Johane 4:21 - Bhibhiliya Nya Guage

²¹ Jesu a di mu embela, khuye: “Khodwa gwangu, nyamayi. Gi ngu vboha gikhati mu no khozelago Babe wangu nasiri gigomoni momu, mwendro saye Jerusalema.

Johane 4:21 Iomraidhean Croise

Isaya 66:1

Pfhumu Nungungulu a ngu ganela kharati, khuye: Ndzadzini gikhalo gyangu nya wufumu, ni mafuni gigandredzelo nya migondro yangu. Gasi lifumbu muni nya nyumba mu hadzago gu nyi vbahela, ni gasi wulanga muni nyi yelago gu hefemula avbo, na?

Ezekiyeli 14:3

“Mwamana wa muthu, vathu vovo, myonyo yawe va yi vegide umo nya sifananiso, va vegide gikhunguvanyiso nya gunyenyeze mbeli gwawe. Ina eni nyi na va dzumela gu va nyi wudzisa, gani?”

Ezekiyeli 20:3

Mwamana wa muthu, ganela ni va na Israyeli u va embela kharati, khuwe: Mune Pfhumu Nungungulu, a ngu ganela kharati, khuye: Enu mu dzude mu ta nyi wudzisa iso nyi si golago, gani? Nyi ngu sambanya khu guvbanya gwangu kheni, kha nyi na mi dzumedzisa guta nyi wudzisani. A ngu ganela Mune Pfhumu Nungungulu.

Malakiya 1:11

Aholu gukhugela Khugadambo kala Muhwadambo. Lina langu likhongolo ngudzu vbakari nya mayigo; malangani gwatshavbo va ngu nyi rungudza, va vbisa libani khu lina langu, va nyi girela miphaso yi agidego, kholu lina langu likhongolo vbakari nya mayigo, a ngu ganela Pfhumu Nungungulu nya Tshivba Yatshavbo.

Matewu 18:20

Kholu avbo va manegago vavili mwendro vararu na va tshanganide, khu lina langu, eni nyi na bani nyi romo vbakari gwawe.”

Matewu 28:19

Khu kharato, indrani mu gimbila mu hevbudza mayigo yatshavbo, mu bhapatisa vathu khu lina la Babe, ni la Mwamana, ni la Liphuvbo nya Guage.

Luka 21:24

Nya vangi va na songwa khu matshari, vambe va na vbagedwa va gu yiswa mayigoni kha nga dzikhumbi; Jerusalema gu na gandredzedwa khu va nya mayigo kala gi vbela gikhati gyawe.

Johane 14:6

Jesu a di khuye: “Eni kheni ndzila, ni lisine, ni guvbanya. Mwalo a vbohago ga Babe nyamba yiswa kheni.

Johane 16:2

Vajudha va na mi tutumisani umo nya dzinyumba nya nombelo. Gi ngu vboha gikhati nya gu vatshavbo vale va na mi songago va na pimisa gukhavo va gu rungudza ni gu thumela Nungungulu.

Johane 16:32

Dzitini nya gukhenu gi ngu vboha gikhati, khigyo egi kamwe, mu na guta phalalegiswago, muthu ni muthu a hongola gaya gwaye, mu nyi tshiya nyenga. Aholu khandreni nyenga, kholu Babe a na ni eni.

Johane 4:23

Aholu, gi na vboha gikhati, kha nga gi vbohidego, avbo vakhozeli nya lisine va na khozelago Babe khu Liphuvbo ni lisine, kholu khavo vakhozeli va vbwetwago khu Babe.

Johane 5:25

Khu lisine, nyi ngu mi embelani gukheni gi nguta gikhati, vafi va na yingisago lito la Mwamana wa Nungungulu; avo va na li landrisago va na vbanya.

Johane 5:28

Mu nga liwugi khesi, kholu gi ngu vboha gikhati egi vatshavbo va fudego va gomo marowoni va na pwago lito laye, va wuga:

Mithumo 6:14

Kholu hi mu pwide na gu ganela khuye Jesu wule wa Nazareta a na fuvisa wulanga wowu, a vbindrugedza tumbunugo hi nga tshiyedwago khu Mosi.”

Vaefeso 2:18

Khu ga Kristo, ethu hatshavbo hi tshanganisidwe khu Liphuvbo la limwedo, hi gu tuledwa kharati ndzila nya guvbohe ga Babe.

Vaefeso 3:14

Khigyo gi nyi girago nyi khidzima mbeli ga Nungungulu Babe,

1 Thimoti 2:8

Khu kharato, nya gu vbweta vama vatshavbo va gira nombelo, ni wevbini wulanga, va khusedza mandza ma agidego nyambana likhulo ni wukhusu.

1 Pedro 1:17

Mwa gu lombelela na mu rana, khenu: “Baba,” Uye a lamulago vathu vatshavbo nyamba khedza khu khovbe, a khedzago khu mavbanyelo ya muthu ni muthu; khu kharalo, mu fanede gu mu ninga githawo matshiguni nya guvbanye gwanu mafuni momu.

Gutuledwa 21:22

Dhoropani gwatshavbo kha nya wona Nyumba ya Nungungulu. Kholu uye Pfhumu Nungungulu nya Tshivba Yatshavbo, gumogo ni Nvutana, khuye abune Nyumba ya Nungungulu.