nethu hi ngu ningela miphaselo gukhugela litshigu lile Esari-Hadhomi, mufumeli wa Asiriya a hi rumedego eno.”

Dzindzimo 147:19

A ngu sawutela mahungu yaye ga Jakobe, ni sileletelo ni milayo yaye ga na Israyeli.

Dzindzimo 68:20

Nungungulu wathu, Nungungulu a vbanyisago; Pfhumu Nungungulu a ngu hi tshula wugumbini nya lufu.

Isaya 12:2

Wona nya gukhuwe, Nungungulu muvbanyisi wangu; nyi na mu tumba nyi si thavi gilo, kholu, Pfhumu Nungungulu khuye tshivba yangu ni ndzimo yangu; uye khade muvbanyisi wangu.

Isaya 12:6

Wombani mikulungwane mu tsaka, enu vavbanyi va Siyoni, kholu vbakari gwanu, khongolo khu Nyaguage wa Israyeli.”

Isaya 2:3

Mafumbo nya mangi nya mayigo, ma nata ganela, khayo: Hongoleni hi gwele gigomoni ga Pfhumu, hiya Nyumbani ga Nungungulu wa Jakobe, gasi a hi hevbudze dzindzila dzaye, hi gimbila khu dzindzila dzaye, kholu, nayo wu na duga khu Siyoni, magana ya Pfhumu Nungungulu, ma na duga khu Jerusalema.

Isaya 46:13

Nyi ngu resa gululama gwangu, gambe gu mwalo hwindzo; ni guvbanyisa gwangu kha gu na hwela. Nyi na vega guvbanyisa gigomoni ga Siyoni, ni tigoni ga Israyeli, nyi na wusedza wudhumo wangu.

Zakariya 9:9

Nengela ngudzu uwe nyamahegyane wa Siyoni; womba kulungwane nya gutsake uwe nyamahegyane wa Jerusalema; wona, Mufumeli wago a nguta gwago, uye a lulamide gambe Muvbanyisi, gisiwana, a nguta na khilede buru, avbo nya giburwana, gyanana nya buru nya ngadzi.

Luka 24:47

ni gupwani, khu lina laye, gu na hevbudzwa mayigoni gwatshavbo gu vbindrugedza mavbanyelo ni tsetselelo nya sighoho, gukhugela Jerusalema.

Mithumo 17:23

Kholu, na nyi gimbide dhoropani gwanu, nyi wona sihuru sanu nya miphaso, nyi di ya mana gimbe gihuru gi lovidwego pwani: ‘Ga Nguluve nyamba tidwa.’ Uye mu mu phaselago nyamba mutini, khuye nyi vbwetago gu mi tivisani.

Mithumo 17:30

Wonani, Nungungulu kha theli kota khu gikhati vathu va nga vbanya gidemani, a ngu tivisa olu ga vathu vatshavbo va malangani yatshavbo gu vbindrugedza mavbanyelo.

Mithumo 3:26

Nungungulu na wuside githumi gyaye khu ga vafudego, a gi rumede gwanu guhegula, gasi guta mi kategisa, gufela gu muthu ni muthu a mane gu vbindrugedza a diga mithumo yaye nya guvivbe.”

Varoma 11:18

U nga hingigedzi gu dzi vega vbatshani nya matamo ma nga kokwago. U na dzi kodza kharini uwe gu dzi vega vbatshani? Khandruwe u hodzisago khamba, khamba khuwo wu gu hodzisago.

Vahebheru 7:14

Hi ngu dziti gukhethu, khu guvelegwa, Pfhumu yathu a di gu lumba nyumba ya Judha. Aholu, Mosi kha ganela gilo khu lihundzu leli gikhati a nga ganela khu vaphasi nya mhamba.